Sitbienten Yuus Debi di Ufan Gasgas

1. Si Jehovah na Yuus gasgas yan santo. Haekspekta siha umadodora gue’ para ufan gagaigeha’ gi ginasgas—espirituat, morat, hinasso, yan fisikat. (1 Peter 1:16) Tanesisita magahet na minalago’ para utagaige gi ginasgas gi me’nan Yuus. Hita manlala’la’ hit gi aplacha’ na sistema. Hana’guahayi hit lokkue’ i sini’ok kontra i sinientetta para tacho’gue i lachi siha. Lao ti debi di utafanpara.

2. Ginasgas Espirituat: Yangin tamalagu’e sumetbi si Jehovah, ti siña taakalaye’ para masea hafa na fina’na’gue siha pat kostumbre siha pot i ti magahet na relihion. Debi di utalaknos hit gi ti magahet na relihion yan ti tasupotta ni taimanu. (2 Corinthians 6:14-18; Revelation 18:4) Yangin esta tatuñgo’ i minagahet pot si Yuus, debi di taadahi na ti utamana’ fanabak ginen taotao siha nui mafa’na’gue dinage.—2 John 10, 11.

3. Ginasgas Morat: Si Jehovah hamalagu’e yuhe siha i umadodorague’ para ufan osgun komu magahet na Christiano siha gi todu i tiempo. (1 Peter 2:12) Ha lili’e’ha’ todu i tacho’gue masea gi sikretu. (Hebrews 4: 13) Debi di tasuhayi i aplacha’ inabale yan otru siha na manaplacha’ manmapraktika gi este na sistema.—1 Corinthians 6:9-11.

4. Ginasgas Hinasso: Yangin tasiniyi i hinassotta nui gasgas, klaron hinasso siha, i konduktata lokkue’ ugasgas. (Philippians 4:8) Lao yangin sumaga hit gi aplacha’ na kosas siha, siempre para uresutta gi tailaye na fina’tinas siha. (Matthew 15:18-20) Debi di tasuhayi i fotman minagof nui siñaha’ hana’otda’ i hinassotta siha. Siñaha’ tasahguani i hinassotta nui gasgas hinassotta siha giannai manestutudia hit nui Fino’ Yuus.

5. Ginasgas Fisikat: Sa’ pot siha marepresenta si Yuus, i man Christiano siha debi di uhaadahi i tataotaoñiha yan ugasgas magagonñiha. Debi di utafa’gase kannaita despues di monhayan tana’setbi i kemmon, yan debi di tafa’gase siha antes de utachocho pat yangin tapapacha i nengkano’. Yangin taya’ hao nui propiu na sisteman kommon, debi di umahafot i take’. (Deutoronomy 23:12, 13) Yangin tasustietieni i gasgas fisikat kinintribubuyi nui maolek na hinemlo’. I gima’ Christiano debi di uareklao yan gasgas parehuha’ sanhalom yan sanhiyong. I gima’ debi di utacho gi komunidat komu un maolek na ihemplo.

6. Ginasgas Kuentos: I sitbienten Yuus debi di todu i tiempo mañguentos nui minagahet. Mandakon siha ti para ufan halom gi Rainon Yuus. (Ephesians 4:25; Revelation 21:8) I man Christiano siha timausa i baba na lengguahi. Timan ekunñgok lokkue’ pat masañgan aplacha’ na ossitan pat aplacha’ na estoria siha. Sa’ pot i gasgas i kuentosñiha, manacho komu mandiferensiao gi che’cho’ pat gi eskuela yan gi bisinonñiha.—Ephesians 4:29, 31; 5:3.

I sitbienten Yuus debi di ufan gasgas gi todu okasion siha

Copyright © 2006 Watch Tower Bible and Tract Society of Pennsylvania. All rights reserved.