Yeˇ Suˇ ka li-aˇ shuˇ g’a-a?

1. Yeˇ suˇ-a, heu miˇ tsaˇ k’oeˇ taˆ maˇ zaˆ ka le shiˇ k’oe yaw sahˇ-eu mawˇ do pyeuˆ-awˇ mˇ k’ oeˇ taˆ jawˇ-eu meh. Aˇ yawˆ-aˇ. Miˇ Yehˇ neh beh-eu laˆ k’ oeˇ aˇ beh beh-eu g’aˇ pyeu-eu meh. Teu ba da neh, aˇ yawˆ-ahˇ zaˇ maˇ lehˇ kuˇ-eu meh. (Gawˇ lawˇ sehˇ 1:15; Pah mehˇ-eu sahˇ boˆ 3:14) Yeˇ suˇ-aˇ, Miˇ Yehˇ-aˇ laˆ neh beh-euˇ zaˇ maˇ tiˇ g’aˇ tehˆ-ehˇ pyeuˆ-eu meh. Jeˇ Hoˇ Baˇ Miˇ Yehˇ-aˇ, yeˇ suˇ-ahˇ-aˇ yuiˆ tiˇ g’aˇ bi geuˆ-awˇ, miˇ tsaˇ k’oeˇ taˆ, mˇ k’oeˇ taˆ k’aˇ jaˆ-eu jeˇ dawˇ tawˆ luˆ-aˇ yawˆ neh bi beh-euˇ meh. (Dawˇ daˇ 8:22-31; Gawˇ lawˇ sehˇ 1:16, 17) Yeˇ suˇ-aˇ Miˇ Yehˇ-eu dawˇ mehˇ-eu-aˇ yuiˇ g’aˇ meh, Teu baˇ da neh-aˇ yawˆ-ahˇ “DAWˇ” lehˇ kuˇ -eu meh.–Yoˇ haˇ 1:1-3; Pah mehˇ-eu sahˇ boˆ 19:13.

2. Miˇ yehˇ-aˇ, Aˇ yawˆ zaˇ maˇ yeˇ suˇ-ahˇ yaw sahˇ ba da neh ziˇ-ahˇ maˇ liˆ-ahˆ neh bi dehˆ le-euˇ meh. Yeˇ suˇ-aˇ heu miˇ tsaˇ k’oeˇ taˆ maˇ maˇ ni g’eh-eu aˇ da maˇ baw-a, Teu mi neh aˇ yawˆ-aˇ iˆ baˇ maˇ ahˇ-a, Byah dui dui-eu tsawˇ haˇ tiˇ g’aˇ pyeuˆ-eu meh. Miˇ Yehˇ yeˇ suˇ-ahˇ heu miˇ tsaˇ k’oeˇ taˆ bi oeˆ-euˇ gaˇ kawˆ smˇ kawˆ jaˆ-eu meh. (1) Miˇ Yehˇ-eu yaw tsaˇ yaw dawˇ dawˇ kawˇ meh nehˇ-eu g’aˇ duˇ meh (Yoˇ haˇ 18:37), (2) Yeˇ suˇ-aˇ, Miˇ Yehˇ-euˇ shaˇ jaˇ dawˇ biˆ taˇ-eu ziˆ dui dui-eu gaˇ k’awˆ, aˇ yawˆ mˇ mehˇ-awˇ bi caw the-eu lehˇ zaˆ le-euˇ meh (1 Beˇ tuˆ luˆ 2:21), (3) Aˇ yawˆ g’awˇ mawˇ lawˇ nehˇ-awˇ aˇ dui-iˆ baˇ hawˇ shiˇ-eu jeˇ law-iˇ nya ni-aˇ yawˆ zaˆ le-euˇ meh. Aˇ jeˇ miˇ neh teu loˆ-ehˇ mˇ-eu loˇ ta?–Maˇ tehˇ 20:28.

3. Aˇ daˇ tsawˇ haˇ zaˇ aˇ beh beh-eu g’aˇ, Miˇ Yehˇ-eu dawˇ maˇ naˇ haˇ hawˇ, jaˇ liˆ laˆ k’oeˇ iˆ baˇ lehˇ-ehˇ taˇ gaˇ aˇ yawˆ mˇ bahˆ-eu miˇ neh, Miˇ Yehˇ yaˇ k’ehˇ yaˇ-eu gaˇ ya daˇ hawˇ, ya shiˇ-euˇ meh. (Aˇ dahˇ beh 3:17-19) Aˇ yawˆ-aˇ Miˇ Yehˇ-eu nui noeˇ nui duˇ laˆ k’oeˇ maˇ paˇ jawˇ meh, Teu baˇ da neh, aˇ yawˆ-aˇ, maˇ byah maˇ loˆ-eu tsawˇ haˇ pyeuˆ-iˇ awˇ, ya shiˇ-euˇ meh. Aˇ daˇ neh mˇ bahˇ-eu iˆ baˇ aˇ yawˆ-eu zaˇ deuˇ k’oeˇ taˆ keuˆ le-euˇ miˇ neh, Aˇ dui ya naˇ ya gawˇ-eu, mawˇ-iˇ -eu, hawˇ-eu, shiˇ-eu jeˇ keuˆ le-euˇ meh. Teu baˇ da neh, Miˇ tsaˇ zaˇ deuˇ, aˇ jo^ ya law-iˇ nmˇ?–Loˇ maˆ 3:23; 5:12.

