 |
Beliefs | Future | Medical | Topics | Contact Us | Publications | Languages |
| Ngo ma Lubanga Mito ki Botwa? | Pwony me 11  |
Pwony ki Kwer ma Pe Yomo Cwiny Lubanga |
|
 |
Kit pwony ki kwer ango ma pe atir? (1) |
|
Lukricitayo mono myero guye ni Lubanga obedo Triniti? (2) |
|
Pingo Lukricitayo me ada pe gikwero Karama, Paska, nyo nino me nywalegi? (3, 4) |
|
Jo muto gitwero wano jo makwo? (5) |
|
Yecu mono oto i kom yatariya? (6) |
|
Pire tek lakwene me yomo cwiny Lubanga? (7) |
1. Pe pwony ki kwer weng racu. Ento Lubanga pe cwakogi ka gia ki i dini goba nyo pe girwatte ki pwony me Baibul.—Matayo 15:6. 2. Triniti: Jehovah mono obedo Triniti—Lubanga acel i adek? Pe! Jehovah, ma en Won, en aye “Lubanga acel me ada.” (Jon 17:3; Marako 12:29) Yecu obedo Wode me kayo, dok bene tye i te twero pa Lubanga. (1 Jo Korint 11:3) Won dit kato Wod. (Jon 14:28) Cwiny maleng pe obedo ngat mo; obedo teko pa Lubanga aye.—Acakki 1:2; Tic pa Lukwena 2:18.
3. Karama ki Paska: Yecu pe ginywalo i Decemba nino dwe 25. Ginywale i kine ka Oktoba nino dwe 1, i kare mo me mwaka ma lukwat gubedo kagwoko iye romigi woko i dyewor. (Luka 2:8-12) Yecu pe oketo cik pi Lukricitayo me kwero nywalene. Ma ka meno, owaco ki lupwonyene me kwero, nyo po, pi to-ne aye. (Luka 22:19, 20) Karama ki kwer-re gia ki i dini goba mogo macon. Man bene rom aroma ki kwer me Paska, calo tic ki tong-gweno ki apwoyo. Lukricitayo macon pe gukwero Karama nyo Paska, dok kadi wa Lukricitayo me ada i kareni bene pe gikwero. 4. Nino me Nywale: Kwero nino me nywale aryo keken aye giwaco pire i Baibul ma jo ma pe giworo Jehovah aye gutimo. (Acakki 40:20-22; Marako 6:21, 22, 24-27) Lukricitayo macon pe gukwero nino me nywale. Tim me kwero nino me nywale a ki i dini macon me goba. Lukricitayo me ada gimiyo mot dok ginamo kacel i kare mapatpat i mwaka. 5. Lworo Jo Muto: Jo muto pe gitwero timmo gin mo nyo winnyo gin mo. Pe watwero konyogi, dok pe gitwero wanowa. (Jabuli 146:4; Latitlok 9:5, 10) Gin makwo to; pe dok mede ki kwo i nge to. (Ejekiel 18:4) Ento i kare mogo lumalaika maraco, ma kilwongogi ni jogi, gibino calo tipo pa jo muto. Kwer mo ma dok i kom lworo nyo woro jo muto pe atir.—Icaya 8:19. 6. Yatariya: Yecu pe oto i kom yatariya. En oto i kom wir, nyo yat ma olutte atir. Lok me leb Grik ma kigonyo ni “yatariya” i Baibul mapol ocung pi yat bao acel mere keken. Cal yatariya bino ki i dini macon me goba. Yatariya gire Lukricitayo macon pe gutiyo kwede nyo guworo. Pi meno, itamo ni twero bedo gin ma atir me tic ki yatariya i woro Lubanga?—Nwoyo Cik 7:26; 1Jo Korint 10:14. 7. Oromo bedo tek tutwal me bwoto jami mogo i kin pwony ki kwer magi. Wadi ki lurem guromo teme me biti pe me loko niyeni. Ento yomo cwiny Lubanga pire tek loyo yomo cwiny dano.—Carolok 29:25; Matayo 10:36, 37. |
||||||
Kigoyo i Mwaka 1996 |
  |
Copyright © 2006 Watch Tower Bible and Tract Society of Pennsylvania. All rights reserved. |
|
