Cima ci Yis Kristo?

1. Ci Yis ’ayaw hono mamatfad tayni toniniya hkal o ’adingo cingra, itiniyay i kakarayan a maro’. O sa’ayaway a sanga’en no Kawas cingra a ma’oripay a dafong, mansa o “sa’ayaway hofocen” no Kawas han cingra. (Kolosay 1:15; Pa’arawan 3:14) Itira i laloma’ no ’alomanay wawa no Kawas, ’dengan ci Yis o Kawas a ccay ko misanga’ay cigraanan. ’Ayaw hono mamatfad a malatamdaw ci Yis, mala “sayhoay” ni Yihofa cingra a misanga’ to kakarayan ato sra halo kihcod a dafong. (Taneng 8:22-31; Kolosay 1:16,17) Oromasa kara sakadadmakan no Kawas ci Yis a mala mikawtay cingraanan a pasowal. Pakayni toniniya lalangiyan saka o “Sowal” han no Fangcalay Cudad ci Yis.—Yohani 1:1-3; Pa’arawan 19:13.

2. O Kawas pakayra tora ’orip nora wawa ningra patayraan i tiyad ni Mariya, pakayraay kosaka tayni ni Yis i fafekang no sra. Ora wama ni Yis cuwa ko kalo a tamdaw, cuwa picada cingra to raraw ato cuwa kalfot. O Kawas pakayniyay 3 a lalangiyan ko sapatayni ci Yisan i fafekang no sra: (1) Papakafana’ kitanan a pakacipinang to kimad no Kawas. (Yohani 18:37), (2) Cuwa pisolal a misa’icel a madimadi, a pakayni kitaanan a patireng to nga’ayay a ta’arawan. (1 Pitiro 2:21), (3) Mifalahay to ’orip toha sakanga’ay ita miliyas to raraw ato patay. Misamaanay hano mifalah to ’orip ci Yis hani?—Matay 20:28.

3. Oya saka ccay a tamdaw ci Atam misaflitay to sarikec no Kawas, hato iraay ko “raraw” han no Fangcalay Cudad, mihaenay hato misawkitan no Kawas toha mamapatay. (Satapangan 3:17-19) Cuwa pakadofdof cingra to paliniyan no Kawas, cuwa ito ko malfotay. Palidlid sanay to cingra a maliteng, salikoray cuwa ito paka liyas to patay. Ci Atam pakayra tora raraw palada’an ningra ko fu:fufu:fu, mansa maliteng kita, adada, mapatay. O tamdamdaw wamisamaan nga’, malidong hani?—Loma 3:23; 5:12.

4. Ci Yis aci Atam o mahcaday o malfotay a tamdaw. Kawraan, cuwa kahcad ci Ataman, ci Yis so’li’lin a tahacada to ta’angayay a sapalifet malfotay kono pihaklong to Kawas. Mihaenay, hato nga’ayay mifalah tora malfotay a no tamdaw a ’orip ningra, pakayra tora nanoraraw ni Atam pahadakay toha’aca. Ora nokapifalah ningra oiyaan a nanosowal no Fangcalay Cudad toya “tfoc”. Pakayra tora tfoc, o tlotloc ni Atam oha nganga’ay pakaliyas to naitiraay i raraw a patay. O paka so’linay iho a tamdaw ci Yisan, oha nganga’ay a masodod ko raraw, a micada to saka tahada’oc no ’orip.—1 Timoti 2:5,6; Yohani 3:16; Loma 5:18,19.

5. Ya itiniho ci Yis i fafekang no sra namiadahay to adadaay a tamdaw, pafcolay to macahiway a tamdaw, patrepay to fariyos hanaca palowaday to mapatayay a tamdaw. Misamaanay hano midmak ci Yis to masakafahkaan a dmak hani? (1) Sina’adaay cingra to tahalolayay a tamdaw, manono’ay a padama cangraanan. (2) Oniniya masaka fahkaan a dmak oha mamisawacay too wawa no Kawas cingra. (3) Onini a masakafahkaan a dmak, o pa’ayaw a mifana’, ano malahongti cingra no ikor a mikowan to paro no kakarayan oha mamisamaan ko dmak ningra toya mihakelongay a tamdaw.—Matay 14:14; Marko 2:10-12; Yohani 5:28,29.

6. Ikor no mapatay ci Yis, palowadan no Kawas cingra a mala ’adingo a tireng, ikor minokayay tayni i kakarayan. (1 Pitiro 3:18) Ikor patirengan no Kawas a palahongti. Cato kahalafin, oha a ^minen ni Yis a palahdaw ko tati’ihay ato semsem.—’Olic 37:9-11; Taneng 2:21,22.

Copyright © 2006 Watch Tower Bible and Tract Society of Pennsylvania. All rights reserved.