Jé Zambe a kômbô mfa’a ya si nyô? - Bengaa be Jehova: Adress ya anjeñe mefoé ya nsamba Watchtower

Anjeñe mefoé ya Internet Bengaa be Yéhova

Beliefs

Future

Jé Zambe a yi na bi bo?

Nye’elane 5

Jé Zambe a kômbô mfa’a ya si nyô?
	Amu jé Zambe anga té si nyô? (1, 2)
	Amu jé si nyô énji bo den ane afup y’Eden? (3)
	Mbia be bôt b’étôban jé? (4)
	Melu m’azu, Yésus ébo minkôkon aya? minôm mi bôt? bewu? (5, 6)
	Nge wo kômbô nyoñ ngap bibotane bi azu, jé w’ayiane bo? (7)

1. Yéhova anga té si na bôt be nyiñ mevak été nnôm éto. Anga yi na bôt be ne zôsôô be tabe été. (Besam 115:16; Esaïe 45:18) Si j’ébo te tyamban; j’étabe nnôm éto.—Besam 104:5; Ecclésiaste 1:4.

2. Ôsusua na Zambe a kôme môt, anga top ngum afôla si a bo de abeñ afup. Ane anga loene afôla te na afup y’Eden. Vôm ate nye anga toé fam ba minga, Adam ba Eve. Nkômbane Zambe ômbe na be jalé si ése a bone bap, a bo je aval ane afup y’Eden ôte’etek ôte’etek.—Metata’a 1:28; 2:8, 15.

Paradis a nga jañ

3. Adam ba Eve be nga bo abé amu be nga vañe tyam atiñe Zambe. Nde Zambe anga titane be afub y’Eden. Ane be nga dimili mbamba ényiñ y’Eden. (Metata’a 3:1-6, 23) Yéhova anji vuane nkômbane wé ya si nyô. Anga ka’a na é koñelane je na é bulan ane Eden, vôme bôt bé b’ényiñe nnôm éto. Aval avé é bo jamete?—Besam 37:29.

4. Ôsusua na si nyô ébulan bo ane afup y’Eden, bebo mam abé b’ayiane taté jañ. (Besam 37:38) Jamete d’éboban Harmagedon, bita Zambe éjañelé abé. Mvus ya valé, Satan éke mimbôk tañe mimbu toyini. Nalé a tinane na teke’e mbia môt éziñ é li’i na a beta ndamane si. Bebo b’ésaé be Zambe étam mbe b’ébi ényiñ.—Nlitan 16:14, 16; 20:1-3.

5. Yésus é jôé si nyô tañe mimbu toyini. (Nlitan 20:6) E vaa abé éne bia minlem ôte’etek ôte’etek a nyôle. Bi bo mfuban teke abé éziñ nyôle aval ane Adam ba Eve be nga too ôsusua na b’abo abé. Eyoñe te akon, nyômban, a awu bi man. Minkôkon mi bo mvo’oé, a minnôm mi bôt mi bulane bo bendôman a bengon.—Job 33:25; Esaïe 33:24; Nlitan 21:3, 4.

6. Nté Yésus é jôé tañ mimbu toyini, bôt be ne zôsôô b’ékôñelane si nyô na é bo ane afup y’Eden. (Luc 23:43) Betoyini be bôt be nga wu, b’émane wômô mesoñ a nyiñe si va. (Mam Minlôman 24:15) Nge be bo nkômbane Zambe, b’ényiñe si va nnôm éto. Nalé momo b’émane jañ nnôm éto.—Jean 5:28, 29; Nlitan 20:11-15.

7. Nkômbane ôsu Zambe w’éfo’o tôéban. Ye wo kômbô fo’o nyoñe ngap ya bibotan bi? Nge nalé, kele ôsu a ye’é mejô me Yéhova Zambe a bo ane m’ajô. Ntabane bisulane aba éjôé bengaa be Yéhova w’évolô wo na ô bo ane Zambe a nye’e.—Esaïe 11:9; Behébreu 10:24, 25.

Eyoñ Harmagedon a lôté ya, si j’ébulan ane afup y’Eden émbe

A nga kui mbu 1996
Copyright © 2006 Watch Tower Bible and Tract Society of Pennsylvania. All rights reserved.