 |
Beliefs | Future | Medical | Topics | Contact Us | Publications | Languages |
| Nje Loba a Mabaise̲no̲ Biso̲ e? | Jokwa 2  |
Nja Ńe Loba e? |
|
 |
Nja ńe Loba la mbale̲ e, dina lao na nja e? (1, 2) |
|
Njika ńai a ńolo a be̲nno̲ e? (3) |
|
Bede̲mo bao bende̲ne̲ be nde njika mo̲ e? (4) |
|
Jena di we̲le̲ bolane̲ bedinge̲dinge̲ to byemban o jowe̲ mo̲ e? (5) |
|
Tongwea na njika mbadi iba jeno̲ ná di we̲le̲ jokwa o bia Loba e? (6) |
1. Bato ba mowe̲ bema jita. Nde Bibe̲l e malangwea biso̲ ná Loba la MBALE le nde mpo̲m mō̲. A weki mambō̲ me̲se̲ mena me o mo̲ń na o wase. Ońola ná a boli biso̲ longe̲, e nde nu Mō̲ me̲ne̲ jangame̲nno̲ o jowe̲.—1 Korinto 8:5, 6; Bebīsedi 4:11.
2. Loba a be̲n mbad’a bebeledi jita nde a be̲n nde dina diwo̲ na mune. Di dina le nde ná YEHOVA. O jita la Bibe̲l, dina la Loba di sumwabe̲ na tukwabe̲ na bebeledi ná SANGO to̲ LOBA. Nde o tilabe̲ la Bibe̲l, dina la Yehova di ta di so̲be̲ oten lambo ka 7 000 la ngedi!—Bebusedi 3:15; Myenge 83:18. 3. Yehova a be̲n ńolo, nde e titi ka ńasu. Bibe̲l e makwala ná “Loba e nde Mudī”. (Yohane 4:24) Mudī mwe nde ebe̲yed’a longe̲ yena yasame̲ jita buka yasu. To̲ moto a se̲n Loba tom. Yehova a maja nde o mo̲ń, nde a me̲ne̲ mambo me̲se̲. (Myenge 11:4, 5; Yohane 1:18). Mudī musangi mo̲ mwe so̲ nde nje e? Mu titi moto ka Loba. Nde mwe nde ngiń’ebolo ńa Loba.—Myenge 104:30. 4. Bibe̲l e malee̲ biso̲ bede̲mo ba Yehova. E malee̲ ná bede̲mo bao bende̲ne̲ be nde ndolo, te̲me̲ la sim, dibie̲ na ngińa. (Ndimbisedi 32:4; Hiob 12:13; Yesaya 40:26; 1 Yohane 4:8) Bibe̲l e mabīse̲ biso̲ ná e pe̲ ndedi, muyao, be̲be̲ o lakise̲, a sangi mulema a be̲ pe̲ we̲lisane̲. Jangame̲ne̲ keka o jembilane̲ mo̲̲ ka bana ba masengane̲.—Efeso 5:1, 2.
5. Mo̲, jangame̲ne̲ nungame̲ o wase to̲ kane̲ oboso ba njimbidi, bedinge̲dinge̲ to̲ byemban o jowe̲ lasu e? Ke̲m! (Bebusedi 20:4, 5) Yehova mo̲ ná jowe̲ nde mo̲me̲ne̲ mō̲. A si mabola nupe̲pe̲ to̲ lambo dipe̲pe̲ edub’ao. Njimbidi i si be̲n ngińa to̲ po̲ o jongwane̲ biso̲.—Myenge 115:4-8; Yesaya 42:8. 6. Ne̲ni jeno̲ ná di benga bata bia Loba e? Mbadi po̲ ńe nde tongwea na jombwa mambo a wekino̲ na dutea na iwiye̲ o nje ma malee̲le̲no̲ biso̲. Bewekedi ba Loba be malee̲ biso̲ ná a be̲n ngińa ninde̲ne̲ na dibie̲. Di me̲ne̲ ndol’ao o nje ye̲se̲ a wekino̲. (Myenge 19:1-6; Roma 1:20) Mbadi nipe̲pe̲ jeno̲ ná jokwa o bia Loba ńe nde tongwea na jokwa la Bibe̲l. O ten, a malangwea biso̲ jita pe̲te̲ jombwea ńai a Loba eno̲. A malangwea pe̲ biso̲ nje a mapulano̲ bola na nje a mapulano̲ ná di bole.—Amos 3:7; 2 Timoteo 3:16, 17. |
|
E busisabe̲ o mbu ma 1996 |
 |
Copyright © 2006 Watch Tower Bible and Tract Society of Pennsylvania. All rights reserved. |
|
