Cima ko Kawas? - Misawacayay ni Yihofa a Tamdaw: Kahicraan no lalakaw no Mikcolay

Misawacayay ni Yihofa a Tamdaw: Kahicraan no lalakaw no Mikcolay

Beliefs

Future

O Kawas Pakayni Kitaanan Iraay Ko Masamaanay a Saeli?

Saka 2 a Lalangiyan

Cima ko Kawas?
	Cima ko so’linay a Kawas? Cima ko ngangan Ningra? (1, 2)
	Masamaanay ko tireng Ningra? (3)
	O Kawas iraay ko masamaanay a mikiriwi’ay a capling? (4)
	Kita i, oha nganga’ay a tano samiyay ato ta’arawan a dafong a mita’ong to Kawas han? (5)
	Oha nganga’ay kita tano 2 a masamaanay a pakayraan a mafana’ to Kawas? (6)

1. O hkal a tamdaw adihayay ko dafong to mita’ongan. Kawraan o safana’ no Fangcalay Cudad kitaanan, ’dengan ccayay yaca ko SO’LINAY a Kawas. Cingra o misanga’ay to kakarayan sra ato kihcod a dafong. Nami pafeliyay ko Kawas kitaanan to ’orip, mihaenay ’dengan Cingra koha dadokoen ita.—1 Korinto 8:5,6; Pa’arawan 4:11.

2. O Kawas adihayay ko sa’aroan a ngangan, o ngangan saan ccayay yaca. Ora ngangan ci YIHOFA. O ’adihayay a mitolican a Fangcalay Cudad, ora ngangan no Kawas mipadengan, o TATAPANGAN anoca o KAWAS hananay a pakotay. Kawraan ya mitilid to Fangcalay Cudad, oniya ci Yihofa hananay a ngangan kina 7,000 a mahadak.—Kasadakan 3:15; ’Olic 83:18.

3. Ci Yihofa o iraay ko tireng, kawraan cuwa kahcad to tireng ita. O sowal no Fangcalay Cudad: “O Kawas o ’Adingo”. (Yohani 4:24) O ’adingo a tireng ikakaay ita o tamdamdaw konika ’akawang. Tahaanini awaay iho ko paka’araway to Kawas. So’li’lin i kakarayan ko kitiraan ni Yihofa kawraan ma’araway no Kawas ko kihcod a dafong. (’Olic 11:4,5; Yohani 1:18) Sanayaca, o Fangcalay ’Adingo o maanan hani? O Fangcalay ’Adingo cuwa kahcad to Kawas, cuwa ka ira ko tireng nira, o sapatemer no Kawas a ’icel kora.—’Olic 104:30.

4. O Fangcalay Cudad pa’ihkalay kitaanan to capling no Kawas. O sapa’ihkal no Fangcalay Cudad, o mikiriwi’ay a capling no Kawas o maolahay a faloco’, o masadafdafay, o taneng ato ’icel. (Limo’ot 32:4; Yopu 12:13; Isaya 40:26; 1 Yohani 4:8) Oromasa a safana’ no Fangcalay Cudad kitaanan, o Kawas iraay ko cihafayay a sina’ada, sida’itay a maolah palada’, makahiyay misodod, tahaclemay miemem. Mihaenay sahatiraen ita o wawa a mitngil Cingra halo pisa’icel a mitodong Cingraan.—Ifiso 5:1,2.

Wanga’ay kita mikitini toya masanga’ay dafong ato Fangcalay Cudad a mafana’ to Kawas.

5. Ano midoko kita wanga’ay mita’ong to samiyay, sasing anoca ta’arawan a dafong, halo pasayra a mitolon han? Cuwa ka nga’ay. (Kasadakan 20:4,5) O sowal ni Yihofa kitaanan ’dengan naca Cingra ko dadokoen sanay. Cuwa koha papalada’en ningra ko cimacima a tamdaw ato cimacima a kawas tora tadamaan Ningra. O samiyay awaay ko ’icel a padama kitaanan.—’Olic 115:4-8; Isaya 42:8.

6. Wamisamaan kita a mitongal toha saka tangongolaw a mafana’ pakayni i Kawas hani? Ora ccay hapakayraan nengnengen kona misanga’an no Kawas a kihcod a dafong, tangongolen a miharateng konini a nanodmak o mamifana’ kitaanan to maanan a dmak. Ora misanga’an no Kawas a dafong pa’ihkalay, to iraay ko ta’angayay a ’icel Ningra ato iraay ko mikiriwi’ay a taneng. Naitira tora a kihcod a masanga’ay mahapinangay kora maolahay a faloco’ Ningra. (’Olic 19:1-6; Loma 1:20) Ano hamama fana’ to Kawas a roma a pakayraan ckiwen ko Fangcalay Cudad, itini i laloma’ no Fangcalay Cudad ’ihkalay a mifana’ kitaanan to masamaanay a Kawas Cingra. Oromasa mifana’ay kitaanan to harateng Ningra ato mifana’ay toha mamisamaan ko dmak ita.—Amos 3:7; 2 Timoti 3:16,17.

2003 Mihca Topangen
Copyright © 2006 Watch Tower Bible and Tract Society of Pennsylvania. All rights reserved.