Mávapa Jesucristo?

1. Ou mboyve ko Yvy ári Jesús ha’eva’ekue peteĩ persona espiritual oikóva yvágape. Chupe raẽ ojapova’ekue Ñandejára; upévare oñehenói chupe Ñandejára Ra’y “ypykue”. (Colosenses 1:15; Revelación 3:14.) Jesús añoite ha’e Ta’ýra Ñandejára ojapova’ekue oiporu’ỹre avavépe. Jehová oiporu Jesúspe ou mboyve ko Yvy ári “ipytyvõha ramo”, ojapo hag̃ua opa mba’e oĩva yvága ha Yvýpe (Proverbios 8:22-31; Colosenses 1:16, 17.) Ñandejára avei oiporu chupe oñe’ẽ hag̃ua hérape. Upévare Jesúspe oñehenói “pe Ñe’ẽ”. (Juan 1:1-3; Revelación 19:13.)

2. Ñandejára ombou Ita’ýra ko Yvýpe oguerovávo hekove María retepýpe. Upéicha rupi Jesús ndoguerekói peteĩ túva ha’éva yvypóra; upévare ndoguerúi ijehe pecado ha imperfección. Ñandejára ombou Jesús ko Yvy ári mbohapy mba’ére: 1) Ñanembo’e hag̃ua añetegua Ñandejáragui (Juan 18:37), 2) ojapopaite hag̃ua Ñandejára oipotáva ha omoĩ upéicha peteĩ modelo jaguata hag̃ua (1 Pedro 2:21) ha 3) ome’ẽ hag̃ua hekove ñande rehehápe ha ñandepe’a upéicha pecado ha ñemanógui. Mba’érepa oñekotevẽra’e ha’e omano? (Mateo 20:28.)

3. Omboykévo Ñandejára ñe’ẽ, ñande ypykue, Adán, ojapo pe Biblia ombohérava “pecado”. Upévare Ñandejára he’i chupe omanova’erãha. (Génesis 3:17-19.) Ndoikovéima haguére Ñandejára oipotaháicha, ojei chugui perfección oguerekova’ekue. Mbeguekatúpe ituja ohóvo, ha upéi omano. Adán ombohasa pecado opavave ita’yrakuérare. Upévare ñande avei ñande tuja, ñande rasy ha ñamano. Mba’éichapa ikatútara’e ojesalva yvyporakuérape? (Romanos 3:23; 5:12.)

4. Jesús iperfectova’ekue, Adán iperfectohaguéicha. Jesús katu iñe’ẽrendu Ñandejárape ijetu’uvehápe jepe, ndojoguái Adánpe. Upéicha rupi ikatu ome’ẽ hekove perfecto opaga hag̃ua Adán pecádore. La Biblia ohenói upévape “rescate”. Ha upéicha Adán ra’ykuéra ikatúta ojehekýi ñemanógui. Opavave omoĩva fe Jesucrístore ikatu oguereko perdón hembiapo vaíre ha ohupyty jeikove opa’ỹva. (1 Timoteo 2:5, 6; Juan 3:16; Romanos 5:18, 19.)

Omba’apórõ guare ko Yvy ári, Jesús oporombo’e, ojapo milagro ha ome’ẽ hekove ñanderehe

5. Oĩrõ guare ko Yvy ári, Jesús omonguera umi hasýva, omongaru ivare’ávape ha ojoko ára pochy. Omano’akue jepe omoingove. Mba’érepa ojapo ã milagro? 1) Oiporiahuverekógui umi ohasa asývape ha oipytyvõségui chupekuéra. 2) Ã milagro ojapova’ekue ohechauka ha’eha Ñandejára Ra’y. 3) Ohechauka ojapótava umi yvypóra ine’ẽrendúvare ogoberna vove ko Yvy ári. (Mateo 14:14; Marcos 2:10-12; Juan 5:28, 29.)

6. Omanóvo Jesús, Ñandejára omoingove jey chupe, oiko chugui peteĩ tekove espiritual, ha oho jey yvágape (1 Pedro 3:18.) Upe rire Ñandejára ojapo chugui Rey. Ko’ẽrõite Jesús oipe’apáta opaichagua mba’e vai ha sufrimiento oĩva ko Yvy ári. (Salmo 37:9-11; Proverbios 2:21, 22.)

Copyright © 2006 Watch Tower Bible and Tract Society of Pennsylvania. All rights reserved.