Misa’osiyay ko Kawas to Maanan a Harateng Toniya Sra? - Misawacayay ni Yihofa a Tamdaw: Kahicraan no lalakaw no Mikcolay

Misawacayay ni Yihofa a Tamdaw: Kahicraan no lalakaw no Mikcolay

Beliefs

Future

O Kawas Pakayni Kitaanan Iraay Ko Masamaanay a Saeli?

Saka 5 a Lalangiyan

Misa’osiyay ko Kawas to Maanan a Harateng Toniya Sra?
	Misamaanay hano misanga’ ci Yihofa toniya sra? (1, 2)
	Misamaanay hano cuwa ito ko lako’ing koniya sra? (3)
	O mararaway a tamdaw wao maan koha mamacada? (4)
	Ano ikor wamisamaan ci Yis a palahkel to adadaay a tamdaw, malitengay a tamdaw, mapatayay a tamdaw? (5, 6)
	Misamaan ko dmak iso nga’ macada iso ano ikor ko masaknaknaay a sakalahkel? (7)

1. Misanga’ ci Yihofa to sra, oha kitiraan no tamdaw a tahada’oc a ma’orip itini i fafekang no sra. Oha tahada’oc a ka’oripan no makapahay a tamdaw, ato mahmekay a tamdaw. (’Olic 115:16; Isaya 45:18) Oniniya sra cuwa koha mamala’afo, oha tatahada’oc a matrek.—’Olic 104:5; Patnakay 1:4.

2. ’Ayawho noha mamisanga’ to tamdaw, mipili’an ko mimingay a sra, palamakapahay a lako’ing. Pangangan toniya pala o Itin hananay. O Kawas pakayra toiya sa’ayaway a fa’inayan fafahiyan (Atam aci Ifa) tli hananay itira. O harateng no Kawas cangraanan oha mamahofoc, a miedef toniya sra. Orato oha papalidlid han a misakakahad ko lako’ing a miedef toniya sra.—Satapangan 1:28; 2:8,15.

Malahdaway no tamdaw koya lako’ing.

3. Ci Atam aci Ifa padeteng sanay a misaflit to sarikec no Kawas a mararaw. Orato mipahadakan ni Yihofa cangra naitira i Itin. Mihaenay ko sakalahdaw no lako’ing. (Satapangan 3:1-6,23) Kawraan, ci Yihofa cuwa ka walawal cingra toiya misa’osiyan ningra a harateng pakayni i sra. Ora saki’ok ningra oha papalako’ing toniya sra, o tamdaw wa itira tora lako’ing a tahada’oc ma’orip. O Kawas wamisamaan a pala’osi toniya dmak hani?—’Olic 37:29.

4. ’Ayaw noha mamalalako’ing koniya sra, oha papala’afoen iho no Kawas ko mararaway a tamdaw. (’Olic 37:38) Oniniya dmak waitiya to i pihrerekan to mararaway a folaw no Kawas a mifekad, oniniya folaw o Armakiton hananay. Dotoc nora oha papaliten ci Satan to 1,000 a mihca. Itiya wa awato ko mararaway a tamdaw a matrek toha mamipalak toniya sra. Edengan o tamdaw no Kawas koha papakata’elif toniya padi’ing.—Pa’arawan 16:14,16; 20:1-3.

5. Ikor, ci Yis Kristo oha mamala Hongti a mikowan toniya sra to 1,000 a mihca. (Pa’arawan 20:6) Wapalidlid han ningra a mifalah ko raraw no tireng ato laloma’ no faloco’. Oha malamalefotay to kita a tamdaw. Mahcad o tireng ni Atam aci Ifa tiya ’ayawho no mamararaw. Itiya, wa awaito ko adada, awato ko malitengay, awato ko patay. O adadaay a tamdaw oha mamaadah, o malitengay a tamdaw patikor malakaemangay.—Yopu 33:25; Isaya 33:24; Pa’arawan 21:3,4.

6. Itira tora pikowan ni Yis to 1,000 a mihca, o madimadiyay a tamdaw oha mamisa’icel a palalako’ing toniya sra. (Loka 23:43) Oromasa, o pinaay a ek a efan mapatayay a tamdaw oha papatikor a ma’orip. (Dmak 24:15) Onini a tamdaw ano pakato’or to saeli no Kawas, oha nganga’ay tahada’oc ma’orip i fafekang no sra, ano ’caka hatira oha tatahada’oc a mala’afo.—Yohani 5:28,29; Pa’arawan 20:11-15.

7. Mahaenay, oiya nano harateng no Kawas pakayni i sra oha mamala’osi ito. Ci haratengay kiso toha sapi cadaaw tora sakalahkel no ikor han? Ano ciharatengay padadotoc a mihatatanam toha sakafana’aw ci Yihofaan nga’, halo piso’lin a mihakelong to nano sowal ningra. Tayra tora kasa’opowan no Misawacayay ni Yihofa a Tamdaw tora pala a milienang to sa’opo, oha papadama tisowanan milifok to sakalahkel.—Isaya 11:9; Hiplay 10:24,25.

2003 Mihca Topangen
Copyright © 2006 Watch Tower Bible and Tract Society of Pennsylvania. All rights reserved.