 |
Beliefs | Future | Medical | Topics | Contact Us | Publications | Languages |
| ¿Kunsa Diosax jiwasanakaru mayistu? | 2 Yatichäwi  |
¿Khitis Diosaxa? |
|
 |
¿Khitis chiqpach Diosaxa ukat kunas sutipaxa? (1, 2) |
|
¿Diosax kunjam cuerponisa? (3) |
|
¿Kunjam Diosasa? (4) |
|
¿Diosar yupaychañataki santonaka ukat uñnaqanaka apnaqañax wakispachati? (5) |
|
¿Kuna pä tuqitsa Diosat yatiqsna? (6) |
1. Jaqixa kunarus yupaychaskakiwa. Ukampisa, Bibliaxa mä CHIQPACH Diosakiw utji siwa. Jupawa alaxpachansa aka Uraqinsa taqi kun luratayna, Jupawa jakañsa churistu, ukhamaxa Juparukiw yupaychañasaxa (1 Corintios 8:5, 6; Apocalipsis 4:11).
2. Diosax kunaymanit aytasitawa, ukampis mä sutinikiwa: JEHOVÁ satawa. Yaqhip Biblianakanxa Diosan sutipax apsutäxiwa, uka lantisti Tatitu jan ukax Dios sasakiw uchxapxi. Ukampis kunapachatï Bibliax qillqaskäna ukhaxa Jehová sutixa mä 7.000 kutiw uñstäna (Salmo 83:18, NM). 3. Jehová Diosax mä cuerponiwa, ukampisa janiw jiwasjamäkiti. “Diosax ajayuwa” siw Biblianxa (Juan 4:24). Mä ajayuxa janiw jiwasjam jakkiti. Diosarux janiw khitisa uñjkaspati. Jehová Diosax alaxpachansa jakaschixa, taqi kunwa uñji (Salmo 11:4, 5; Juan 1:18). ¿Ukat kunas qullan ajayuxa? Janiw Diosjamäkiti, jan ukasti Diosan ch’amapawa (Salmo 104:30). 4. Jehová Diosaxa kunjam Diosasa uk Bibliax qhanañchistu. Wali munasiri, taqi kunsa chiqapar uñjiri, yatiñkankañani ukat wali ch’amani Diosaw siwa (Deuteronomio 32:4; Job 12:13; Isaías 40:26; 1 Juan 4:8). Ukat khuyapayasiri, suma chuymani, juchanaka pampachiri, waxt’asiri, llamp’u chuymani ukham Diosaw sarakiwa. Ist’asiri wawanakjamaxa Jupat yatiqasiñasawa (Efesios 5:1, 2).
5. ¿Santonakar uñnaqanakaru mayisiñasa alt’asiñasa wakispachati? Janiwa (Éxodo 20:4, 5). Jehová Diosaxa janipuniw ni khitiru ni kunaru yupaychañassa munkiti, Jupa saparukiw yupaychañasax siwa. Ukatxa, santonakaxa janiw yanapt’añataki ch’amanïpkiti (Salmo 115:4-8; Isaías 42:8). 6. ¿Kunjamatsa Diosar juk’ampi uñt’sna? Mä tuqitxa, luratanakap uñjasawa uñt’sna ukat ukanakaxa kunsa Jupata yatichistu uk lup’isawa juk’ampi uñt’araksna. Ukanakaxa wali ch’amani, yatiñani Diosätapwa uñacht’ayistu. Taqi luratanakapanwa munasiñap uñjtanxa (Salmo 19:1-6; Romanos 1:20). Maysa tuqitsti Bibliat yatiqasawa Diosarux uñt’araksna. Kunjam Diosasa uka tuqitwa Bibliax juk’amp qhanañchistu. Ukat kunas amtapaxa, kuns mayistu ukanakwa yatiyarakistu (Amós 3:7; 2 Timoteo 3:16, 17). |
|
2005 maran luratawa |
 |
Copyright © 2007 Watch Tower Bible and Tract Society of Pennsylvania. All rights reserved. |
|
