 |
Beliefs | Future | Medical | Topics | Katzʼibʼan pe chi qe | Publications | Languages |
| ¿Achike nrajo’ ri Tata’ixel nqab’än? | Tanaj 2  |
¿Achike ri Tata’ixel? |
|
 |
¿Achike ri qitzij Tata’ixel, chuqa’ achike rub’i’? (1, 2) |
|
¿Achike rub’anik ruch’akul? (3) |
|
¿Achike na’oj ri kan e tz’etel chi rij? (4) |
|
La ütz yeqakusaj tyoxi’ chuqa’ wachib’äl richin nqaya’ ruq’ij? (5) |
|
¿Achike ri ka’i’ rub’eyal nqetamaj ruwäch ri Tata’ixel? (6) |
1. Ri winäq xa b’a achike nkiya’ ruq’ij. Ja k’a ri Loq’oläj Wuj nub’ij chi xa xe jun QITZIJ Tata’ixel k’o. Rija’ xb’anon ronojel ri e k’o chi kaj chuqa’ chi Ruwach’ulew. Ruma rija’ xya’on ri qak’aslem ruk’amon xa xe rija’ nqaya’ ruq’ij (1 Corintios 8:5, 6; Apocalipsis 4:11).
2. Ri Tata’ixel k’ïy rub’i’ nb’ix, rija’ xa xe k’a jun rub’i’ k’o: JEHOVÁ. Chupam k’ïy Loq’oläj taq Wuj elesan kan ri rub’i’, pa ruk’exel ri’ ya’on kan Tata’ixel o Dios. Ja k’a toq xtz’ib’äx ri Loq’oläj Wuj, ri b’i’aj Jehová nilitäj wi wuqu’ mil b’ey chupam (Éxodo 3:15; Salmo 83:18). 3. Ri Jehová k’o ruch’akul, xa xe man achi’el ta ri qach’akul röj. «Ri Dios kan espíritu wi», nub’ij ri Loq’oläj Wuj (Juan 4:24). Ri xamanil jun rub’eyal k’aslem nimaläj ruchuq’a’ chi qawäch röj. Majun winäq tz’eteyon ri Tata’ixel. Stape’ chi kaj k’o ri Jehová, ntikïr nutz’ët pe ronojel (Salmo 11:4, 5; Juan 1:18). ¿Achike k’a ri loq’oläj xamanil? Man winäq ta achi’el ri Tata’ixel, xa ja ri ruchuq’a’ ri Tata’ixel (Isaías 32:15; Salmo 104:30). 4. Ri Loq’oläj Wuj nuq’alajrisaj achike runa’oj ri Jehová. Nub’ij chi ri kan e tz’etel chi rij rija’ ja ri ajowab’äl, chojmilal, etamab’äl o na’oj, chuqa’ ri uchuq’a’ (Deuteronomio 32:4; Job 12:13; Isaías 40:26; 1 Juan 4:8). Chuqa’ nub’ij chi rija’ npoqonan o njoyowan wäch, ütz kik’in konojel, nkuyun mak, sipanel, chuqa’ koch’onel. Achi’el oj nimanel taq ak’wala’, nk’atzin k’a nqak’äm qana’oj chi rij (Efesios 5:1,2).
5. ¿La ütz yojxuke’ chuqa’ yojch’on chi kiwäch tyoxi’ o wachib’äl? Manäq. (Éxodo 20:4, 5.) Ri Jehová nub’ij chi xa xe rija’ tqaya’ ruq’ij. Rija’ majun achoj chi re ta nuya’ ruq’ij ruk’ojlem. Ri tyoxi’ majun kuchuq’a’ ta richin yojkito’ (Salmo 115:4-8; Isaías 42:8). 6. ¿Achike rub’eyal nqetamaj jeb’ël ruwäch ri Tata’ixel? Jun rub’eyal ja ri yeqatz’etela’ ri e rub’analon, chuqa’ nqach’ob’ o nqanuk achike nkib’ij chi rij rija’. Ri rusamaj ri Tata’ixel nkik’üt chi rija’ nimaläj ruchuq’a’, chuqa’ retamab’al. Chupam ronojel ri e rub’analon nqatz’ët ri rajowab’äl (Salmo 19:1-6; Romanos 1:20). Jun chik rub’eyal nqetamaj ruwäch ri Tata’ixel ja ri nqatijoj qi’ pa ruwi’ ri Loq’oläj Wuj. Chupam re wuj re’ rija’ nub’ij achike chi winäq rija’. Chuqa’ nutzijoj chi qe achike runojin nub’än, chuqa’ achike nrajo’ nqab’än (Amós 3:7; 2 Timoteo 3:16, 17). |
|
Xb’an pa 2008 |
 |
Copyright © 2011 Watch Tower Bible and Tract Society of Pennsylvania. All rights reserved. |
|
