’Deket na Ŋun a Nyo i Kulya ti Kak?

1. Yekowa a gweja na kak anyen ŋutu bubulö lyöŋön i gwoloŋ nase kata ŋupi. Lepeŋ köju ’dek na kak anyen sisi’darikin i diŋitan liŋ ko ŋutu lo rigwo, logon a kalyöŋök. (Saumajin 115:16; Yisaya 45:18) Kak na mo ti bulö tukara asut; lepeŋ yeyeŋon ŋupi.—Saumajin 104:5; Katokuönit 1:4.

2. I ŋerot nagon Ŋun a gweji ŋuto, Lepeŋ a wulun swöt lele lo’dit lo kak a tetendi nye a paradiso na kwekwelen. A lepeŋ luŋgi nye a melesen na Edene. Ŋina a pirit nagon nye a tindi ŋutu ti kokwe lalet ko narakawan, Adama ko Awa. Ŋun a ’dekan se gwon ko ŋwajik anyen tojore’yu kak ’bukuluŋ. Madaŋ madaŋ a se ködyö kondi kak ’bukuluŋ a paradiso.—Suluet 1:28; 2:8, 15.

Paradiso na töliki

3. Adama se ko Awa a torondya i ’beleŋgu nase na saret lo Ŋun a kaa. Nyena a Yekowa potoddi se kaŋo i melesen na Edene. Paradiso na aje töliki. (Suluet 3:1-6, 23) Ama Yekowa ako böŋö ’deket nanyit i kulya ti na kak. Lepeŋ a milyeju i kondya na nye a paradiso, nagon ŋutu mo si’dari kata ŋupi. Lepeŋ mo kon ŋina ada?—Saumajin 37:29.

4. I ŋerot nagon na kak toworani a paradiso, ŋutu lorok wusaji kaŋo. (Saumajin 37: 38) Kine mo kokona i Armegido, nagon a mörö na Ŋun na tu’bakalani ŋo narok. I mukök a mo gwe a rereka na Satani ko kiŋajin 1,000. Ŋina kweja adi kulye loŋon ’bayin lo pitundyö i körju na kak. Ka’de ŋutu ti Ŋun mo lo lwökö.—Kweyatti 16:14, 16; 20:1-3.

5. Nyena a Yesu Kristo mo lo sarji a Mor i loki na na kak ko kiŋajin 1,000. (Kweyatti 20: 6) Madaŋ madaŋ a lepeŋ mo ’dumadi toron kaŋo kayaŋ i yeyeesi ko i mugunya. A yi mo gwe a ŋutu loke gwoso na gwondi Adama se ko Awa i ŋerot na torondya nase nu. Nyenagon a gilö, doŋga, ko twan mo gwe ’bayin kwöŋ. Ŋutu logilö mo totokela, a ŋutu muduŋin mo worani a teton köti.—Eyobo 33:25; Yisaya 33:24; Kweyatti 21:3,4.

6. I diŋit nagon Yesu Sarji ko Kiŋajin Alip nu, ŋutu kayupök mo kikita anyen toworaju kak ’bukuluŋ a paradiso. (Luka 23:43) Köti, milionyon ti ŋutu lo twatwa mo totoŋiu i gwon a ŋutu lo jörun i na kak. (Konesi 24:15) Ko se yeŋon i kondya na ŋo nagon Ŋun ’de’dekuri kase, a se mo puputuru ŋerot i gwoloŋ i na kak ŋupi. Ko ’bak sona a se mo tukarani tukara ŋupi.—Yoane 5:28, 29; Kweyatti 20:11-15.

7. ’Deket na Ŋun na kokwe nu mo kokona sona. Do ŋona ’de’dekan ŋarundya na kine ’boriesi na popo? Ko sona, do agu ködyö yeŋon i jujumbu na kulya ti Yekowa ko i twöju na ’dekesi kanyit. Po inot i momoresi nagwon i Kadi na Tumatyan na Katokorok ti Yekowa mo ŋaŋarakin do i kondya sona.—Yisaya 11:9; Ebere 10:24, 25.

I mukök na Armegido, kak mo totowora a paradiso

Copyright © 2006 Watch Tower Bible and Tract Society of Pennsylvania. All rights reserved.