1. ’I le temi leinei, kua lasi a ne’a mālilie alā kua kotou ako i le Tosi-Tapu. Ko le atamai malama leia e tonu ke taki ai koutou ke kotou ma’ua a le natula fo’ou faka Kilisiteano. (Efeso 4:22-24) Ko le atamai malama lenā e mā’uiga ke kotou ma’ua ai le ma’uli le’egato. (Soane 17:3) Kae e toe aoga ki le fenua ke lotou fakalogo ki le logo mālie ke lotou toe sao ai foki. Ko le kau Kilisiteano mā’oki fuli e tonu ke lotou fakamafola ki le fenua. E ko se ne’a na fakatotonu e le Atua.–Loma 10:10; 1 Kolinito 9:16; 1 Timoteo 4:16.
2. E mafai ke kotou kamata vaevae a manatu mālilie alā e kotou lolotoga ako mo lātou e feofi mo koutou. Kotou fakasā a ne’a anā ki lokotou famili, mo okotou kaune’a, mo okotou kau ako, ti mo okotou kau ga’oi. Ka kotou fakasā a manatu anā, e tonu ke kotou agamālie ti mo fa’a kataki. (2 Timoteo 2:24, 25) Kotou manatu’i, i le agamasani, ko le fenua-la e lotou tokaga’i tafito le aga a se tasi, i salātou fakalogo ki ne’a alā e pati ake kia lātou. Koia kapau e mālie lakotou aga ti e mafai ke uga ai le fenua ke lotou fakalogo ki le logo leia e kotou fakasā ake kia lātou.–Mateo 5:16; 1 Petelo 3:1, 2, 16.
3. I le ano o le temi, kua lagi mafai loa ke kotou kamata fai fakamafola mo le kau Fakamā’oki a Seova i lokotou kokelekasio. E ko se potu mā’uiga ki lakotou tuputupu. (Mateo 24:14) Ko se toe fiafia e kotou ma’ua loa mo kapau na mafai sakotou tokoi ki se tasi ke liliu ko se kaunaga a Seova ti mo ma’ua e ia le ma’uli le’egato!–1 Tesalonika 2:19, 20. |
