1. Осы уақытқа дейін сіз Киелі кітаптан көптеген жақсы нәрселерді білдіңіз. Бұл білімдер сізді мәсіхшілерге тән қасиеттер дамытуға талпындыруы керек (Ефестіктерге 4:22—24). Мәңгі өмірге жету үшін, Киелі кітапқа негізделген білім алудың маңызы зор (Жохан 17:3). Алайда, құтқарылу үшін ізгі хабарды басқа адамдар да естулері қажет. Шынайы мәсіхшілердің барлығы да басқа адамдарға куәлік берулері тиіс. Бұл — Құдайдың бұйрығы (Римдіктерге 10:10; 1 Қорынттықтарға 9:16; 1 Тімоте 4:16).
2. Сіз білген жақсы нәрселеріңізді өзіңіздің жақындарыңызбен бөлісе беруіңізге болады. Бұл туралы отбасыңызға, жора-жолдастарыңызға, сыныптастарыңызға және бірге жұмыс істейтін кісілерге айтып беріңіз. Бұл туралы айтқанда, мейірімді және сабырлы болыңыз (2Тімоте 2:24, 25). Есіңізде болсын, адамдар жиі естіген сөзінен гөрі, көрген ісіне көп көңіл бөледі. Сондықтан сіздің жақсы жүріс-тұрысыңыз, адамдардың сіз айтқан хабарға көңіл бұруларына себеп болуы мүмкін (Матай 5:16; 1 Петір 3:1, 2, 16).
3. Мүмкін уақыт өте жергілікті Иеhова Куәгерлері қауымымен бірге уағыздау құқына ие боларсыз. Бұл — сіздің жетістікке жетуіңіздегі маңызды қадам (Матай 24:14). Біреудің Иеhованың қызметшісі болуына және мәңгілік өмірге жетуіне көмек бере алсаңыз, қандай қуанышты болған болар едіңіз! (1 Салониқалықтарға 2:19, 20). |
