Miˇ Yehˇ-euˇ zaˇ k’aˆ deuˇ-aˇ, ya bi muiˇ ya bi shawˇ meh

1. Jeˇ Hoˇ Baˇ-aˇ, muiˇ-eu shawˇ-eu Miˇ Yehˇ pyeuˆ-eu meh, Aˇ yawˆ-ahˇ uˇ duˇ tahˇ-eu tsawˇ haˇ deuˇ-aˇ, saˆ laˇ paw, dehˆ jeˇ dehˆ kawˆ, nui ma nui noeˇ maˇ kaˇ, G’awˇ mawˇ-euˇ mˇ jeˇ shaˇ kawˆ ya buˇ ya shawˇ paˇ-ehˇ miˇ yehˇ mawˆ-eu meh. (1 Beˇ tuˆ luˆ 1:16) Aˇ dui-aˇ leh jeh dui dui-eu laˆ k’oeˇ Miˇ Yehˇ-euˇ mehˇ shi ya bi muiˇ ya bi sawˇ-eu meh. Maˇ buˇ maˇ shawˇ-eu miˇ tsaˇ shaˇ ka laˆ k’oeˇ aˇ dui jawˇ luˆ-eu miˇ neh, maˇ ya tsoˇ dzeh-iˇ ni, yaw k’aˆ k’aˆ-ehˇ ya yahˇ-eu meh. Aˇ dui g’aˇ taˇ bi baˇ-iˇ.

2. Saˆ laˇ paw yaw muiˇ yaw shawˇ: Aˇ dui-aˇ, Jeˇ Hoˇ Baˇ Miˇ Yehˇ-ahˇ uˇ duˇ tahˇ mawˆ naˇ, maˇ tsaˇ maˇ dawˇ-eu zahˇ sahˇ k’oˆ laˆ k’oeˇ aˇ dui maˇ ya laˆ daˇ-a. Aˇ dui-aˇ lehˇ-eu zahˇ sahˇ k’oˆ k’oeˇ-euˇ laˆ k’oeˇ neh ya doˆ laˇ-eu meh. Thiˇ geu jeˇ-ahˇ neh laˆ daˇ-awˇ g’aˇ biˆ-eu ma ya. (2 Gawˇ liˇ tu 6:14, 18; Pah mehˇ 18:4) Aˇ dui maˇ maˇ ni Miˇ Yehˇ-euˇ dawˇ dzaw shiˇ g’aˇ naˇ, maˇ ngeuˇ-eu zahˇ sahˇ k’oˆ-ahˇ maˇ ya caw teh-iˇ ni, ya yahˇ-eu meh.–2 Yoˇ haˇ 10:10.

3. Dehˆ jeˇ dehˆ kawˆ-euˇ yaw buˇ yaw shawˇ: Jeˇ Hoˇ Baˇ Miˇ Yehˇ-ahˇ uˇ duˇ tahˇ-eu tsawˇ haˇ yawˇ g’aˇ na luˆ aˇ myah luˆ muiˇ-eu jeˇ tehˆ-ehˇ mˇ-eu ka li zaˇ bi pyeuˆ mawˆ-eu meh. (1 Beˇ tuˆ luˆ 2:12) Aˇ dui mˇ-eu yawˇ jeˇ na luˆ maˇ la yaˆ nya. Yaw yaˆ jeˇ mˇ gaˇ Aˇ yawˆ mawˇ luˆ meh. (Heˇ byehˇ 4:13) Aˇ dui-aˇ nui cehˇ nui dzehˇ coˆ-awˇ Heu miˇ tsaˇ-eu maˇ muiˇ maˇ shawˇ-eu deuˇ-ahˇ, yahˇ-eu tsaˇ meh.–1 Gawˇ liˇ tu 6:9-11.