4. Yeˇ suˇ-aˇ byah dui dui-eu, aˇ da pyeuˆ haw-euˇ tsawˇ haˇ zaˇ tiˇ g’aˇ loˆ-ehˇ pyeuˆ-eu meh. Ehˇ k’awˆ, aˇ yawˆ aˇ da-ahˇ, maˇ duˇ-eu tiˇ jeˇ-ahˇ-eu meh. K’oeˇ jeˇ-aˇ yeˇ suˇ, aˇ yawˆ muˇ juˇ juˇ-eu jeˇ ya kamˇ ngeh maˇ-ehˇ, Miˇ Yehˇ-eu dawˇ kawˇ-ahˇ yaw muiˇ-ehˇ naˇ haˇ-eu meh. Teu baˇ da neh, aˇ yawˆ g’awˇ mawˇ lawˇ nehˇ-awˇ, aˇ dui-ahˇ ka k’oˆ nehˇ laˆ-eu meh. Jaˇ liˆ laˆ k’oeˇ ka k’oˆ-eu lehˇ-ehˇ eu-aˇ, heu gaˇ-ehˇ-eu meh. Aˇ daˇ-eu, aˇ li aˇ buˇ deuˇ, iˆ baˇ hawˇ-eu shiˇ-eu jeˇ-ahˇ buˇ-iˇ hawˇ yeˇ suˇ dawˇ-ahˇ ya naˇ haˇ geuˆ-eu daw tawˆ, iˆ baˇ tsiˇ sawˇ nehˇ-awˇ, mˇ maˆ maˇ bya zaˇ ziˇ dehˆ-eu jeˇ biˆ nehˇ nya-eu meh.–1 Tiˇ moˇ seˇ 2:5, 6; Yoˇ haˇ 3:16; Loˇ maˆ 5:18.

Yeˇ suˇ mˇ-eu gaˇ, Miˇ Yehˇ dawˇ kawˇ mehˇ-eu, k’aˆ jeˇ-ehˇ g’eh-eu jeˇ mˇ eu, Aˇ saˇ saˇ ngeh, aˇ yawˆ g’awˇ mawˇ lawˇ nehˇ-eu

5. Yeˇ suˇ heu miˇ tsaˇ k’oeˇ taˆ jawˇ ngeh, naˇ-eu gawˇ-eu tsawˇ haˇ deuˇ-ahˇ laˆ taˇ nehˇ-eu, Mehˆ-eu shuˇ-eu, tsawˇ ha deuˇ-ahˇ bi dzaˇ bi dawˇ-eu, Jaˇ lehˇ lehˇ ma-ahˇ laˆ naˇ nya-eu, Teu-uˇ taˇ-ehˇ shiˇ-eu tsawˇ haˇ deuˇ-ahˇ k’awˆ bi g’oˆ dehˇ laˇ-eu meh. Aˇ jeˇ baˇ da neh, aˇ yawˆ k’aˆ jeˇ-ehˇ g’eh-eu jeˇ jahˆ mehˇ ta? (1) Aˇ yawˆ-aˇ shaˇ-eu zahˇ-eu, tsawˇ haˇ deuˇ-ahˇ g’awˇ shaˇ gaˇ dui dui miˇ neh ngehˇ g’eh nehˇ mawˆ-eu meh. (2) Aˇ yawˆ neh mˇ-euˇ k’aˆ jeˇ-ehˇ g’eh-eu jeˇ-ahˇ haw-awˇ Miˇ Yehˇ-eu zaˇ maˇ ngaˇ lehˇ, aˇ dui-ahˇ bi shiˇ mawˆ-eu miˇ neh meh. (3) Aˇ yawˆ neh mˇ-euˇ k’aˆ jeˇ-ehˇ g’eh-eu heu-aˇ, Aˇ yawˆ heu miˇ tsaˇ k’oeˇ taˆ sahˇ paˇ geuˆ-awˇ uˆ lahˇ le ngeh, naˇ haˇ geuˆ-eu deuˇ g’aˇ duˇ meh lehˇ, aˇ dui-ahˇ bi shiˇ bi mawˇ-eu g’aˇ duˇ mˇ mehˇ-eu meh.–Maˇ tehˇ 14:14; Ma kuˆ 2:10-12; Yoˇ haˇ 5:28-29.

6. Yeˇ suˇ-aˇ, shiˇ-awˇ g’oˆ dehˆ laˇ g’aˇ ngeh, saˆ laˇ-eu g’awˇ mawˇ pyeuˆ laˇ-awˇ, mˇ k’oeˇ taˆ Miˇ Yehˇ jawˇ gaˇ g’oˆ daˆ leˇ-euˇ meh. (1 Beˇ tuˆ luˆ 3:18) K’oeˇ ngeh nah-ahˇ neh taˆ naˇ, Miˇ yeh aˇ yawˆ-ahˇ sahˇ paˇ bi geuˆ taˇ-euˇ meh, Maˇ myahˇ-eu aˇ yamˇ laˆ k’oeˇ yeˇ suˇ shaˇ-eu zahˇ-eu jeˇ hawˇ-eu maˇ muiˇ maˇ jaˇ-eu jeˇ dawˇ tawˆ luˆ la cawˆ jiˇ tehˆ-a.–Ja ceuˇ 37: 9-10; Dawˇ daˇ 2:21-22.

Copyright © 2009 Watch Tower Bible and Tract Society of Pennsylvania. All rights reserved.