Ko Se Ma’uli Faka Famili e Mālie’ia e Le Atua

1. E fakasā e le Tosi-Tapu ko le tagata ko le pule o lona famili. (1 Kolinito 11:3) E tonu ke āvaga le tagata mo se fafine e tasi. E tonu ke lā āvaga o mulimuli ki le lao o le pule’aga.–1 Timoteo 3:2; Tito 3:1.

2. E tonu ke alofa le tagata ki lona āvaga o fai pe lona alofa fa’i kiate ia totonu. E tonu ke ’aga a ia o fā’ī fakamālielie lona āvaga o fai pe le fā’ī fakamālielie e Sesu o ana kau tisipulo. (Efeso 5:25, 28, 29) E se tonu i se temi ke ’aga ia o pātū lona āvaga pe ’aga ia o fā’ī fakaveliveli’i. Kae e tonu ke ’aga ia o fakamā’uiga’i ti mo fakapoipoi ki ai.–Kolose 3:19; 1 Petelo 3:7.

Ko se tamana alofa e soli e ia ki lona famili a ne’a alā e ’aoga kia lātou i le potu fakatino ti mo le potu fakalaumalie

3. E tonu ke ga’oi pakia a le tamana mo soli a ne’a alā e ’aoga ki lona famili. E tonu ke soli e ia a le ne’akai, mo ne’alava, ti mo se nofo’aga ki lona āvaga ti mo lana fānau. Tasi leia ne’a, e tonu ke soli e le tamana ki lona famili a ne’a alā e ’aoga i le potu fakalaumalie. (1 Timoteo 5:8) E takitaki e ia lona famili o tokoi kiai ke lotou ako o uiga mo le Atua ti mo Ana fakatu’utu’u.–Tetelonome 6:4-9; Efeso 6:4.

4. E tonu ke tokoi mālie a le fafine ki lona āvaga. (Senesi 2:18) E tonu ke tokoi ki lona āvaga, o ako’i ti mo akonaki’i lalā fānau. (Taagapati 1:8) E fakama’ua e Seova ki le fafine āvaga ke tokaga ki lona famili aki le alofa. (Taagapati 31:10, 15, 26, 27; Tito 2:4, 5) E tonu ke fakapoipoi lasi ki lona āvaga.–Efeso 5:22, 23, 33.

5. E fakama’ua e le Atua ke fakalogo a le fānau ki alātou mātu’a. (Efeso 6:1-3) E loto a ia ke ako’i ti mo fakatonutonu’i e mātu’a lalātou fānau. E ’aoga ke fakatasi a mātu’a mo alātou fānau ti mo ako le Tosi-Tapu mo lātou, o lātou tokakaga ki ne’a alā e ’aoga kia lātou i le potu fakalaumalie ti mo ne’a alā i olātou loto. (Tetelonome 11:18, 19; Taagapati 22:6, 15) E se tonu i se temi ke akonaki’i e mātu’a alātou fānau aki se aga fefeka ti mo se agamakeke.–Kolose 3:21.

E loto le Atua ke ako’i e mātu’a lalātou fānau ti mo fakatonutonu’i lātou

6. Kapau e se felogoi mālie se taumātu’a, e tonu ke lā faiga’i ke lā ma’uli’i a tokoi alā a le Tosi-Tapu. E fakaloto makeke’i tātou e le Tosi-Tapu ke tou fakasā le alofa ti mo le loto fakamolemole. (Kolose 3:12-14) E se fakaoloolo e le Folafola a le Atua ke mavete faka temi se taumatu’a mo fakatokatoka o ni gā visia. Kae e mafai ke filifili e le fafine ke nofo kese i lona āvaga (1) mo kapau e se soli e ia a ne’a alā e ’aoga ki lona famili, (2) mo kapau e agamakeke o fakatupu tu’utāmaki ki lona ma’uli (3) mo kapau ko lana fakafesagai e faigata’a ai ki lana tausi leia kia Seova.–1 Kolinito 7:12, 13.

7. E tonu ki le taumātu’a ke lā fe’agatonu’aki. Ko le tono e ko le agasala i mu’a o le Atua mo lokita soa. (Epeleo 13:4) Ko le felāve’i fakatino i tu’a atu o le nofo faka taumātu’a, e ko le tupu’aga fa’i lenā e tasi faka Tosi-Tapu ke mavete ai, ti mo toe āvaga. (Mateo 19:6-9; Loma 7:2, 3) E vesi’a a Seova ki le potu lenā mokā mavete se taumatu’a kae e se iai sona tupu’aga faka Tosi-Tapu, o toe āvaga mo se tasi.–Malakia 2:14-16.

Copyright © 2006 Watch Tower Bible and Tract Society of Pennsylvania. All rights reserved.