¿La oj ch’ajch’oj chuwäch ri Tata’ixel?

1. Ri Tata’ixel Jehová ch’ajch’oj chuqa’ loq’oläj. Rija’ nrajo’ chi ri winäq yeya’on ruq’ij jantape’ e ch’ajch’oj pa Ruch’ab’äl ri Ajaw, rik’in ri kib’anob’al, kinojib’al, chuqa’ kij (1 Pedro 1:16). Jantape’ tqachajij qi’ richin man tqatz’ilb’isaj qi’ chuwäch ri Tata’ixel. Oj k’o chuwäch jun ruwach’ulew akuchi ruyon tz’il taq b’anob’äl najin. Chuqa’ nrajo’ nqapab’a’ qi’ chuwäch ri qana’oj ruma xa oj ajmaki’, xa xe itzelal nqajo’ nqab’än. Mani k’a nqaya’ qa qi’.

2. Ch’ajch’oj pa Ruch’ab’äl ri Ajaw. We nqajo’ nqaya’ ruq’ij ri Jehová, qaya’ kan ronojel ri nuküt ri man qitzij ta nimab’äl k’u’x chuqa’ ri rub’anob’al. K’o chi yojb’e’el pe chupam ri man qitzij ta nimab’äl k’u’x, chuqa’ majun to’onïk tqaya’ chi re (2 Corintios 6:14-18; Apocalipsis 18:4). Kan xa xe toq xqetamaj ri qitzij chi rij ri Tata’ixel, tqachajij k’a qi’ richin man kojkiq’ol ri man ja’ ta nkik’üt (2 Juan 10,11).

3. Ch’ajch’oj b’anob’äl. Ri Jehová nrajo’ chi ri yeya’on ruq’ij ütz kib’anob’al nkib’än xa b’a akuchi (o ape’ na) (1 Pedro 2:12). Rija’ nutz’ët ronojel ri yeqab’än, chuqa’ ri yeq’ab’än pa ewatäl (Hebreos 4:13). Man ütz ta yeqab’än ri tz’il taq b’anob’äl, chuqa’ ch’aqa chik b’anob’äl ri yeb’anatäj chi ruwach’ulew (1 Corintios 6: 9-11).

4. Ch’ajch’oj nojib’äl. Toq nqanojisaj ri qajolom chi ke utziläj chuqa’ ch’ajch’oj taq nojib’äl, ri qab’anob’al ch’ajch’oj xtqab’än chi re (Filipenses 4:8). Ja k’a toq xa ruyon itzel taq b’anob’äl e k’o pa qajolom, xa xtub’än k’a chi qe chi xkojb’emakun pe (Mateo 15:18-20). Mani yojk’astan chi kij ri b’anob’äl nkitz’ilb’isaj qajolom. Toq nqatijoj qi’ pa ruwi’ ri Loq’oläj Wuj nqanojisaj ri qajolom chi ke utziläj taq nojib’äl.

5. Ch’ajch’oj qij. Ruma oj rusamajela’ ri Tata’ixel, k’atzinel jantape’ ch’ajch’oj qatzyaq chuqa’ qach’akul. Keqach’aja’ ri qaq’a’ toq yojb’e’el pe pa chulub’äl, chuqa’ toq yojwa’ qa o toq nqach’äp (o nqatz’äm) xa b’a achike ri ntij. Toq ri qochoch manäq rub’ey tz’il taq ya’ chupam, tqamuqu’ ri rutz’ilol qapam (Deuteronomio 23:12, 13). Ri ch’ajch’oj nqab’än chi re ronojel yojruto’ richin ütz qawäch. Ri kochoch rusamajela’ ri Tata’ixel jantape’ ch’ajch’oj tkib’ana’ chi re ri rupam, chuqa’ ri ruwa jay, ronojel ütz ütz kenuk’e’. Ri winäq pa kitinamit k’o ta chi ütz yech’on chi kij.

6. Ch’ajch’oj taq tzij. Ri rusamajela’ ri Tata’xel majub’ey tkinojij tzij. Ri yetz’ukun tzij man xke’ok ta pa Rajawaren ri Tata’ixel (Efesios 4:25; Apocalipsis 21:8). Ri runimanela’ ri Jesús man yech’on ta itzel taq tzij. Man nkiya’ ta kixikïn chuqa’ man yekitzijoj ta itzel taq tzijonem, chuqa’ itzel taq q’oloj. Rije’ ruma man yech’on ta itzel taq tzij, kan e jun wi chi kiwäch ri ch’aqa chik winäq pa taq kisamaj, pa tijob’äl chuqa’ pa kitinamit (Efesios 4:29, 31; 5:3).

Ri rusamajela’ ri Tata’ixel k’o chi e ch’ajch’oj rik’in ronojel

Copyright © 2011 Watch Tower Bible and Tract Society of Pennsylvania. All rights reserved.