E bu nguan’n nin mmoja’n be like dan - Zoova i Lalofuɛ mun: Watchtower Society i Ɛntɛnɛti su adresi

Zoova i Lalofuɛ’m be Ɛntɛnɛti lika’n

Beliefs

Future

?Ngue like yɛ Ɲanmiɛn Kpli kunndɛ kɛ e yo ɔ?

Like suanlɛ 12

E bu nguan’n nin mmoja’n be like dan
	?Wafa sɛ yɛ ɔ fata kɛ e bu nguan’n niɔn? (1) ?Yɛ kuɛ tulɛ’n nin? (1)
	?Klistfuɛ kun yó sɛ naan w’a kle kɛ i ɲin kpaman be wun sasalɛ ninnge’m be su? (2)
	?Nnɛn’m be kunlɛ’n ti tɛ? (3)
	?Ayeliɛ mennin yɛ ɔ kle e kɛ sran kun buman nguan’n i like fi ɔ? (4)
	?Mmoja’n i su mmla nga Ɲanmiɛn Kpli mannin’n yɛle mennin? (5)
	?I sɔ mmla’n kan mmoja nga be fa wla be kplo nun’n wie? (6)

1. Nguan’n i bo’n o Zoova sa nun. I yɛ ɔ man ninnge ngba nga be o asiɛ’n su’n be nguan ɔn (Jue Mun 36: 9). Ɲanmiɛn Kpli ɲrun’n, nguan’n ti like sroesroe. Ba nɔnman nga ɔ o i nin klun’n bɔɔ’n, i nguan’n ti like cinnjin kpa Zoova ɲrun. Be ɲinfu kuɛ tulɛ’n ti sa tɛ Ɲanmiɛn i ɲrun.—Ezipt Lɔ Tulɛ 21: 22, 23; Jue Mun 127:3.

Sɛ e waan é jɔ́ Ɲanmiɛn i klun’n, maan e wla e wunnɛn nun mmoja wlalɛ, nzuɛn tɛtɛ, ɔ nin ninnge kaklaakla yolɛ’m be ase.

2. Klistfuɛ kpa’m be ɲin kpaman be wun sasalɛ ninnge’m be su. Be nian be loto nin be sua’m be lika kpa naan fɔ w’a tranman be nun (Mmla’n 22:8). Ɲanmiɛn sufuɛ’m be yoman ninnge kaklaakla nga ɔ kwla kpɛ be nguan ɲanman nun ngbɛn’n. I sɔ’n ti yɛ be yoman be wun kpinngbinlɛ like kɛ ngondin suanlɛ sa’n niɔn. Be kanman ngowa nga be yo mɔ sran yo nzajefuɛ’n.—Jue Mun 11:5; Zan 13:35.

3. Nnɛn’m be kusu be nguan’n ti like sroesroe sran nga ɔ yili be’n i ɲrun wie. Klistfuɛ kun kwla kun nnɛn di, sanngɛ kusu i bɔbɔ i wun sasalɛ ti’n, sɛ tukpaciɛ wie o nnɛn sɔ’n i wun’n annzɛ sɛ nnɛn sɔ’n kúnndɛ yó i like kekle’n, ɔ kwla kun i wie (Bo Bolɛ 3:21; 9:3; Ezipt Lɔ Tulɛ 21:28). Sanngɛ nnɛn’m be kunlɛ ngbɛnngbɛnfuɛ’n ngowa kanlɛ nun’n, ɔ nin be kpokokpoko yolɛ’n timan kpa wie.—Nyanndra Mun 12:10.

4. Siklɛti nɔnlɛ, asra nɲa kpisalɛ nin drɔgi nɔnlɛ, i sɔ nin Klistfuɛ fataman. Like nga ti mɔ i sɔ ayeliɛ’n ti tɛ’n, ɔ ti ndɛ nuan nsan: (1) Be kaci ayeliɛ sɔ’m be kanga, (2) be saci sran wunnɛn kpɔkun, (3) be ti fiɛn (Rɔmfuɛ Mun 6:19; 12:1; 2 Korɛntfuɛ Mun 7:1). Ayeliɛ sɔ’m be ase wlalɛ’n kwla yo ya kpa. Sanngɛ i sɔ yɛ ɔ fata kɛ e yo naan Zoova i klun w’a jɔ e wun ɔn.

5. Mmoja’n kusu ti like sroesroe Ɲanmiɛn ɲrun wie. Ɲanmiɛn se kɛ mmoja’n i nun yɛ nguan’n wo ɔ. I sɔ’n ti yɛ ɔ fataman kɛ be di mmoja’n niɔn. Nnɛn nga b’a kpɛmɛn i kɔmin kpa’n i dilɛ’n ti like tɛ wie, nga m’ɔ wu i sa su annzɛ aya trɛli i m’ɔ wuli’n, i dilɛ’n ti tɛ wie. Sɛ cua annzɛ tui yɛ be toli i’n, maan be kpɛ i kɔmin ndɛndɛ naan b’a di.—Bo Bolɛ 9:3, 4; Saun Yolɛ 17:13, 14; Sa Nga Be Yoli’n 15:28, 29.

6. ?Be kplo nun mmoja wlalɛ’n ti like tɛ? Nán maan e wla fi su kɛ Ɲanmiɛn waan nán e di mmoja. I bo’n yɛle kɛ ɔ fataman kɛ e fa sran uflɛ i mmoja’n, annzɛ e bɔbɔ e liɛ’n nga be cuɛnnin be sie i lɛ’n, e fa wla e wunnɛn nun ekun (Sa Nga Be Yoli’n 21:25). Klistfuɛ kpa’m be kplinman su kɛ be wla be wunnɛn nun mmoja. Sanngɛ ayre nga mmoja nunman nun kɛ serɔmu sa’n, be kwla fɛ i lifuɛ’n. Be klo kɛ bé ɲán nguan, sanngɛ be su kunndɛman kɛ bé yó ɲin kekle Ɲanmiɛn su naan b’a ɲan nguan’n.—Matie 16:25.

Be yili i Afuɛ 2000 nun
Copyright © 2006 Watch Tower Bible and Tract Society of Pennsylvania. All rights reserved.