Miˇ Yehˇ bye-eu mˇ jeˇ shaˇ kawˆ

1. Miˇ Yehˇ-euˇ zaˇ k’aˆ deuˇ yaw muiˇ mˇ-eu jeˇ-ahˇ mawˆ-eu meh, Aˇ yawˆ maˆ maˇ muiˇ-eu jeˇ-ahˇ ya bye meh. (Ja ceuˇ 97:10) Ehˇ mawˆ-eu-aˇ, maˇ muiˇ-eu jeˇ mˇ gaˇ Miˇ Yehˇ byeh-eu miˇ neh aˇ dui gaˇ jaw ya jaw dzeuˇ meh, Gaˇ k’awˆ heu deuˇ aˇ geu jeˇ-ahˇ,-ehˇ mawˆ ta?

2. K’aˇ Miˇ sheu-eu, maˇ yuˇ taˆ mi na-ehˇ, tiˇ kawˆ loˆ-ehˇ yuˆ-eu maˇ-ehˇ, jeˇ zaˇ-ahˇ maˇ-ehˇ, aˇ yuiˆ aˇ nyiˇ-ahˇ maˇ-ehˇ, Aˇ chawˇ-eu miˇ zaˇ yo zaˇ-ahˇ bahˇ-eu-maˇ ehˇ, k’aˇ dzeˇ zaˇ cawˇ cawˇ zaˇ miˇ zaˇ cawˇ cawˇ heu deuˇ dehˆ bahˇ-eu tsawˇ haˇ dawˇ tawˆ luˆ Miˇ Yehˇ-ahˇ mˇ bahˇ-eu iˆ baˇ huiˇ dui dui-eu jeˇ pyeuˆ-eu meh. (Uˇ duˇ tahˇ 18:6; Loˇ maˆ 1:26, 27; 1 Gawˇ liˇ tu 6:9, 10) Maˇ yuˇ mi na-ehˇ tiˇ k’awˆ loˆ-ehˇ yuˆ taˆ saw naˇ yuˇ-eu tsaˇ meh. Maˇ ngeuˇ naˇ tiˇ kawˆ loˆ-ehˇ jawˇ-eu maˇ tsaˇ-a.–Heˇ byehˇ 13:4.

Miˇ Yehˇ-aˇ jiˇ baˇ yehˆeu, Shmˇ k’oeˇ k’oeˇ-eu, gawˆ ceh ceh-eu, yaw haˇ-iˇ jeˇ mˇ-eu, tsawˇ haˇ-ahˇ bye dui dui-eu meh

3. Dzaˇ myawˆ myawˆ-eu, gawˆ ceh ceh-eu, k’oeˇ-eu, Jeˇ Hoˇ Baˇ Miˇ Yehˇ-aˇ jaˇ myawˆ maˇ myawˆ nya. (Tiˇ tuˆ 1:2) Aˇ yawˆ nui noeˇ tsaˇ-eu tsawˇ haˇ geuˆ mawˆ naˇ jaˇ myawˆ maˇ ya myawˆ-a. (Dawˇ daˇ 6:16-19; Gawˇ lawˇ sehˇ 3:9, 10) Paˇ-l daˇ-eu, tiˇ dawˆ-eu, aˇ nui k’ahˇ huiˇ-eu miˇ neh ka li zaˇ deuˇ maˇ ya mˇ-a. (Eˇ peˇ suˆ 5:3-5) Ka li zaˇ deuˇ-aˇ, aˇ tsawˇ mˇ myawˇ maˇ ya k’oeˇ,-aˇ tsawˇ neh k’oeˇ-awˇ-ahˇ laˇ-euˇ myawˇ maˇ ya zeuˇ-a, Aˇ kawˇ maˇ biˆ gaˇ, aˇ tsawˇ myawˇ maˇ ya yuˇ-a.–Doˆ-lˇ 20:15; Eˇ peˇ suˆ 4:18.

4. Nui ma pehˇ-eu, nui ma huiˇ-eu jeˇ: Yawˇ ha nui ma-ahˇ, maˇ g’aˇ leˇ naˇ yaw haiˇ jeˇ mˇ doˆ laˇ nya-eu meh. (Aˇ dahˇ beh 4:5-8) Haˇ-iˇ-eu tsawˇ haˇ Miˇ Yehˇ nehˇ-ehˇ, cawˇ ma cawˇ nya. (Ja ceuˇ 11:5; Dawˇ daˇ 22:24, 25) Aˇ tsawˇ aˇ dui-ahˇ yehˇ baw shehˇ lu-ehˇ jahˇ laˇ naˇ taˇ jahˇ k’oˆ nehˇ, jahˇ k’oˆ nehˇ-eu jeˇ maˇ tsaˇ-a.–Dawˇ da 24:29; Loˇ maˆ 12:17-21.

