 |
Beliefs | Future | Medical | Topics | Contact Us | Publications | Languages |
| ¿Kunsa Diosax jiwasanakaru mayistu? | 14 Yatichäwi  |
Kunjam utt’ayatäpxisa Jehová Diosan Qhanañchirinakapaxa |
|
 |
¿Qhanañchirinakax kunapachas mayampi uñsti? (1) |
|
¿Kunjamsa tantachäwinakapax apasi? (2) |
|
¿Kuna qullqimpis yanapt’asipxi? (3) |
|
¿Khitis sapa taman irpirixa? (4) |
|
¿Kuna jach’a tantachäwinakasa sapa mar apasi? (5) |
|
¿Uraqpachan Diosan Apnaqäwipat uñjaski uka utansa sucursalanakapansa kunas lurasi? (6) |
1. Jichhürunakanxa, Jehová Diosan Qhanañchirinakapaxa 1870 uka maranakan uñstäna. Qalltanxa Bibliat Yatiqirinaka satäpxänwa. Ukat 1931 maranwa Bibliat apst’asin Jehová Diosan Qhanañchirinakapa sas sutinïxapxi (Isaías 43:10). Juk’at juk’atwa jilxattawayi, jichhax millón millón Qhanañchirinakaw utjxi, ukatxa 230 jila markanakanwa yatiyasipki. 
2. Niya taqi tamanakawa semananxa kimsa kuti tantachasipxi. Uka tantachäwinakaru sarasmaxa wali askipunïspawa (Hebreos 10:24, 25). Uka tantachäwinakanxa Bibliat yatichasi. Qalltañatakisa tukuyañatakisa Diosat mayt’asipxi, ukatxa niya taqi tantachäwinakanwa ‘yupaychañ q’uchunak’ q’uchupxi (Efesios 5:18, 19). Mantañax inakiwa, janiw qullq mayipkiti (Mateo 10:8). 3. Niya taqi tamanakawa mä Tantachasiñ Utan tantachasipxi. Uka utanakax janiw sinti k’achachatäkiti, Jehová Diosan Qhanañchirinakapan luratawa. Uka utanakanxa janiw pachachanakasa cruzanakasa, ukar uñtasitanakas utjkiti. Yanapt’añ munirinakan churäwinakapampiw gastonakax phuqasi. Yanapt’añ munirinakaxa mä cajaruwa irantt’apxaspa (2 Corintios 9:7).
4. Sapa tamanakanwa irpiri chuymaninakax utji, jupanakaw tamar yatichapxi (1 Timoteo 3:1-7; 5:17). Irpirinakan yanapirinakapawa jupanakar yanapt’apxi (1 Timoteo 3:8-10, 12, 13). Janiw khitis tamanxa jilankkiti (2 Corintios 1:24). Janiw suma sutinakampi apxatatäpkiti (Mateo 23:8-10). Janirakiw mayja isitäpkisa. Ukatxa janiw khitisa jupanakar qullqi churkiti. Irpiri chuymaninakaxa taqi chuymawa tamankirinakar yatichapxi. Jan walt’añanakax utjki ukhaxa chuymacht’apxiwa ukhamaraki iwxt’apxiwa (Santiago 5:14-16; 1 Pedro 5:2, 3). 5. Jehová Diosan Qhanañchirinakapaxa sapa maraw jach’a tantachäwinak lurapxi. Uka jach’a tantachäwinakarux walja tamanakaw sarapxi Biblian yatichäwinakap ist’añataki. Uka tantachäwinakanwa machaqanakax bautisasipxi (Mateo 3:13-17; 28:19, 20). 6. Uraqpachana Diosan Apnaqäwipa uñjañataki Jehová Diosan Qhanañchirinakapan utapaxa Nueva York markankiwa. Ukankiwa Uraqpachan uñjiri Jilïri Irpiri jilatanakaxa, jupanakaxa wali yatxatata irpir chuymaninakawa, jupanakawa taqi tamanaka uñjapxi. Ukatsti, patak jila sucursalanakaw Uraqpachan utji. Uka utanakan irnaqirinakawa Bibliat apst’at libronak lurañsa apayaniñsa yanapt’apxi. Uka utanakanrakwa yatichiri sarañatakisa wakiyapxi. ¿Janit uka utar uñantt’iri sarañ munkasma?
|
|||
2005 maran luratawa |
 |
Copyright © 2007 Watch Tower Bible and Tract Society of Pennsylvania. All rights reserved. |
|
