Aval avé bengaa be Yéhova be ne nta’an - Bengaa be Jehova: Adress ya anjeñe mefoé ya nsamba Watchtower

Anjeñe mefoé ya Internet Bengaa be Yéhova

Beliefs

Future

Jé Zambe a yi na bi bo?

Nye’elane 14

Aval avé bengaa be Yéhova be ne nta’an
	Bengaa be Yéhova y’éyoñ ji be nga taté éyoñ évé? (1)
	Bisulane bengaa be Yéhova bi aboban aya? (2)
	Moné b’abelan nye aso vé? (3)
	Za ane ntebe ôsu y’akônda ése? (4)
	Beta bisulane bivé bi aboban mbu ôse? (5)
	Esaé évé j’aboban menda bisaé m’awulu be? (6)

1. Bengaa be Yéhova y’éyoñ ji be nga taté zia mbu ya 1870. Ôsusua, be nga bo be loene be na befas Kalate Zambe. Ve mbu 1931, nde be nga yôban na bengaa be Yéhova. Eyôlé te j’aso Kalate Zambe été. (Esaïe 43:10) Be nga too tyôtyoé éyoñ be tate’é, ane nsamba ô nga yaé a bo bizu’u bengaa, mbe b’akañete mbamba foé a lôté tañe mesi 230.

2. Abui mekônda bengaa be Yéhova m’abo bisulan biyoñ bila sondô ase. Bi aloene wo na ô zu tabe ésulane jia y’été. (Behébreu 10:24, 25) Kalate Zambe nye ane mbôka’a ya mam mese b’aye’ele. Bisulane bi ataté a meye’elan, a bi aman a meye’elan. Bebé bisulan bise, “bia bi Zambe” bi ayiaban. (Beéphésien 5:18, 19) Môt ase ane nyiin, b’ébo te sili wo moné.—Matthieu 10:8.

3. Abui mekônda bengaa be Yéhova m’abo bisulan aba éjôé. Bengaa bebien mbe be nga lôñe meba mete. W’ébo te yen bive’ela’a, nge kôlôs, nge biôm bife mevale mete aba éjôé. Moné b’abelane nye aso mimvean ya bôt be bili mbamba nkômban y’ave. Nyô ase akômbô volô mimvean, bone biwolo bine aba éjôé été, futi’i mie été.—2 Becorinthien 9:7.

4. Akônda ése ébili bemvendé nge na betebe ôsu. Esaé jap éne na b’ave minye’elan akônda. (1 Timothée 3:1-7; 5:17) Be diakon b’avolô bemvendé ésaé (1 Timothée 3:8-10, 12, 13) Bôt bete be nji bet minkôñ yôp a dañe bengaa bevok. (1 Becorinthien 1:24) Be nji bi ngumba éyôlé b’aloene be. (Matthieu 23:8-10) Be nji jaé ngumba ngômesan y’été. Be nji ya’ane be ésaé b’abo. Bemvendé b’ajeñe na be volô môt ase y’akônda na a nnañ nsisim été. Awolo ya njuk, bemvendé b’ave bôt minlem ne mieñ a melep.—Jacques 5:14-16; 1 Pierre 5:2, 3.

5. Bengaa be Yéhova be bili fe beta bisulane mbu ôse. Abui mekônda m’atôban vôm wua na be nyoñ ngumba nye’elane ô so’o Kalate Zambe été. Eyoñ te nje mimfefé mi bôt mi aduban a bo bengaa be Yéhova.—Matthieu 3:13-17; 28:19, 20.

6. Tine nda bisaé ya bengaa be Yéhova éne New York. Wôé nye nsamba minfefek bemvendé w’awulu ésaé si ése ô too. Be bili fe 100 menda bisaé mesi mefe. Mevôm mete, bebo b’ésaé b’akôme bekalate b’atu’a ye’ele bia mejô me Zambe. Be nji bi moné y’ésaé b’abo. B’ave fe tep y’aval nkañetan mbamba foé w’ayiane wulu. Ye ône fo’o ke jom nda bisaé jia éne bebé vôm ô too?

A nga kui mbu 1996
Copyright © 2006 Watch Tower Bible and Tract Society of Pennsylvania. All rights reserved.