Seme’é ényiñ a metyi - Bengaa be Jehova: Adress ya anjeñe mefoé ya nsamba Watchtower

Anjeñe mefoé ya Internet Bengaa be Yéhova

Beliefs

Future

Jé Zambe a yi na bi bo?

Nye’elane 12

Seme’é ényiñ a metyi
	Bi ayiane yene ényiñ aya? (1) mvaan abum? (1)
	Aval avé bekristen b’aliti na be ne ntyel? (2)
	Y’éne abé na bi wôé betit? (3)
	Aval mam avé d’aliti na môt anji semé ényiñ? (4)
	Atiñe Zambe mfa’a ya metyi éne aya? (5)
	Ye atiñe te d’afombô mveane bôt metyi? (6)

1. Yéhova nye a ve bia ényiñ. Jôm ése évee, Zambe nye anga ve je ényiñ. (Besam 36:9) Enyiñ éne édima mise me Zambe. Ja’a ényiñ mon a ngenan te bialé abume be nyia, éne angôndô ya édima jôm mise me Yéhova. A vañe wôé mon a kômban abum été éne abé mise me Yéhova.—Nkôlan 21:22, 23; Besam 127:3.

Nge bi ayi na bi ve zambe nleme mvaé, bi ayiane ben mveane metyi, mefulu me ne mvit, nge vañe bo mam me ne dutu awu

2. Benya bekristen be ne ntyel. Ba tu’a bo ngômetô ya na be metua bap a menda map be bo te dutu môt a wu. (Deutéronome 22:8) Bebo b’ésaé be Zambe b’asa’ale jôm ése j’adutu môt mfôm awu. Jamete b’asa’ale bivôé bi abo na bôt befe be juk, bi atindi môt na a bo njet.—Besam 11:5; Jean 13:35.

3. Enyiñ betit fe éne édima mise me nkôme bôt. Kristen ane ngul ya wôé tit na a di, nge kôm bindélé, nge kamane émien nge sa’ale akon. (Metata’a 3:21; 9:3; Nkôlan 21:28) V’éne abé na bi tibili betit nge wôé be ve amu bivôé.—Minkana 12:10.

4. Bekristen be ne te nyu ta’a, nge banga, nge biôm bise bi afunan banga ve amu njeñan mvaé. Mam mete me ne abé amu (1) ma veñesane bia alo dap, (2) m’andamane menyôle mangan a (3) mene mvit. (Beromain 6:19; 12:1; 2 Becorinthien 7:1) Ene bo ayaé abui na môt a jô’é mevale mefulu mete. Ve bi ayiane bo nalé amu na bi ve Yéhova nleme mvaé.

5. Metyi fe me ne édima mise me Zambe. Zambe ajô na ényiñe môt éne metyi été. Nde éne abé na môt a di metyi. Ene fe abé na môt a di tit éne teke ntyi’ane tyiñ. Tit j’ate wu ôlam nge ntui énji yiane diban. Nge b’awôé tit a akoñ nge a ngal, j’ayiane tyi’ibane tyiñ avôl avôl nge b’ayiane di je.—Metata’a 9:3, 4; Lévitique 17:13, 14; Mam Minlôman 15:28, 29.

6. Ye môt ayiane kañese na be futi nye metyi nyôl? Simesa’ane na Yéhova ajô na metyi me ne édima, bi sa’ale me. Nalé a tinane na bi nji yiane nyoñe metyi me bôt befe na bi futi me nyôle mangan, ja’a metyi mangan be nga ba’ale. (Mam Minlôman 21:25) Jamete benya bekristen be nji kañese na be futi be metyi nyôl. Be ne nyoñ mebiañ mefe me nji bi metyi. Bekristen b’anye’e ényiñ, ve be ne te tyam atiñ Zambe na be kaman binyiñ biap.—Matthieu 16:25.

A nga kui mbu 1996
Copyright © 2006 Watch Tower Bible and Tract Society of Pennsylvania. All rights reserved.