Ақиқат дінді қалай табуға болады?

1. Иса шынайы мәсіхшілердің бір ғана дінінің негізін қалаған. Сондықтан бүгінгі күні Иеhова Құдайға шынайы ғибадат етушілердің бір ғана ағымы, немесе тобы, болуы керек (Жохан 4:23, 24; Ефестіктерге 4:4, 5). Киелі кітап өмірге апаратын тар жолмен аз ғана адамдар жүретінін айтады (Матай 7:13, 14).

2. Елшілер өлгеннен кейін, мәсіхшілер қауымына жалған ілімдер мен мәсіхшілікке жат әдет-ғұрыптардың кіретінін, Киелі кітап күні бұрын айтқан. Сондай-ақ, беделді адамдар сенушілерді Исаның емес, өздерінің артынан ертіп әкететіні де жазылған (Матай 7:15, 21—23; Елшілердің істері 20:29, 30). Міне, сондықтан қазіргі кезде өздерін христиан атайтын діндер көп. Ал шынайы мәсіхшілерді қалай анықтауға болады?

3. Шынайы мәсіхшілердің ерекше белгісі — олардың бір-біріне деген шынайы сүйіспеншілігі (Жохан 13:34, 35). Оларды бір нәсілдің адамдары өзге нәсілді адамдардан артық деп оқытпайды. Сондай-ақ басқа елдердің тұрғындарын жек көруді де үйретпейді (Елшілердің істері 10:34, 35). Сондықтан шынайы мәсіхшілер соғыстарға қатыспайды. Олар бір-біріне бауырлас ретінде қарайды (1 Жохан 4:20, 21).

Шынайы мәсіхшілер бірін-бірі сүйеді, Киелі кітапты құрметтейді және Құдай Патшалығы туралы уағыздайды

4. Шынайы діннің келесі белгісі — Киелі кітапқа шексіз құрмет. Шынайы мәсіхшілер оны Құдайдың Сөзі ретінде қабылдап, ондағы жазылғандардың барлығына сенеді (Жохан 17:17; 2 Тімоте 3:16, 17). Құдайдың Сөзі олар үшін адамдардың ойлары мен әдет-ғұрыптарынан әлдеқайда маңызды (Матай 15:1—3, 7—9). Олар әрдайым Киелі кітап бойынша өмір сүруге тырысады. Сондықтан олардың уағыздайтын сөздері істеріне сәйкес келеді (Титке 1:15, 16).

5. Сонымен қатар ақиқат діннің жақтаушылары, Құдайдың есімін киелі тұтулары керек (Матай 6:9). Иса адамдарға Құдайдың есімі — Иеhова екенін айтқан. Шынайы мәсіхшілер де солай ету-лері керек (Жохан 17:6, 26; Римдіктерге 10:13, 14). Сіз тұратын жерде адамдарға Құдайдың есімі туралы кімдер айтып жүр?

6. Шынайы мәсіхшілер Құдайдың Патшалығы туралы уағыздаулары керек. Иса солай еткен. Ол әрдайым Патшалық туралы уағыздаған (Лұқа 8:1). Сондай-ақ ол шәкірттеріне де дәл сол хабарды бүкіл жер бетіне таратуды бұйырды (Матай 24:14; 28:19, 20). Жер бетінде бейбітшілік пен қауіпсіздікті тек Құдай Патшалығы ғана орнататындығына шынайы мәсіхшілер кәміл сенеді (Забур 145:3—5).

7. Исаның шәкірттері бұл зұлым дүниенің істеріне қатыспайды (Жохан 17:16). Олар дүниенің саясатына және әлеуметтік дау-жанжалдарына килікпейді. Олар дүниеге тән зиянды мінез-құлық, көзқарас танытпайды және әдет-ғұрыптардан аулақ болады (Жақып 1:27; 4:4). Аталып өткен шынайы діннің белгілерін танытып жүрген діни ағымды атай аласыз ба?

Copyright © 2008 Watch Tower Bible and Tract Society of Pennsylvania. All rights reserved.