1. Zoova mɔɔ glɩnɩɛ -bhölɩbhölɛ a ΄bhöönɩda. Lagɔ a ΄nglɩ ΄mö -lii ΄wuë yiɛ ΄pɩwʋ yi. (Psaume 36:9) -Mä Lagɔ a ΄yila ΄klʋ a dɔ΄wʋ, -bhölɩbhölɛ dɛsɛ ɛ kää tenyii. -Sɩbhä ΄yu ΄pʋpɔ ɔ -wʋä
-mä ɔ -da a ΄mlɩɩ a -bhölɩbhölɛ kä΄mö΄ɛ Zoova a ΄yila ΄klʋ dɛsɛ. Zaa, nɩkpɛ -kä -blipäsɛ -mä nɩkplokwë -sɛ, ΄nyɩnyloli a ΄kädɩ yɩ glɩnɩɛ Lagɔ a yila ΄klʋ a dɔ΄wʋ. —Exode 21:22, 23; Psaume 127:3.
 |
| -A kä -a ΄kä Lagɔ dlɩyɔwʋ nɛnɩmanɩ nʋʋ, -a nɩ tɩ dlu a ΄mö päpʋ, nʋnʋlizoku -nyɛ ΄fʋa ΄bhlibhile ɛ ΄lɩbhää ku ΄sɔ kɛ΄ zɩ. |
2. -Pälɛpälɛ a glɩglɛ dɛsɛ ɛ kää -tiamö a Klɩtiɛwaa a dɛ. -Sɩbhä a za, ΄wa bïdii -nyɛ ΄wa tomobï ΄sɔ, ΄mö wa ylɩɛ sasɛ ΄wʋ yɩ tɩa ΄ku ΄lɩbhä a za. (Deutéronome 22: 8) Lagɔ a -nʋa -nyɛ
-bhölɩbhölɛ ΄nɩɛ nyɩasɛ ΄bhli, nzɩ wa kä ΄mäna li a za. Nza wa-a ΄bhlimöä ΄bhlibhle a kii ΄wuë yɩ kää gɔlwɩɩ gwë, ɛ nyɩ ΄mö wa dɩɛ -blipäsɛ -mumuë ΄jɩɩ yɔwʋ. ΄Bhlibhile ɛ -kä gɔlʋ gwë, wa ΄nɛɛ kɛ zɩ—Psaume 11:5; Zaah 13:35.
3. -Lii ΄wuë a ΄wälanyɔ a ΄yila ΄klʋ a dɔ΄wʋ, nɩma a -bhölɩbhölɛ kämö΄ɛ dɛsɛ tenyii. Klɩtiɛ bhɛnɩ ɔ ΄kä nɩmaa ΄lɩbhä ɔ kɩɩ li, ΄n ɔ ΄kä yɩ kwɩɩ ΄möpälabanɩ ΄wʋ ΄zʋa. ΄N nɩmɛ nɩ -kä gu ΄mö -kä, ΄n ɛ -kä΄ɛ ɛ ΄kä nɩkpɛ ΄lɩbhä nʋʋ, ɔ bhɛnɩ ɔ ΄kɛ ΄lɩbhä. (Genèse 3:21; 9:3; Exode 21:28) Maa, -a ΄kä ΄bhlibhile ΄mö nɩma ΄lɩbhä, ΄n -a ΄kɩ -dizia, mii ΄nɩɛ nɛnɩ.Proverbes 12: 10.
4. Bhʋabhʋ, zla a päpʋ, tama, gëji a ΄nɩmänɩmʋ -nyɛ jɛlɩ a päpʋ ΄sɔ ΄nɩɛ Klɩtiɛwaa ΄wʋ ngwa. Ɛ΄ɛ -bhö nyɩasɛ, maa kïbhï ta yɩ kä ΄nglɩ ΄n 'yɩɛ nɛnɩ miɛ dɛ΄ɛ: (1) -Di yɩ zia, (2) Kpökpa ΄mö yɩ nyima, (3) ΄N yɩ plaa fɩ. (Ghlɔɔmö a -nʋa 6:19; 12:1; 2Kɔlɛɛtɩ a -nʋa7: 1) Yɩ kɛ΄mö -sɛsʋ yi ΄mö ΄tɛɛ. Maa -a ΄kä Zoova dlɩ yɔwʋ nɛnɩmanɩ a za, -a kä -a ΄kɩ yi ΄tatinɩ
5. Lagɔ a ΄yila ΄klʋ a dɔ΄wʋ, dlu ΄kä ΄mö΄ɛ dɛsɛ. Lagɔ lɛ nɩɩ, -mä dlu ΄mö -mä nɩkpɛ a
-bhölɩbhölɛ -wʋä. Zaa dlu a lilie ΄nɩɛ nɛnɩ. Nɩmɛ ɛ΄ɛɛ wlu dɩɩ, ɛ΄ɛɛ sasɛ dlu ΄mö sa-aa a lilie ΄nɩɛ nɛnɩ. Nyɛmʋ nɩ -kä nɩmɛ wʋ lu, ΄n ɛ -kä ΄ku, ΄n ɛ nɩ -kä΄ɛ gbokwë ΄yli ΄kunɩ, a nɩ tɛ li. ΄Gbɩɔ ΄mö wa nɩ -kä nɩmɛ ΄lɩbhä, ΄n wa -kä΄ɛ nɩmɛ -kosu ΄mö ΄lɩbhää, -a -kä -a ΄kɛ li nʋʋ, ΄wʋ -a kää -a ΄kä päpanɩ, nzɩ -a kɛ ΄wlu -dɩ.Genèse 9:3, 4; Lévitique 17: 13, 14; Tietiewaa a wɛlɩɩ15: 28, 29.
6. -A ΄kä -anyɩ dlu ΄mö ΄pä nɛnɩ bhä -a? -A nɩ ligba, Zoova lɛ nɩɩ, -a nɩ tɩ dlu a ΄ke bhlʋ a΄bhë li ΄lɩlɩlɩ. Mɩɩ sɛɛ zɛmö nɩɩ, -a nɩ tɩ käbönɩkpɛ a dlu -anyɩ ΄mö ΄pä. ΄N -anyɩgäsɛ a -nʋ, -a nɩ -kʋʋ -mä -aa kpökpa ΄mö -sɛ ΄wë, -a nɩ tʋ΄ɛ -mä ΄sɔ ΄zʋnɩ. (Tietiewaa a wɛlɩɩ 21: 25)
-Tiamö a Klɩtiɛwaa na΄a ΄kä ΄wʋ nglu wa kʋä dlu ΄mö ΄pä. Maa, -dʋtɔlɔ ΄mö a gwäzɩ yiɛ dlu ΄mö -kä wa pää nɩkpa ΄mö, ΄mö wa ΄kä ΄wʋ nglu. Wa yɩbhä wa ΄kä -bhölɩ, maa wa΄aa yɩbhä wa ΄kä Lagɔ ΄a gböö ΄klʋkpamösɛ wa ΄kä -bhölɩ a za.—Matie 16: 25. |
