1. Бу вахтаҹан Мүгәддәс Китабдан чох јахшы шејләр өјрәндиниз. Бу биликләр, өзүнүздә мәсиһчи шәхсијјәтини јетишдирмәкдә сизә көмәк етмәлидир (Ефеслиләрә 4:22-24). Мүгәддәс Китаб биликләрини әлдә етмәк әбәди һәјата наил олманыз үчүн ваҹибдир (Јәһја 17:3). Лакин хилас ола билмәләри үчүн, хош хәбәри башга инсанлар да ешитмәлидирләр. Мәсиһин һәгиги давамчыларынын һамысы башга инсанлара шәһадәтлик етмәлидирләр. Бу, Аллаһын тапшырығыдыр (Ромалылара 10:10; 1 Коринфлиләрә 9:16; 1 Тимотејә 4:16).
2. Өјрәндијиниз јахшы шејләр һагда јахынларынызла бөлүшә биләрсиниз. Бу барәдә аиләнизин үзвләринә, достларыныза, мәктәб вә иш јолдашларыныза данышын. Бу заман хејирхаһ вә сәбирли олмалысыныз (2 Тимотејә 2:24, 25). Јадда сахлајын ки, инсанлар чох вахт сөзүнүзә дејил, әмәлләринизә фикир верирләр. Буна ҝөрә дә инсанлары, тәблиғ етдијиниз хош хәбәрә мәһз јахшы давранышынызла ҹәлб едә биләрсиниз (Матта 5:16; 1 Петер 3:1, 2, 16).
3. Еһтимал ки, сиз, бир гәдәр вахтдан сонра Јеһованын Шаһидләринин јығынҹағы илә бирликдә, јашадығыныз әразидә тәблиғ етмәк һүгугуна малик олаҹагсыныз. Бу, ирәлиләмәниздә ән мүһүм аддымдыр (Матта 24:14). Башгаларына Јеһованын хидмәтчиси олмаға вә әбәди һәјаты мирас алмаға көмәк етмәк неҹә дә севиндириҹидир! (1 Салониклиләрә 2:19, 20). |
