Mb’o ku’ni nelèn ju ze Nsi tshwèt mbett’o yi là

1. Bibel b’a ta’ ju tanjoṅ ze Nsi fà be lá. A ke ntswe à mba ta’ ṅwa’ni tà mbwônke’ z’à ghù nkôni ki bon tse là. A num ntshob nunenùn mfà num Nsi—mèn z’à be yi là, mba tshaṅ i. A num mbagte, mb’a bwô neghù kà ntum ntùm ntôtni mbèn mfon tsiaṅte ze nenùn nà. A nda’ Bibel tù’ i ke ntswite ju z’à tshwèt mbette neghù kà Nsi ntsiaṅte là.—Yobkwi 1:1-3; Esaya 48:17, 18.

2. Bentùn ṅamnkwà na’ nkite Bibel (ṅwa’ni Nsi). Nekite lo lo’ ngu’ nthsa’ mbùm nkù ntôge. Neto’te ngu’ ntsha’ mbùm nkù tàn ntshob tat gham mbwe zebe ngelaṅ, miagte num ngu’ njù ntshob bwe’e ṅambwe’e num zebe mgelaṅ. A ghù bon tsit mbu’mi 66. Ywet Nsi bèn na’ ntshagte benntùn tse bo kite là. Bo na’ nkit’a nkwate mi, ke b’à mube. Num ndùlala Nsi z’à be mfe kamànyam nà bèn mbe ngakite Bibel, ke b’a mènnyaṅtu.—2 Timôtio 3:16, 17; 2 Pétro 1:20, 21.

3. Nsi lo ghù ndù bo kite Bibel, mbèn ndé i ndaṅdaṅ mba a kô là. Bo sa Bibel njù a yàm ntshùa njoṅ ṅwa’ni fa. A ke b’a njoṅ bènntùn fa bèn nsi tsiaṅte ngelaṅ o tswhèt nzi’te Bibel là. Là kà bam mbe yen nà ghù o tsin yu zi’te. O ku’ni netswe matmat num nsitsha’ tshùàte à num yu nelén Nsi, mba nezin num ze nekôo.—Matio 5:10-12; Yohané 17:3.

Copyright © 2006 Watch Tower Bible and Tract Society of Pennsylvania. All rights reserved.