 |
Beliefs | Future | Medical | Topics | Contact Us | Publications | Languages |
| Jé Zambe a yi na bi bo? | Nye’elane 10  |
Mimboane Zambe avini |
|
 |
Aval avé wo yene mam Zambe ajô na mene abé? (1) |
|
Avale nkean binoñ avé éne abé? (2) |
|
Kristen a yiane yene minsos aya? (3) abia? (3) wup? (3) bingôngôm? (4) mebiañ a mbelan mbia minsisim? (5) nso’ane meyok? (6) |
|
Aval avé môt ane jô’é mbia mimboan? (7) |
1. Bebuni Zambe b’anye’e mam mene abeñ. Ve da, b’ayiane fe ye’é vini mam mene abé. (Besam 97:10) Nalé a tinane na b’ayiane sa’ale mimboane Zambe avini. Avale mimboan avé? 2. Bijabô: Eyoñ fam ba minga b’ake binoñ teke bo nlu’an. Mejian, abasa, njô’ôban a betit, éyoñ befam befam a binga binga b’ajô’ôbô. Mam mete mese mene angôndô y’abé mise me Zambe. (Lévitique 18:6; Beromain 1:26, 27; 1 Becorinthien 6:9, 10) Nge fam ba minga be nji bo nlu’an mise me ngovina, ve be kele binoñ, b’ayiane kandan nge lu’an avale ngovina ajô.—Behébreu 13:4.
3. Minsos, abia, wup: Yéhova Zambe ase ngul ya laane minsos. (Tite 1:2) Bebuni bé b’ayiane sa’ale minsos. (Minkana 6:16-19; Becolossien 3:9, 10) Avale ndoan abia ôse wo soo ôzañ akum. Jamete bebuni Zambe b’asa’ale abia mevale mese. (Beéphésien 5:3-5) Bebuni Zambe be nji yiane wup. Nalé fe be nji kus jôme b’ayeme na éne nwuban nge nyoñ éza jôm teke sili.—Nkôlan 20:15; Beéphésien 4:28. 4. Nwô’ane ôlun, Bingôngôm: Mbia nwô’ane ôlun a tindi môt na abo bingôngôm. (Metata’a 4:5-8) Nyô ase ane bingôngôm ase ngul ya bo mvôé Zambe. (Besam 11:5; Minkana 22:24, 25) Ene abé na bi kun nge bulan abé bôt benga bo bia.—Minkana 24:29; Beromain 12:17-21. 5. Mebiañ a mbela’ane mimbia minsisim: Bôt b’éziñ b’abelan ngule ya mimbia minsisim na be saé akon, nge lum besiñ bap minsoñ, nge wôé be. Ngul éte j’aso be Satan. Jame te bekristen b’asa’ale avale mam te. (Deutéronome 18:9-13) Mbamba zen ya kamane bia bebien mfa’a ya mam mete ane na bitabe Yéhova ndi nlem.—Minkana 18:10. 6. Nso’ane meyok: Kristen ane ngule ya nyu mone won, bia, nge avale meyo’o afe. (Besam 104:15; 1 Timothée 5:23) Ve Zambe avini na bi nyu meyok a lôté nné, nge so’o meyok. (1 Becorinthien 5:11-13; 1 Timothée 3:8) Nyuan meyok abui w’andaman nyôle jangan a tyam nda bôt jôé, a w’atindi na ô bo mam mene abé.—Minkana 23:20, 21, 29-35. 7. Môt ase abo mam Zambe avini “ébo te nyoñ ngap éjôé Zambe.” (Begalate 5:19-21) Nge wo nye’e Zambe abui, a kômbô ve nye nleme mvaé, ône jô’é mimboane mite mise. (1 Jean 5:3) Yeke’é vini mam Zambe avini. (Beromain 12:9) Wulu’u a mewoso me bôt b’aba’ale mefulu Zambe a nye’e. (Minkana 13:20) Bemvendé a bôt b’ako Zambe woñ be ne volô wo. (Jacques 5:14) Te vuan ye’elan éyoñ ése.—Bephilippien 4:6, 7, 13. |
||
A nga kui mbu 1996 |
 |
Copyright © 2006 Watch Tower Bible and Tract Society of Pennsylvania. All rights reserved. |
|