4. Nui ma nui noeˇ yaw buˇ yaw shawˇ: Aˇ duiˇ yawˇ g’aˇ na luˆ nui ma shawˇ jehˆ ni taˇ naˇ, aˇ dui mˇ-eu gaˇ yawˇ jeˇ na luˆ muiˇ-eu meh. (Piˇ liˇ piˆ 4:8) Maˇ muiˇ maˇ dzaˇ-eu jeˇ-ahˇ aˇ dui noeˇ loˆ noeˇ mawˇ naˇ, haˇ-iˇ dui dui-eu yaw jawˆ jeˇ aˇ dui za-eu meh. (Maˇ tehˇ 15:18, 20) Nui ma-ahˇ bi jawˆ laˇ-eu laˆ k’aˇ cehˇ-eu jeˇ aˇ dui-ahˇ, maˇ ya bi-uˇ laˇ ni ya yahˇ meh. Miˇ Yehˇ dawˇ kawˇ-ahˇ, aˇ dui zaw geuˆ-eu laˆ k’oeˇ muiˇ-eu nui noeˇ nui duˇ aˇ dui nui ma laˆ k’oeˇ bi byah laˇ nya meh.

5. G’awˇ mawˇ mawˇ do mˇ jeˇ shaˇ kawˆ: Ka li zaˇ deuˇ-aˇ, Miˇ Yehˇ-euˇ dah yaˇ pyeuˆ-eu miˇ neh, yawˇ ha g’awˇ mawˇ mehˇ tsoeˇ ya bi muiˇ ya bi sawˇ meh. Gaˇ nyiˇ-iˇ g’aˇ ngeh jawˇ, nawˇ-eu aˇ laˆ yaw muiˇ paˇ-ehˇ ya juiˆ meh. Hawˇ maˇ dzaˇ mi na-ehˇ k’awˆ, aˇ laˆ ya juiˆ meh. Gaˇ nyiˇ-iˇ kuˆ maˇ jaˆ naˇ nawˇ neh-iˇ jeh-euˇ yaw jawˆ ya dehˇ kaˇ meh. (Dawˇ mehˇ 23:12, 13) G’awˇ mawˇ la saˆ-eu-aˇ, yawˇ ha mawˇ do g’aˇ duˇ muiˇ-eu meh. Ka li zaˇ-eu nymˇ jiˇ-aˇ, laˆ k’oeˇ paw laˆ nyiˇ paw k’awˆ ya bi muiˇ ya bi sawˇ meh. Aˇ yawˆ maˆ nymˇ jiˇ, aˇ tsawˇ jaw geuˆ duˇ ya bi pyeuˆ meh.

6. Yaw buˇ yaw shawˇ-euˇ dawˇ kawˇ: Miˇ Yehˇ-euˇ za k’aˆ deuˇ-aˇ, aˇ myah luˆ tsaˇ-eu dawˇ-eu dawˇ tehˆ-ehˇ ya ngehˇ meh. Dzaˇ myawˆ myawˆ-eu, tsawˇ haˇ deuˇ Miˇ Yehˇ uˆ lahˇ-eu laˆ k’oeˇ maˇ ya uˇ leˇ-a. (Eˇ peˇ suˆ 4:25; Pah mehˇ 21:8) Ka li zaˇ deuˇ jawˆ dui dui-eu dawˇ kawˇ maˇ ya ngehˇ-a. Dawˇ tcuiˆ maˇ baw-eu-awˇ, Uiˇ yoeˇ paˇ-ehˇ g’eh-eu dawˇ, Aˇ tsawˇ maˇ naˇ haˇ nahˇ paˇ-ehˇ g’eh-eu dawˇ, maˇ ya ngehˇ-eu, maˇ ya naˇ haˇ-eu meh. Yaw jeˇ na luˆ laˆ k’oeˇ aˇ tsawˇ jaw geuˆ nya ni gaˇ mˇ ngeh maˇ-ehˇ, Sahˇ boˆ jaw nymˇ-ahˇ maˇ-ehˇ yawˇ ha nymˇ dawˇ peh jawˇ-eu tsawˇ haˇ deuˇ jaw geuˆ duˇ ya bi pyeuˆ-eu meh.–Eˇ peˇ suˆ 4:29-31; 5:3.

Miˇ Yehˇ-euˇ zaˇ k’aˆ deuˇ-aˇ yawˇ jeˇ na luˇ ya muiˇ meh

Copyright © 2009 Watch Tower Bible and Tract Society of Pennsylvania. All rights reserved.