 |
Beliefs | Future | Medical | Topics | Contact Us | Publications | Languages |
| Mba’épa ojerure Ñandejára ñandehegui? | Lección 9  |
Ñandejárape oservíva ipotĩva’erã |
|
 |
Mba’érepa ñanepotĩva’erã opaite mba’épe? (1) |
|
Mba’épa he’ise ñanepotĩ espiritualmente? (2) Mba’éicha ikatu ñanepotĩ moralmente? (3) Mba’éichapa ñanepotĩkuaa mentalmente? (4) Mba’e he’ise ñanepotĩ ñande retépe? (5) |
|
Mba’eichagua ñe’ẽ ky’ápa ñamboykeva’erã? (6) |
1. Ñandejára Jehová ipotĩ ha imarangatu. Ha’e oha’arõ opavave ohayhu añetéva chupe oñemopotĩ espiritual, moral, mental ha hetépe. (1 Pedro 1:16.) Ñañeha’ã heta va’erã jaiko potĩ hag̃ua Ñandejára rovake. Jaiko peteĩ mundo ky’ápe. Avei, ñande pype voi jaguereko deseo ñanera’ãva mba’e vairã. Upéicharõ jepe naiporãi ñañeme’ẽ ko’ã mba’épe. 
2. Teko ipotĩva espiritualmente: Jajaposérõ Jehová he’íva, ndaikatúi jaiporu mba’eveichagua enseñanza térã costumbre oguerekóva umi religión falsa. Jajeiva’erã umi religión fálsagui ha ani ñame’ẽ apoyo chupe mba’evépe. (2 Corintios 6:14-18; Revelación 18:4.) Jaikuaa porã rire Ñandejára he’íva, jajerekova’erã umi japu ombo’évagui. (2 Juan 10, 11.) 3. Teko ipotĩva moralmente: Jehová oipota umi oadoráva chupe oiko opa ára cristiano añeteguáicha. (1 Pedro 2:12.) Ha’e ohechapaite umi jajapóva, jajapórõ jepe kañyhápe. (Hebreos 4:13.) Ñamboykeva’erã teko vai sexo rehegua ha opaichagua mba’e ky’a ojejapóva ko múndope. (1 Corintios 6:9-11.) 4. Teko ipotĩva mentalmente: Ñamyenyhẽrõ ñane akã umi mba’e iporã ha ipotĩvagui, ñande reko avei ipotĩta. (Filipenses 4:8.) Upéicha avei manterei ñapensárõ mba’e ky’áre, katuete ja’áta mba’e vaípe. (Mateo 15:18-20.) Ñamboykeva’erã umi diversión ikatúva omongy’a ñane mente. Jastudiárõ Ñandejára Ñe’ẽ, ñamyenyhẽta ñane akã mba’e potĩgui. 5. Rete ipotĩva: Ñande cristiano ñarrepresenta Ñandejárape, upévare ñane potĩva’erã ñande ao ha ñande retépe. Tekotevẽ jajepohéi ñasẽ rire báñogui, ha avei jakaru ha japoko mboyve tembi’úre. Ndajarekóirõ ogapýpe ñamondo hag̃ua mba’e ky’a bañopegua, ñañotỹva’erã umi mba’e. (Deuteronomio 23:12, 13.) Ñañemopotĩrõ ñaneresãive. Cristiano rogakuéra ipotĩva’erã ha ndojehechaiva’erã sarambi okápe térã kotypýpe. Ojekuaava’erã opárupi heko potĩha. 6. Ñe’ẽ ipotĩva: Ñandejárape oservíva oñe’ẽva’erã pe añetegua opa ára. Umi ijapúva ndoikemo’ãi Ñandejára Réinope. (Efesios 4:25; Revelación 21:8.) Cristianokuéra ndoiporúi ñe’ẽ vai. Nohendúi ha nomombe’úi mba’eveichagua ñe’ẽ tie’ỹ oje’éva pukarã. Ojehecha ramo imba’apohápe, escuela ha opa oikoha rupi oiporúgui ñe’ẽ potĩ. (Efesios 4:29, 31; 5:3.)
|
Osẽva’ekue 1997-pe |
 |
Copyright © 2006 Watch Tower Bible and Tract Society of Pennsylvania. All rights reserved. |
|
