THÖK
ATHËËKNHIALIC
LUTH A CI THIÖK!

Yeŋö Yen Athëëknhialic Lueth? Ye pou riak karac ye loi rin athëëknhialic? Ye tɔŋ tɔŋ ku rieec ku nääk, ku rɛc cɛɛŋ ye loi kɔc thëëk nhialic yïn rac puou? Ɛ rinŋö ye athëëknhialic cit ke yen cök ka juec mamkɔc eben?

Agääk, aci tɔ kek athëëknhialic eben, ke yeen athëëknhialic lueth rot, athëëknhialic lueth nhomde yen a gäk ke kiith rɛc mam kɔc. A dheŋdit ŋic apɛi cit kɔc nhialic thëëk aye Yesu Kritho, nyoth lɔn athëëknhialic lueth abi karac cɔl aye looi, ke cit mäne “tim rac . . . [lok] mith rac.” (Mathayo 7:15-17) Ye mith timŋö ye athëëknhialic lueth bëë?

Athëëknhialic Lueth . . .

KE LIÄP TƆƆŊIC KU WËL LOŊ GUIR MÄÄC: Awërek athorthin cɔl Asiaweek e jam “Te tem pan Asia kɔu ke ɣet tueŋ ku cieen,” “adit piöu Baanyic wëtwët nhom a ye kɔc wëëŋ athëëknhialic, ku bik kak kan wiic ki loi bik tiam.” Ke athor kene e kɔc lëk kabi rotloi: “Pinynhom e teŋ diir muolnyin.” Banydit athëëknhialic. Pan America ayeki caal: “Wek adhil ariec ku anak kɔc nök bik kɔɔc neknek.” Thökde? “Nëkki keek eben rin de Nhialic.” Thööŋki wët ken kek ka ci gɔt athor de Nhialicic: “Te lueele raan en, an, Yɛn nhiaar Nhialic, ku mɛɛn mɛnhkene, ka ye alueeth.” (1 Jɔn 4:20) Yesu aya aci luel: “Yak kɔc dɛ wek ater nhiaar.” (Mathayo 5:44) Ya thëëknhialic kade ŋickeek ye kacken la tɔŋic?

PIÖC WEL CE YIITH: Athëëknhialic juec ayeki piöc lɔnde yen atim wei ce tiŋ tɔ raan guop, ku e jäl te thou raan ku pir athɛɛr, ke cit ran awen ci thou. Piöc këne aci athëëknhialic juec kacken wëŋ nyiin, ku bi kek wëu löm bik rök tën raan awën ci thou. Keyen, athor de nhialic Ke wët dët piööc. “Ran lui adumuom. Yeenhom abi thou.” (Ezekiel 18:4) Raan piir a ŋic piande lɔn ben thou, ku raan ci thou acin ken bën ŋic alanden.” (Eklethia 9:5) Yesu aci piööc lɔn kɔc ci thou a bi rotjɔt rɛɛŋiic, jönrot aci leu be rot looi ken atim wei ce tiŋ de raan ci thou. (Jon 11:11-25) Ye athëëknhialicdun piööc lɔn ci atim wei ye thou?

PELTHIN RIÄŊ CƐƐŊDIK TIET ROT CƐƐŊ RAC: Ten bäi juec, kɔc athëëknhialic kök a ye röör töc ke roor ku diär a töc ke diär kua aye gam akutden wëët wët Nhialic. Ku aye Bäny löŋ mac baai lek bi kɔc cit kake pöl bik rot athiak. Aya, athëëknhialic man riak cɛɛŋ kene a ye kɔc e mith yak pöl kamken aya. Ye ŋö Nhialic piöc ten riak ceŋ tiet rot töcic? Ke luel gäi: “Duoki rot e tɔ mɛthe: dhoom, ayi kɔc e yieth lam, ayi kɔc e dieer lei kɔɔr, ayi dieer e roor kɔɔr, ayi roor e rot tɔ ye diaar, ayi roor e nin e roor . . .aciki ciɛɛŋ de Nhialic bi lɔɔk lak.” (1 Korinthoi 6:9, 10) Ŋic athëëknhialic ce jäi a riäk cɛɛŋ?

Athëëknhialic cit tim mith rac bëëi, ye ŋo tɔ tueŋ tene yeen? Yesu aci dɔk: “Tim ebɛn tim cie luɔk e mith piɛth, ke yepe piny, ku cuɛte mɛɛc.” (Mathayo 7:19) Etede, athëëknhialiac lueth a bi kiɛpic piny ku riök! Ye de ku ke nɛn bi kene rɔt loi? Ke athornhialic Nyuuth tueŋ ci got ye ŋo bi rot loi Nyuuth cök 17 ku 18 e dhuŋnhom gaam.

Bi Athëëknhialic Lueth Thök Kede?

Thöŋ yi nhom. Acathnyin aci nyuc Ländit rioc kɔu. Ländit laŋ Niimkadhrou ku tuŋ thiäär. (Nyuuth 17:1-4) Yeŋo ye thoŋ Acathnyin? Yeen ke “ceŋ maliik ke piny nɔm” bik wetde gamluɔï. Yeen ka alanh aliikmalual ruok, e tolŋir tool, ku a jiɛkapɛi. Wëtdët be matthin, tenden rueny jongrac, ‘aa ye juor math ebɛn.’ (Nyuuth 17:18; 18:12, 13, 23) Athor de Nhialic ke ook kony nyuoth buktïŋ lɔn, Tiŋacathnyin, kee athëëknhialic lueth pinynhom eben. Yeen e nyuɔth lɔn cene athëëknhialic tök, ke athëëknhialic eben ye mithtim ci dhiath bëë.

