Тхьэм ыгу римыхьырэ шІошъхъуныгъэхэмрэ хабзэхэмрэ

Тхьэр Тхьэнэпищэп

1. ШІошъхъуныгъэхэу, хабзэхэу нахьыбэу щыІэхэр дэеу щытхэп. Ау ахэмэ ащыщэу Тхьэм ымыдэрэр дин нэпцІым къытекІыгъэхэм ыкІи Тхыгъэ ЛІапІэм зыфыригъаджэрэм зэтемыфэ хъумэ (Маттэ 15:6).

2. Тхьэнэпищ. Иеговэ Тхьэнэпищэу щыта? НэмыкІэу кэпІон хъумэ, личностищыр зы Тхьэ мэхъуа? Хьау! Иеговэ — Ты — «Тхьэ шъыпкъэ закъоу» щыт (Иуан 17:3; Марк 12:29). Хьисэ Тхьэм къыгъэхъугъэ пстэуми апэ дэдэ ащыщэу, ыІэмычІэ илъэу Ыкъоу щыт (1 Коринф 11:3). Тыр Ыкъом нахьи нахь ин (Иуан 14:28). Дух лъапІэр личностеп, ау къызэтемыуцорэ Тхьэм ыкІуачІ (1 Мусэ 1:2; Апостолхэм 2:18).

Рождествомрэ, Пасхъэмрэ пэсэрэй дин нэпцІхэм къыхэкІыгъэх

ЛІагъэхэм уащыщынэнэу е зыгорэ афэпшІэнэу зи мэхьанэ иІэп

3. Рождествомрэ Пасхъэмрэ. Хьисэ тыгъэгъазэм (декабрэм) и 25-м арэп къызыхъугъэр. Ар мыгъэунэфыгъэу чъэпыогъум (октябрэм) и 1-м адэжь къэхъугъ, уахътэу мэлъахъохэм яІахъохэр джыри шъофым щаІыгъыгъэх (Лука 2:8—12). Хьисэ егъашІэми ыІощтыгъэп игъогу рыкІохэрэм ежь къызщыхъугъэ мафэр агъэмэфэкІынэу. Ар иеджакІохэм осыет къафишІыгъ зыщылІагъэ мафэр агъэмэфэкІынэу (Лука 22:19, 20). Рождествомрэ ащ ехьылІагъэ хабзэхэмрэ къызщежьэхэрэр пэсэрэ дин нэпцІыхэр ары. Ар дэдэ епІуалІэмэ хъущт Пасхъэм ехьылІэгъэ хабзэхэм: кІэнкІэ гъэлэныр ыкІи паскэ-хьалыгъур. Пэсэрэ зэманым Хьисэ игъогу рыкІохэрэм агъэмэфэкІыщтыгъэхэп Рождествори, Пасхъэри. Непи Хьисэ игъогу шъыпкъэу рыкІохэрэм ахэр агъэмэфэкІыхэрэп.

4. Къызыхъугъэ мафэхэр. Къызыхъугъэ мафэр агъэмэфэкІэу къэбаритІу ныІэп Тхыгъэ ЛъапІэм итыр, а цІыфхэр Иеговэ фэлажьэщтыгъэхэп (1 Мусэ 40:20—22; Марк 6:21, 22, 24—27). Апэу Хьисэ игъогу теуцуагъэхэм агъэмэфэкІыщтагъэп къызщыхъугъэ мафэхэр. А хабзэр къызхэкІыгъэр пэсэрэ дин нэпцІхэм ары. Хьисэ игъогу рыкІохэрэм илъэс псэум къыкІоцІ шІухьафтынхэр зэратых ыкІи зэгъусэу уахътэр гушІуагъоу агъакІо.

5. ЛІагъэхэм уащыщынэн. ЛІагъэхэм зыпари зэхашІэжьырэп ыкІи зыпари къыуашІэшъущтэп. Тэ ахэм тишІуагъэ ядгъэкІышъущтэп, ежьхэми язэрар къытагъэкІышъущтэп (Сэбур 146:4; Екклесиаст 9:5, 10). Псэр малІэ, цІыфыр зылІэкІэ ар псэурэп (Иезекиил 18:4). Ау загъорэ мэхъу джын бзаджэхэр, демонкІэ заджэхэрэр, лІагъэхэм ячІыпІэкІэ зыкъыуагъэлъэгъу. Хабзэхэр лІагъэхэм уащыщынэнэу ыкІи шъхьащэ афэпшІынэу къызыхэкІыхэрэр — дэих (Исайас 8:19).

6. Къащ. Хьисэ къащым телІыхьагъэп. Ар зытелІыхьагъэр пкъэу е столб. Греческэ гущыІэр Тхыгъэ ЛъапІэм бэу «къащ» зыфиІорэ щызэдзэкІыгъэм къикІырэр — пкъэу. Къащ нэшанэ къызыхэкІыгъэр пэсэрэ дин нэпцІыхэр ары. Пэсэрэ зэманым Хьисэ игъогу рыкІохэрэм къащ агъэфедэщтыгъэп ыкІи шъхьащэ фашІыщтыгъэп. Джащ пае егупшыс: Тхьэм шъхьащэ фэпшІынэу уфаемэ, къащыр бгъэфедэнэу тэрэза? (5 Мусэ 7:26; 1 Коринф 10:14).

7. Мы зигугъу тшІыгъэ шІошъхъуныгъэхэ ыкІи хабзэхэ чІэунэныр Іоф къинэу пфэхъункІи мэхъу. УиІахьылхэмрэ уиныбджэгъухэмрэ укъытрагъэнэнэу фэещтых шІошъхъуныгъэ уиІагъэхэр умыхъожьынэу. Ау цІыфхэм анахьи, Тхьэр нахь дгъэрэзэн фае (ГущыІэжъхэу 29:25; Маттэ 10:36, 37).

Copyright © 2009 Watch Tower Bible and Tract Society of Pennsylvania. All rights reserved.