Ana Tia Kakoaua Iehova—Antai Ngaiia? Tera Aia Koaua?

Ara Kakao Nakoim

Ti kukurei n taetae nikawai ma ngkoe rinanon baan te boki aei. Ara kaantaninga bwa ko boni kukurei naba ngkai ko a tia n reiakina riki taekaia Ana Tia Kakoaua Iehova. Taiaoka ni butimwaea ara kakao nakoim ae ko na kawarira n ara Maneaba n Uea ae mena n am kaawa. Ko na nora iai aron waakinan ara botaki. Ao n nora naba arora ni kataia n tibwatibwa euangkerion te baretaiti i aon te aonnaba ae e na mena i aan ana Tautaeka n Uea Kristo.

E a tia ni beritana anne te Atua. “Ti kariaa koroni bukin ana taeka te Atua, ba karawa ae e bou ma aonaba ae e bou, ike e na maeka iai te raoiroi.” (2 Betero 3:13, BK) A mwaiti tienture aika a a tia ni bwakanako ngkai. E a kaan roko n tokina te tai n tataninga. E kanikinaeaki anne ni bwaai aika a riiriki n te aonnaba ngkai.

Ngkai “kam nora te Bong arei ba e a kan roko,” e taku te abotoro Bauro, “ti na i taratara n iangoi arora ba ti aonga ni keiakinira ni karika te tangira ma makuri aika raraoi. Ao ti na tai kaki te bobotira.” (Ebera 10:24, 25) Ti kaoko bwa ko na ira nanon ana reirei Bauro aei n te aro ae ko na uaia ni bobotaki ma ngaira.

Ko kani kawaraki?

Copyright © 2006 Watch Tower Bible and Tract Society of Pennsylvania. All rights reserved.