Ländit ci Tiŋacathnyin nyuc yekɔu cɛth yen ke thöŋ bany riel mac pinynhom eben.* (Nyuuth 17:10-13) Athëëknhialic lueth a cath län riɛl mäcmäc kɔu, awic bi tɛktɛkde yen loi ku coknhom tewicic.

Aye te thin thiokic ku ken gai kɔc abi rot loi. “Ku tuŋ kathieer wen ci tïŋ ku lɛn rac roor, keek abi tiŋacathnyin maan ku rɛcki ku nyiɛi alath yekɔu, ku abik riiŋde cuet, ku nyopki e mac.” (Nyuuth 17:16) Ke cit atemthin ka jɛth piou a loi rot, riɛl bääny pinynhom, abi rot wël athëëknhialic lueth bi kɛc yeguop ku riëk yuat! Yeŋö bi luɔi ken cɔl a loi rot? Athor Nhialic Nyuuth aye luel: “E luɔi ci Nhialic loŋ taau e kepiɔth, bik kede piɔnde looi.” (Nyooth 17:17; wët kene acuk ɣooŋ.) Ke yic, Nhialic abi kaak rac eben yeke loi riɛnke täu athëëknhialic lueth nhom: Abi yup loŋlajik. Mathkene wär banydit ŋic abik atueldɛn yupyup thou yeen.

Yeŋo ba loi ba ca tɔu thin riäŋ athëëknhialic lueth? “Baki bei thin, wek kɔcki,” luɛl atuuc Nhialic. (Nyuuth 18:4) Ee tëde, minthine yen ke kuenakolic dhil yin kat benbei athëëknhialic lueth! Ku ye tenen riŋ yin thin? Dit kat bä lɔ tëne akut ci nhialic wic, rin aköl tueŋden cin ŋathpiou. (2 Thethalonikei 1:6-9) Tëne pïïr rot atɔu athëëknhialic yiith. Baŋickede yen athëëknhialic yiith?

Abä athëëknhialic yiith ŋickëde?

Ye mithtim piath ŋo ebën tene athëëknhialic yiith?—Mathayo 7:17.

Athëëknhialic Yiith. . .

EŊIC NHIER RÖT: Kɔc athëëknhialic yiith “aciki e ka ke piny nɔm,” acin tëktëk yic tene kuat wa cɛɛŋ, aye ‘nhier nyuɔɔth kamken.’ (Jɔn 13:35; 17:16; Luɔi de Tuuc 10:34, 35) Nede bïkek rot nök kamken, aleuki bik rot gäm thou rin ŋɛk.—1 Jɔn 3:16.

AŊOTH WËL NHIALIC: Ace piööc “ne loŋduon thɛɛr” wa looŋ raan kek “e looŋ ke kɔc tei,” wël wëët e athëëknhialic yiith piööc a tɔu cök wät Nhialicic. (Mathayo 15:6-9) Yeŋo? Rin “Kecigɔɔr ebɛn ee ke ci Nhialic tɔ bɔ ne Weike, ku ade naamde ne kede weet, ku jany, ku kiit ee kaŋ kiɛt piny, ku piooc ne piathepiɔu.”—2 Timotheo 3:16.

KE CƐƐŊ BAAI RIƐL KU MUKNHIAL CEŊ PƆƆTH TIETROT: Athëëknhialic yiith ke roor wëët bik ‘diarken nhiar ke cit guɔpdken,’ ke diar kuɔny bik ‘athɛɛk roorken ŋïec loi,’ ku piööcki mith bik wëët apiŋ tene kɔc dhiethkeek. (Epethiei 5:28, 33; 6:1) Dët mɛtthin, kɔc ci yiek tene riɛl, adhil ceŋpuɔth tietrot nyuɔth ceŋ denic.— 1 Timotheo 3:1-10.

De athëëknhialic e kakä nyuɔth ceɛŋde? Athör cɔl Holocaust Politics ci bëë bei run 2001, ke luel: “Nade kɔc juec ye lui dhöl Cuut Yakoba piööc ku yeki loi, kaak rɛc apɛi acik leu bik rot loi, ku nak manrot ka ci kɔc ben reem pinynhom.”

E yicnom, tene 235 baai Cuut Yakoba ace piööc ceŋde Athor Nhialic rot, aye pïr keek, aye ceŋden cök piny keek. Yëën a yeku lëk ba Cuut Yakoba wic ku bik yiën kony ba ŋic ye ŋö wic Nhialic tene yïën, ku bä ya döör dhöl bi nhiar. Ye mene yen e teŋakolic de jɛtrɔtthin. Dit rot gɔu. Thökde athëëknhialic lueth aci thiök!—Zephaniah 2:2, 3.

*  Tene e tëtic e wëlka eben, tiŋ athor cɔl Revelation—Its Grand Climax At Hand! ci Cuut Yakoba bëbë.