1.΄Nyɛnyɛlu a -mu kä dɛsɛ Lagɔ -nyɩanyɩɛ, mu lɛ Biblë mu. Sɛɛ dɩba -wa ɔ yuë ΄n ɔ celuë ΄bɔgʋ ΄wʋ, -sɩbhä ma-a. Mɛ -cɩanyɩɛ gbëaa Lagɔ a dɔ΄wʋ, ΄ɔ -wʋwʋsaa -nyɛ ΄ɔ dlɩpäsaa ΄sɔ. -A -kä gbʋ ghlɩ, sɛ -a ΄kää ΄zʋ -a kʋ ngli ΄wlʋ ΄n -a ΄kää jɔlʋ a jɔlʋ ghlɩ, ΄mö Biblë -sʋlʋnɩnyɩɛ. Sɛɛ -a ΄kää ΄zʋ ΄n -a΄a nɛmönɛmösaa ΄kää Lagɔ dlɩ yɔwʋ nɛnɩ, Biblë a ΄yize mɛ -sʋlʋnɩnyɩɛ -sɩbhä.— Psaume 1:3; Isaïe 48:17, 18.
2. Nɩkpa a 40 a sɛ mʋa ΄cɛlɩɛ Biblë. Wa ΄cɛlɩnɛ ΄ylʋbö a 1600 ΄mö. ΄Ylʋbö a 1513 tʋʋ -mä Zezwii a ΄tɛnyɩ ΄kä ghlɛ, ΄n wa yiɛ ɛ libhoo tɛɛ. -Mä ɛ ΄mö a bɔgwɩɩ -bhli 66. Lagɔ ΄a ΄wugɔmʋʋ muu -wuëë -gömö ΄n wa yiɛ Biblë ΄cɛlɩ. Maa ɛ΄ɛ -bhö wa΄bhï a dlɩpäsaa ma. Zaa, Lagɔ ɔ -wʋä -mä zlɩ ΄mö, mɔɔ -bhɛ ΄n Biblë yiɛ ΄yli ΄wlʋ. Maa ɛ΄ɛ -bhö nɩkpa muë. Timotee 3: 16, 17; 2Piɛlɩ 1: 20, 21.
3. Biblë a ΄cɛlɩcɛlɩlibhoo ΄la, Lagɔ mɔɔ ΄zʋnuë ΄yli ΄n ΄wʋ yiɛ sasɛ zɛmö bhɩɛ. Mä΄ä dʋdʋ ΄wʋ, ΄bɔgʋ a -mu wa bia -wʋ ziɛ Biblë ΄wʋ, ΄nɩɛ -bhölɩ. -Na΄a Biblë a ΄cɩɛcɩʋ ΄na ΄kä -mumuë dlɩ yɔwʋ nɛnɩ, yɩ nɩ tɩmö a swɩɩ yɔwʋ ΄kuanɩ ΄lɩlɩlɩ. Maa wa yi mö a΄bhë -gblɩ -këë -n -kä Lagɔ yɩbhlɩnɩ, -n -kä ΄saa ɔ ΄yɩbhä nʋ, -n yi ΄kwädlɩkwädlɩnɩ -bhölɩ. Matie 5: 10-12; Zaah 17:3. |
