 |
Beliefs | Future | Medical | Topics | Contact Us | Publications | Languages |
| Etẹwẹ Jiwheyẹwhe Biọ to Mí Si? | Nupinplọn 5  |
Etẹwẹ Yin Lẹndai Jiwheyẹwhe Tọn na Aigba? |
|
 |
Naegbọn Jehovah do dá aigba? (1, 2) |
|
Naegbọn aigba ma do yin paladisi de todin? (3) |
|
Etẹwẹ na jọ do omẹ ylankan lẹ go? (4) |
|
To sọgodo, etẹwẹ Jesu na wà na awutunọ lẹ? mẹhomẹ lẹ? oṣiọ lẹ? (5, 6) |
|
Nado tindo mahẹ to dona sọgodo tọn lẹ mẹ, etẹwẹ hiẹ dona wà? (7) |
1. Jehovah dá aigba ehe na gbẹtọvi lẹ nido duvivi ninọ e ji kakadoi tọn. E jlo dọ aigba ni gọna gbẹtọ dodonọ lẹ, yèdọ ayajẹnọ lẹ. (Psalm 115:16; Isaia 45:18) Aigba lọ ma na yin vivasudo pọ́n gbede gba; e na tin kakadoi.—Psalm 104:5; Yẹwhehodọtọ 1:4. 2. Whẹpo Jiwheyẹwhe do basi gbẹtọ, E dè ada aigba lọ tọn kleun de bo yí do basi paladisi whanpẹnọ de. E ylọ ẹ dọ jipa Edẹni tọn. Finẹ wẹ e ze sunnu po yọnnu tintan lọ, yèdọ Adam po Evi po do. Jiwheyẹwhe lẹndai dọ yé ni tindo ovi lẹ bo gọ aigba lọ pete ji. Vude vude yé na ko hẹn aigba lọ pete zun paladisi de.—Gẹnẹsisi 1:28; 2:8, 15.
3. Adam po Evi po waylando gbọn osẹ́n Jiwheyẹwhe tọn gbigbà sọn ojlo mẹ wá dali. Enẹwutu Jehovah de yé jẹgbonu sọn jipa Edẹni tọn mẹ. Paladisi lọ yin hinhẹnbu. (Gẹnẹsisi 3:1-6, 23) Ṣigba Jehovah ma ko wọnji lẹndai etọn na aigba lọ go gba. E dopagbe nado hẹn ẹn zun paladisi de, fie gbẹtọvi lẹ na nọ kakadoi. Nawẹ e na basi ehe gbọn?—Psalm 37:29. 4. Whẹpo aigba ehe nado sọgan lẹzun paladisi de, gbẹtọ ylankan lẹ dona yin didesẹ. (Psalm 37:38) Ehe na jọ to Amagẹdọni, he yin awhàn Jiwheyẹwhe tọn he na hẹn oylan wá vivọnu. Enẹgodo, Satani na yin zize do ganmẹ na owhe 1 000. Ehe dohia dọ omẹ ylankan de ma na yin jijodo nado hẹn aigba lọ gble gba. Omẹ Jiwheyẹwhe tọn lẹ kẹdẹ wẹ na lùntọ́n.—Osọhia 16:14, 16; 20:1-3. 5. Enẹgodo Jesu Klisti na dugán taidi Ahọlu do aigba ehe ji na owhe 1 000. (Osọhia 20:6) Vude vude e na dè ylando sẹ sọn ayiha po agbasa mítọn lẹ po mẹ. Mí na lẹzun gbẹtọ pipé lẹ kẹdẹ dile Adam po Evi po te whẹpo yé do waylando. Whelọnu lo azọ̀njijẹ, yọnhopipo, po okú po ma nasọ tin ba. Awutunọ lẹ na yin azọ̀nhẹngbọna, podọ mẹhomẹ lẹ na lẹzun jọja whladopo dogọ.—Job 33:25; Isaia 33:24; Osọhia 21:3, 4. 6. To Gandudu Owhe Fọtọ́n Klisti Tọn whenu, gbẹtọvi nugbonọ lẹ na wazọ́n nado lẹ́ aigba lọ pete zun paladisi de. (Luku 23:43) Humọ, livi susu mẹhe kú lẹ tọn na yin finfọnsọnku hlan ogbẹ̀ gbẹtọvi tọn mẹ do aigba ji. (Owalọ lẹ 24:15) Eyin yé basi nuhe Jiwheyẹwhe biọ to yé si, yé na to gbẹnọ zọnmii to aigba ji kakadoi. Eyin e ma yinmọ, yé na yin vivasudo kakadoi.—Johanu 5:28, 29; Osọhia 20:11-15. 7. Lẹndai dowhenu Jiwheyẹwhe tọn na aigba na gbọnmọ dali do tindo kọdetọn dagbe. Be hiẹ na jlo na tindo mahẹ to dona sọgodo tọn ehelẹ mẹ ya? Eyin mọwẹ, hiẹ dona to nuplọn dogbọn Jehovah dali zọnmii bo to tonusena nubiọtomẹsi etọn lẹ. Opli yìyì to Plitẹnhọ Ahọluduta Tọn Kunnudetọ Jehovah Tọn lẹ tọn he tin to fie hiẹ nọ nọ mẹ na gọalọna we nado wà mọ.—Isaia 11:9; Heblu lẹ 10:24, 25.
|
Yin zinzinjẹgbonu to 1996 |
 |
Copyright © 2006 Watch Tower Bible and Tract Society of Pennsylvania. All rights reserved. |
|
