1. Tojo i na diŋit do aje jujumbu ŋo na’but jore i lukata na Bibilia. Ŋina dendya ködyö nyönyömörö do i toworundya na gwiliŋet lo Kristiani. (Epeso 4:22-24) Dendya gwoso ŋina lwölwöŋgu i ’busan anyen do wuju gwiliŋet na yeŋ nyin. (Yoane 17:3) Ama, kulye kilo köti ’de’dekurikin i yiŋga na loŋe lo’but lo anyen se bubulö lwökö köti. Kristianijin ti to’diri liŋ ti ködyö gwe i tokurukindyö na kulye. Ŋilo a saret lo Ŋun.—Roma 10:10; 1 Korinto 9:16; 1 Timoteo 4:16.
2. Do bubulö suluja ŋarju na ŋo na’but na jujum do kine ko se logwon nyona ko do. Tuköki se i lomede kulök, julin, ŋwajik lo gwon ko do i sukulu, ko ŋutu logon do kita ko se i pirit na geleŋ. Ti do gwe a lo’but ko ’bak dara i diŋit na kondi do sona na. (2 Timoteo 2:24, 25) Yeyene yeye adi i kunie diŋitan ŋutu nyanyar meddya na gwiliŋet lo ŋuto lwöŋgu yiŋga nase na kulya nagon nye jajam. Ko ŋina kwe gwiliŋet ilot lo’but bubulö lulukundya kulye i yiŋga na loŋe logon do jamakin se lo.—Matayo 5:16; 1 Petero 3:1, 2, 16.
3. I nene diŋit, do jujukin suluja tokujö i pirit na geleŋ ko lomomorja ti Katokorok ti Yekowa ti ŋina pirit. Ŋina a laset na ’busan na lwöŋgu i kulya ti ’durjö inot. (Matayo 24:14) Lyöŋön kata gwanan ko do bulöne bulö ŋarakindya lele köti anyen po a kölipönit lo Yekowa ko i wuju na ru na yeŋ nyin!—1 Tesalonike 2:19, 20. |
