 |
Beliefs | Future | Medical | Topics | Contact Us | Publications | Languages |
| Etẹwẹ Jiwheyẹwhe Biọ to Mí Si? | Nupinplọn 2  |
Mẹnu Wẹ Jiwheyẹwhe? |
|
 |
Mẹnu wẹ Jiwheyẹwhe nugbo lọ, podọ etẹwẹ yinkọ etọn? (1, 2) |
|
Agbasa alọpa tẹwẹ e tindo? (3) |
|
Etẹwẹ yin jẹhẹnu titengbe etọn lẹ? (4) |
|
Be mí dona yí boṣiọ lẹ po yẹhiadonu lẹ po zan to sinsẹ̀n-bibasi mítọn hlan ẹn mẹ ya? (5) |
|
To aliho awe tẹlẹ mẹ wẹ mí sọgan plọnnu dogbọn Jiwheyẹwhe dali? (6) |
1. Gbẹtọ lẹ nọ basi sinsẹ̀n hlan onú susu lẹ. Ṣigba Biblu dọna mí dọ Jiwheyẹwhe NUGBO dopo akàn wẹ tin. E dá onú lẹpo to olọn mẹ po aigba ji po. Na e na mí ogbẹ̀ wutu, ewọ wẹ Omẹ dopo kẹdẹ lọ he mí dona basi sinsẹ̀n hlan.—1 Kọlintinu lẹ 8:5, 6; Osọhia 4:11.
2. Jiwheyẹwhe tindo tẹnmẹ-yinkọ susu ṣigba tindo yinkọ dopo kẹdẹ. Yinkọ enẹ wẹ JEHOVAH. To suhugan Biblu lẹ tọn mẹ, yinkọ Jiwheyẹwhe tọn ko yin didesẹ bo ko yin didiọ po tẹnmẹ-yinkọ OKLUNỌ kavi JIWHEYẸWHE lẹ po. Ṣigba to ojlẹ he mẹ Biblu yin kinkan, yinkọ lọ Jehovah sọawuhia to e mẹ whla 7 000 delẹ!—Eksọdusi 3:15; Psalm 83:18. 3. Jehovah tindo agbasa de, ṣigba e ma taidi mítọn nkọtọn gba. “Gbigbọ wẹ Jiwheyẹwhe,” wẹ Biblu dọ. (Johanu 4:24) Gbigbọ de yin wunmẹ ogbẹ̀ tọn he yiaga taun hugan mítọn. Gbẹtọvi depope ma ko mọ Jiwheyẹwhe pọ́n. Jehovah nọ nọ olọn mẹ, ṣigba e sọgan mọ onú lẹpo. (Psalm 11:4, 5; Johanu 1:18) Nalete, etẹwẹ gbigbọ wiwe yin? E ma yin gbẹtọ taidi Jiwheyẹwhe gba. Kakatimọ, huhlọn yidowazọn Jiwheyẹwhe tọn wẹ e yin.—Psalm 104:30. 4. Biblu do gbẹtọ-yinyin Jehovah tọn hia mí. E dohia dọ jẹhẹnu titengbe etọn lẹ wẹ owanyi, whẹdida dodo, nuyọnẹn, po huhlọn po. (Deutelonomi 32:4; Job 12:13; Isaia 40:26; 1 Johanu 4:8) Biblu dọna mí dọ e sọ yin lẹblanunọ, awuvẹmẹtọ, nọ jonamẹ, johẹmẹtọ, po awuwhletọ po. Míwlẹ, taidi ovi tonusetọ lẹ, dona tẹnpọn nado hodo apajlẹ etọn.—Efesunu lẹ 5:1, 2.
5. Be mí dona litaina kavi hodẹ̀ hlan boṣiọ lẹ, yẹdide lẹ, kavi yẹhiadonu lẹ to sinsẹ̀n-bibasi mítọn mẹ ya? Lala! (Eksọdusi 20:4,5) Jehovah dọ dọ mí dona basi sinsẹ̀n hlan emi dopo akàn. E ma na má gigo etọn hẹ mẹdepope kavi hẹ onú devo depope gba. Boṣiọ lẹ ma tindo huhlọn depope nado gọalọna mí gba.—Psalm 115:4-8; Isaia 42:8. 6. Nawẹ mí sọgan wá yọ́n Jiwheyẹwhe ganji gbọn? Aliho dopo wẹ gbọn didoayi nuhe e dá lẹ go bosọ lẹnnupọn sisosiso dogbọn nuhe yé dọ na mí dali. Nudida Jiwheyẹwhe tọn lẹ dohia mí dọ e tindo huhlọn po nuyọnẹn daho po. Mí mọ owanyi etọn to nuhe e ko basi lẹpo mẹ. (Psalm 19:1-6; Lomunu lẹ 1:20) Aliho devo he mẹ mí sọgan plọnnu dogbọn Jiwheyẹwhe dali te wẹ gbọn Biblu pinplọn dali. To e mẹ e dọ onú susu na mí dogbọn Jiwheyẹwhe alọpa he ewọ yin dali. E sọ dọna mí dogbọn lẹndai etọn po nuhe e jlo dọ mí ni wà po dali.—Amọsi 3:7; 2 Timoti 3:16, 17. |
|
Yin zinzinjẹgbonu to 1996 |
 |
Copyright © 2006 Watch Tower Bible and Tract Society of Pennsylvania. All rights reserved. |
|