5. Dzaˇ nehˆ nehˆ-euˇ ja maw maw-eu, nehˆ toˇ toˇ-eu nehˆ-eu, baoˇ-ahˇ g’oe-awˇ naˇ gawˇ la saˆ-eu, tiˇ paˆ na deuˇ dzaˇ nehˆ nehˆ-awˇ, tsawˇ haˇ bi shiˇ ni jahˇ-eu, Heu loˆ-ehˇ jahˇ-eu tsawˇ haˇ deuˇ mehˇ nah paw nehˆ saˆ daˇ jawˇ-eu meh. Teu baˇ da neh ka li zaˇ deuˇ teu loˆ-ehˇ g’eh-eu jeˇ mˇ gaˇ maˇ ya keuˇ leˇ-a. (Dawˇ mehˇ 18:9-13) Jeˇ Hoˇ Baˇ Miˇ Yehˇ-ahˇ g’oe naˇ nehˆ baoˇ dawˇ tawˆ luˆ-ahˇ aˇ dui g’aˇ leˇ nya-eu meh.–Dawˇ daˇ 18:10.

6. Jiˇ ba-aˇ jeh dawˇ-eu: Saˇ piˇ dzaˇ uiˇ dawˇ-eu, nui deuˇ yehˆ laˇ-eu jeˇ, Biˇ yaˇ dawˇ-eu a cuiˆ na tehˆ-ehˇ dawˇ naˇ maˇ bahˇ-a. (Ja ceuˇ 104:15; 1 Tiˆ moˇ seˇ 5:23) Ehˇ k’awˆ aˇ jehˇ dawˇ dzeuˇ-awˇ dawˇ yehˆ naˇ, Miˇ Yehˇ mehˇ shi bahˇ-eu meh. (1 Gawˇ liˇ tu 5:11-13; 1 Tiˆ moˇ seˇ 3:8) Jiˇ baˇ dawˇ yehˆ naˇ nawˇ-eu g’awˇ mawˇ deuˇ-eu meh. Teu uˇ taˆ-ehˇ nymˇ jiˇ k’awˆ, ya byehˇ-eu keuˆ laˇ meh. Muˇ juˇ juˇ-eu mehˇ nah k’awˆ caw teh-i nya-eu meh.–Dawˇ daˇ 23:20, 21, 29-35.

7. Miˇ Yehˇ neh maˇ muiˇ-a lehˇ-ehˇ taˇ-eu jeˇ-ahˇ, mˇ-eu tsawˇ haˇ deuˇ-aˇ, Miˇ Yehˇ uˆ lahˇ-eu laˆ k’oeˇ, maˇ za-uˇ leˇ-a lehˇ-ehˇ taˇ-eu meh. (Gaˇ laˇ tiˆ 5:19-21) Nawˇ Miˇ Yehˇ-ahˇ aˇ diˇ aˇ maˇ gaˇ-awˇ, aˇ yawˆ nui noeˇ tsaˇ ni mˇ mawˆ naˇ maˇ muiˇ-eu jeˇ dawˇ tawˆ luˆ-ahˇ buˇ-iˇ nya meh. (1 Yoˇ haˇ 5:3) Miˇ Yehˇ maˇ mawˆ-eu aˇ geu jeˇ nga lehˇ zahˇ doˆ kaˇ-iˇ paˇ-ehˇ dzaw geuˆ-eu loˇ meh. (Loˇ maˆ 12:9) Miˇ Yehˇ nui noeˇ tsaˇ ni mˇ-eu tsawˇ haˇ deuˇ-ahˇ, chawˇ geuˆ-awˇ. (Dawˇ daˇ 13:20) Ka li zaˇ laˆ k’oeˇ jawˇ-eu tsawˇ mawˇ tsawˇ k’aˆ deuˇ caw ba nehˇ laˆ nya-eu meh. (Yaˇ koˆ 5:14) Yawˇ jeˇ na luˆ laˆ k’oeˇ g’aˇ k’aˆ laˇ nya ni, Miˇ Yehˇ-ahˇ guiˇ lahˇ shaˇ-awˇ.–Piˇ liˇ piˆ 4:6, 7, 13.

Copyright © 2009 Watch Tower Bible and Tract Society of Pennsylvania. All rights reserved.