Sisi Nina nú Gbɛ̀ kpó Hùn Kpó

1. Jehovah wɛ nyí Asisa gbɛ̀ tɔn. Nǔ e ɖó gbɛ̀ lɛ bi ɔ, Mawu lɔ mɛ wɛ gbɛ̀ yetɔn gosin. (Psaumes 36:9) Gbɛ̀ nyí nú wiwe ɖe ɖo Mawu gɔ́n. Vi kpɛɛvi é ɖò nɔ tɔn xomɛ é lɔ sin gbɛ̀ nyí nu xɔakuɛ ɖò Jehovah nukún mɛ. Vi e ɖo súsú wɛ ɖò nɔ tɔn xomɛ enɛ ɔ huhu nyí nǔ ma sɔgbe ɖò Mawu nukún mɛ.—Exode 21:22, 23; Psaumes 127:3

Bo na do nyɔ ɖò Mawu nukun mɛ ɔ, mí na hɔn nú hùn-yi-ɖò-lanmɛ, walɔ kwidji kwidji lɛ, kpó gbɛzeɖowumɛ he ma sɔgbe kpó

2. Klisanwun nugbo lɛ tuùn kpinkpɛn xixɔ tɔn. Yé nɔ tuùn ɖɔ̀ mɔto yetɔn lɛ kpó xwé yetɔn lɛ kpó bǐ nɔ nyí xixɔ blo na. (Deutéronome 22:8) Mawusɛntɔ lɛ nɔ lɔn bo nɔ ze gbɛ̀ yetɔn ɖo wu mɛ ɖó gbɛɖuɖu kpowun abǐ nujlomɛ mɛhwinwhan tɔn kpowun wu ǎ. Enɛwutu wɛ zɔ́n bɔ yé nɔ ɖ’ayihun gidigidi e yi jlo do gble awu nú mɛɖevo lɛ ǎ. Yé nɔ hɔn nú ayihun ɖiɖa e sigidi ɖe mɛ lɛ é.—Psaumes 11:5; Jaan 13:35.

3. Gbɛ̀ kanlin lɛ tɔn ɖesu nyí nu wiwe ɖò nukún Mɛdatɔ tɔn mɛ. Klisanwun nɔ hù kanlin lɛ dó nuɖuɖu abǐ avɔ wu abǐ bona xɔ́ eɖee sin azɔnjijɛ si. (Genèse 3:21; 9:3; Exode 21:28) Amɔ̌ é nyí nu ma sɔgbe bɔ yè na do ya nú kanlin lɛ abǐ hù yé mɔ kpowun do ɖ’ayihun abǐ do ba xomɛhunhun.—Proverbes 12:10.

4. Azɔ̀ nunu, kún betel tɔn ɖuɖu kpó amasin e ɖo adi lɛ é zinzan nú gbɛɖuɖu ɔ kpó nyí Klisanwun lɛ tɔn ǎ. Nuwiwa mɔkɔtɔn lɛ nyí ma sɔgbe ɖó (1) mí nɔ huzu kannumɔ yetɔn, (2) yé nɔ hɛn agbaza mítɔn lɛ gble, (3) yé kwidji. (Hlɔmanu lɛ 6:19; 12:1; 2 Kolɛntinu lɛ 7:1) E nɔ vɛwu bɔ ye na jó walɔ mɔkɔtɔn lɛ dó. Amɔ̌ mí ɖo na wàmɔ bo na nyɔ ɖò nukún Jehovah tɔn mɛ.

5. Hùn nyí nǔ wíwé ɖò nukun Mawu tɔn mɛ. Mawu ɖɔ́ ɖɔ̀ lindɔn abǐ gbɛ̀ ɔ wɛ ɖò hùn mɛ. Enɛwutu ɔ é nyí nu ma sɔgbe bɔ ye na nɔ ɖu hùn. Mɔɖokpo ɔ é nyí nu ma sɔgbe bɔ ye na ɖu lan kanlin tɔn e ma nyí gbègbòna ganji ǎ é. Enyí kanlin ɖe nyí kɔ slo na hù abǐ kú ɖo mɔ̀ mɛ ɔ, é ɖo na nyí ɖuɖu ǎ. Enyí è dà tú abǐ agá do kanlin ɖe ɔ, e ɖo na nyí gbègbòna trolo enyí mí jlo na ɖu.—Genèse 9:3, 4; Lévitique 17:13, 14; Mɛsɛ́dó 15:28, 29.

6. É nyí nu ma sɔgbe bo na yí hùn ɖo lanmɛ à? Flin, Jehovah byɔ dɔ mí ni nɔ zɔ nǔ hùn. Enɛ ɔ xlɛ ɖɔ̀ mí kun ɖo na yí hùn ɖo alɔkpa ɖebu mɛ ɖo lan mítɔn mɛ ó, e na bo nyí hùn mɛɖevo tɔn abǐ hùn mí ɖesu tɔn e è ko ɖè sin lan mítɔn mɛ ɖ’ayi é. (Mɛsɛ́dó 21:25) Klisanwun nugbo lɛ ɖo na yigbe nú hùn-yi-ɖò-lanmɛ ǎ. Yé nɔ yigbe nú amasin alɔkpa ɖevo lɛ, ɖi amasin e mɛ hùn ɖebu ma ɖe ǎ lɛ é yi-ɖò-lanmɛ. Yé jlo na nɔgbɛ̀, amɔ̌ yé nɔ tɛnkpɔn bo nɔ hwlɛn gbɛ̀ yetɔn lɛ gbɔn sɛ́n Mawu tɔn lɛ gbìgbà gbla mɛ ǎ.—Matie 16:25.

Copyright © 2006 Watch Tower Bible and Tract Society of Pennsylvania. All rights reserved.