Mba’éicha ikatu reikuaa Ñandejára ojeruréva

1. La Biblia ha’e peteĩ regalo guasu ome’ẽva Ñandejára. Ha’ete peteĩ carta omondóva túva ohayhúva ita’yrakuérape. Omombe’u ñandéve añetegua Ñandejáragui: mávapa ha’e ha mba’épa ojerure ñandehegui. La Biblia omombe’u mba’éicha ikatu ñambohovái problemakuéra ha mba’éicha ikatu jahupyty vy’a añetetéva. La Biblia añoite he’i ñandéve mba’épa jajapova’erã ñaime porã hag̃ua Ñandejára ndive. (Salmo 1:1-3; Isaías 48:17, 18.)

2. La Biblia ohaiva’ekue 40 kuimba’e rupi, 1.600 años pukukue aja, oñepyrũ 1513-pe, Jesucristo ou mboyve. Oguereko ipype 66 libro’ikuéra. Umi kuimba’e ndohaíri ijeheguireínte. Ha’ekuéra ohai Ñandejára pensamiento. Upéicharõ Biblia Apohare ha’e Ñandejára yvágape oĩva, ndaha’éi peteĩ tapicha yvypóra. (2 Timoteo 3:16, 17; 2 Pedro 1:20, 21.)

3. Ñandejára oñangareko Bíbliare ojecopia vove ani hag̃ua oñecambia térã okañy. Ko’ág̃a g̃uarã hetaiteve Bíbliama ojejapo oimeraẽ líbrogui. Ani reimo’ã opavave ovy’ataha nendive restudia haguére la Biblia. Upevére, aníke reheja upéva ndejoko. Futuro opa’ỹva reguerekóta reikuaárõ Ñandejárape ha rejapórõ ha’e oipotáva, oĩrõ jepe ndejokoséva. (Mateo 5:10-12; Juan 17:3.)

Copyright © 2006 Watch Tower Bible and Tract Society of Pennsylvania. All rights reserved.