O Hongti a Kitakit no Kawas o Maanan?

1. Ci Yis tiya itiniho i fafekang no sra pakafana’ay toiya sikawdan to satolon, micangacang to Kawas paira to Hongti a Kitakit. Ora Hongti a Kitakit iraay ko ccay a hongti mikayat a mirikecay. Ora Hongti a Kitakit cuwa ka hcad to kalo a mirikecay. Itiniyay i kakarayan a mapatireng, oha mamikowan toniniya sra. Ora Hongti a Kitakit oha papalamakapahay to ngangan no Kawas, paparamakolacay. Oromasa ora Hongti a Kitakit papala’osi to harateng no Kawas toniya sra, mahaen onika la’osi itini i kakarayan.—Matay 6:9,10.

2. O saki’ok no Kawas oha papala Hongti ci Yisan tora Hongti a Kitakit. (Loka 1:30-33) Ya itiniho ci Yis i fafekang no sra misawacayay too ciolahay, masadafdafay, malfotay a mikowanay cingra. Na patikor cingra tayni i kakarayan ikor, cuwa ka tangsol sa cingra a mala Hongti no Hongti a Kitakit. (Hipray 10:12,13) 1914 a mihca matoolay ni Yihofa ko saki’ok, a pafeli ci Yisan to fadangalan. Naitira misatapang tahaanini, ci Yis padadotocay ao minilnilan ni Yihofa a Hongti, itiniyay ikakarayan a mikowan.—Taniir 7:13,14.

3. Ci Yihofa naitini i fafekang no sra mipiri’ay to madimadi’ay a fa’inayan fafahiyan a patayni i kakarayan. Tohacafay ni Yis a marahongti, marahangkang ato saysi a mikowan to tamdamdaw. (Loka 22:28-30; Pa’arawan 5:9,10) Ci Yis pakayra tora dama ningra a malahongti itira tora Hongti Kitakit o “mimingay a ’opo” hananay a pangangan, o ka’aloman noniya tamdaw 144,000 aca.—Loka 12:32; Pa’arawan 14:1-3.

4. Na mala Hongti ci Yis, tangsolay patfad ci Satanan atoya mari’angay a ikakarayan a sikawdan [coyoh], patfadan tayni i ngata no sra. Pakayni toniniya dmak, naitira i 1914 a mihca tahaanini, tati’ih tati’ihay ko pakayraan itini i fafekang no sra. (Pa’arawan 12:9,12) O folaw, cahiw, rifong, cuwa ka satamdaw a dmak matongal matongalay—sahtoway o “tahapinangan” no salikoray a lintad konini. O pa’ihkalay to ci fadangalay to ci Yis a mikowan, onini a likakawa cuwa ito ka hakowa ko ’osaw a toki.—Matay 24:3,7,8,12; Loka 21:10,11; 2 Timoti 3:1-5.

5. Cuwato ka halafin, oha mamisawkit to ci Yis toniya hkal a tamdaw, wa 2 a mafafida’ ko tamdaw, mahcad o pafafida’ no pakaenay to lopay’ay a siri ato no lotok a siri. Ora “lopay’ay a siri” oiya misawacayay to niyah too madimadiyay a tamdaw ni Yis. Oha nganga’ay milifok to tahada’ocay a ’orip i fafekang no sra. O “lotok a siri” oiya cuwa pinokay tayni i Hongti a Kitakit a tamdaw. (Matay 25:31-34,46) Cuwato ka halafin oha papala’afoen ni Yis koiya mahaenay ono lotok a siri a tamdaw. (2 Tisalonika 1:6-9) Ano ciharatengay kiso toha sakala “lopay’ay a siri” ni Yis, tngilen ko lihaf nora Hongti a Kitakit nga’, halo pitoor tora mahatatanamay.—Matay 24:14.

6. Nohatini, adihayay konika sasiroma no kitakit, cuwa ka hcahcad kono pikowan. Oniniya kitakit malaliday mafafolaw. Kawraan o Hongti a Kitakit no Kawas oha mamikotay toniya mirikcay no tamdaw. Oha mamikowan cingra to paro no kakarayan. Ano mikowan toniya kihcod a sra wa ccay toko mirikcay. (Taniir 2:44) Itiya itini i fafekang no sra wa awaito ko folaw awato ko mararaway awato ko mari’angay. O tamdamdaw oha dadipayal, oha mamalaccay a mapolod.—Mika 4:3,4.

7. Itira i laloma’ no 1,000 a mihca, o madimadiyay a tamdaw oha mamara malfotay toa tamdaw, oniya sra a ma^min oha mamala lako’ing. Mahrerek ko 1,000 a mihca, yanano sowal no Kawas pakadadmak ci Yisan a kihcod a dmak, malahciyay ito ni Yis a dadmak. Ikor oha papatikoren a pafelien ningra ko ikakarayan a Wama tora Hongti Kitakit. (1 Korinto 15:24) Hano ’ca ka fana’en iso ko sarawinawina iso tora papala’osien no Hongti Kitakit a dmak hani?

Copyright © 2006 Watch Tower Bible and Tract Society of Pennsylvania. All rights reserved.