Wotrɔ asi le agbalẽ gbadza sia ŋu be wòanye Biblia-srɔ̃gbalẽ. Aleke nàzãe? Míaɖo aɖaŋu be woazãe ɖe ɖoɖo si gbɔna la nu: Nyabiabiawo le nusɔsrɔ̃ ɖesiaɖe ƒe gɔmedzedze. Àkpɔ memamã siwo me nàkpɔ ŋuɖoɖoawo le la ƒe xexlẽdzesiwo le kpɔtɔtɔ me le nyabiabia ɖesiaɖe ƒe nuwuwu. Xlẽ nyabiabiaawo to eme gbã. De ŋugble le wo ŋu. Azɔ xlẽ memamã ɖesiaɖe, eye nàxlẽ mawunyakpukpuiawo le wò Biblia me. Ne èwu nusɔsrɔ̃ ɖeka nu la, gatrɔ ɖe nyabiabiaawo ŋu ake eye nàdze agbagba àɖo ŋku alesi Biblia ɖo biabia ɖesiaɖe ŋui la dzi. Ne èsrɔ̃ agbalẽ gbadza bliboa wu nu la, gatrɔ yi megbe nàdzro nyabiabiaawo katã me. |
