1. Efa maro zô ny raha tsara nianaranô tagnaty Beboly. Tôkony hampifegna anô hanagna toetra kristianina ny raha efa fantanô regny. (Efesianina 4:22-24) Tegna ilegna io raha fantanô io mbora hazahoanô fiegnana mandrakizay. (Jaona 17:3) Ilen’ôlon-trafa anefa ny maharegny ny vôvô tsara mbôra aminjey izy voavonjy koà. Tsy mentsy mitory amin’ôlon-trafa ny tegna Kristianina jiaby. Didin-Jagnahary zegny.—Romanina 10:10; 1 Korintianina 9:16; 1 Timoty 4:16.
2. Afaka magnampôgna mikoragna aminy havagna, namagna, ampiara-mianatra, ampiara-miasa avakeo amin’ôlogna magnodidignanô reo raha tsara ianaranô anô. Manàgna hatsaram-pagnahy amboàna faharetagna izikoà fa magnano anjegny. (2 Timoty 2:24, 25) Alevo onogna fô ny fitondran-tegnanô maheka zahanan’ôlogna fô tsy zegny raha koragninô loatra. Mety hanintogna ôlon-trafa hitandregny ny hafatra koragninô aminanjy, ny fitondran-tegna tsara anagnanô.—Matio 5:16; 1 Petera 3:1, 2, 16.
3. Izikoà fa fenonô ny fepetra afarafara hely agny, de manjary magnampôgna mitory miaraka amy fiangonany Vavolombelon’i Jehovah akeo an-tanàgna anô. Dingana matomboka akeo amy fandrosoanô zegny. (Matio 24:14) Tegna haravoam-be ny anô, izikoà mahefa mitahy ôlogna ho tônga mpanompon’i Jehovah, sady hahazo fiegnana mandrakizay!—1 Tesalonianina 2:19, 20. |
