Ntyi’ane wôé na w’abo Zambe ésaé

1. Nge w’akômbô bo mvôé Zambe, w’ayiane yem benya mejôô b’aso Kalate wé été (1 Timothée 2:3, 4), buni’i mam mese ônga ye’é (Behébreu 11:6), jôba’an mam abé môé mese ônga bo (Mam Minlôman 17:30, 31), tyende’é abo dulu dôé. (Mam Minlôman 3:19) Eyoñ éte nye’ane w’anye’e Zambe w’étindi wo na ô ve womien be nye. Nalé a tinane na, ôke vôm ane évôvoé, a kate Zambe meye’elan été na w’ave nye womien na ô bo fo’o ve nkômban wé.—Matthieu 16:24; 22:37.

2. Eyoñ ômaneya ve womien ngumba be Zambe, w’ayiane duban. (Matthieu 28:19, 20) Nduban w’akate môt ase na ôve ya womien be Yéhova. Ajôte nduban ône ve mfa’a bôt be ne ntyel ya tyi’i na b’abo Zambe ésaé. Eyoñ môt a duban, nyôle jé ése j’ayiane ke mendim si mone nté.*—Marc 1:9, 10; Mam Minlôman 8:36.

3. Eyoñ ômaneya ve womien ngumba, Yéhova ayange na ôtôé atiñe ônga ve nye. (Besam 50:14; Ecclésiaste 5:4, 5) Satan éjeñe na a telé ésaé jôé w’abo Yéhova. (1 Pierre 5:8) Subu’u Zambe bebé meye’elan été. (Bephilippien 4:6, 7) Yeke’é Kalate Zambe môs ôse. (Besam 1:1-3) Tabe’e bisulan bise y’akônda. (Behébreu 13:17) Nge w’abo mam mete mese, w’éba’ale ngbwa mia Zambe. Akekui nnôm étô, w’éke ôsu a bo mam Zambe a yi na ôbo!

Nye wo kômbô yem mam abui mfa’a ya Kalate Zambe nge ye’e nye? Tili’i Bengaa be Jehovah adres a yiane. Adres

* Nge w’akômbô kômesan mfa’a ya nduban wôé, w’ayiane beta ke ye’é kalate b’aloene na “La connaissance qui mène à la vie éternelle.” Nge ke avale kalate afe Watchtower Bible and Tract Society a nga kôme.

Copyright © 2006 Watch Tower Bible and Tract Society of Pennsylvania. All rights reserved.