Creencia ha costumbre naiporãiva Ñandejárape

Ñandejára ndaha’éi peteĩ Trinidad

1. Ndaopavavéi creencia ha costumbre ivai. Upéicharõ jepe Ñandejára ndohechaporãi umi oúva religión fálsagui térã ombo’éva Bíbliape oĩ’ỹva. (Mateo 15:6.)

2. Trinidad: Ha’épa Jehová peteĩ Trinidad, he’iséva mbohapy persona oĩva peteĩme? Nahániri. Jehová, ñande Ru, ha’e “Tupã añete ha peteĩetéva”. (Juan 17:3; Marcos 12:29.) Jesús ha’e Ñandejára Ra’y ypykue, ha upévare oñemoĩ Ñandejára poguýpe. (1 Corintios 11:3, VP.) Túva tuichave Ta’ýragui. (Juan 14:28.) Pe espíritu santo katu ndaha’éi peteĩ persona; ha’e pe fuerza activa Ñandejára oiporúva. (Génesis 1:2; Hechos 2:18.)

Navidad ha Pascua Florida ojegueru religión falsa ymaguarégui

Ndaipóri mba’érepa ñame’ẽvo adoración omanova’ekuépe térã jakyhyje chuguikuéra

3. Navidad ha Pascua Florida: Jesús nonaséi 25 de diciembre, ha’e onase uvei 1 de octubre rupi. Umi árape ovechakuéra oguerekóva oñangareko hesekuéra okápe pyharekue. (Lucas 2:8-12.) Araka’eve Jesús nde’íri jafesteja hag̃ua ára ha’e onase hague. He’i uvei ñanemandu’a hag̃ua pe ára omano hague. (Lucas 22:19, 20.) Navidad ha umi costumbre oĩva hendive ou religión falsa ymaguarégui. Upeichaite avei umi mba’e ojejapóva Pascua Florídape, ojeporuhápe conejo ha huevo de Pascua. Iñepyrũme cristianokuéra ndofestejaiva’ekue Navidad térã Pascua Florida, upévare avei ndojapói ko’ág̃a umi cristiano añetéva.

4. Cumpleaños: Bíbliape oñemombe’u mokõi cumpleaños añoite, ha umíva ojapova’ekue tapichakuéra ndoadoráiva Jehovápe. (Génesis 40:20-22; Marcos 6:21, 22, 24-27.) Umi cristiano ypykue ndofestejai’akue cumpleañokuéra. Pe costumbre ojegueru umi religión falsa ymaguarégui. Cristiano añetéva ome’ẽ regalo ha ovy’a oñondive oimeraẽ árape.

5. Omanóvagui jekyhyje: Omanova’ekue ndaikatúi ojapo ha oñandu mba’eve. Ñande ndaikatúi ñaipytyvõ chupekuéra, ha ha’ekuéra ndaikatúi ojapo mba’e vai ñanderehe. (Salmo 146:4; Eclesiastes 9:5, 10.) Pe alma omano; ndoikovéi ñemano rire. (Ezequiel 18:4.) Ha sapy’ánte katu umi ángel aña, oñehenóiva demonio, oñembohasa ha’erõguáicha umi omanova’ekue espíritu. Opaichagua costumbre oĩva ha ojejapóva ojekyhyjégui omanova’ekuégui térã oñeme’ẽ hag̃ua adoración chupekuéra, naiporãi. (Isaías 8:19.)

6. Kurusu: Jesús nomanói peteĩ kurusúre; omano uvei peteĩ yvyráre, peteĩ poste. Pe ñe’ẽ oúva griégogui ha ojehaíva “kurusu” heta Bíbliape, he’ise peteĩ yvyra pehẽngue añónte. Pe kurusu ra’anga ojeporúva ojegueru religión falsa ymaguarégui. Iñepyrũme cristianokuéra ndoiporúi ha nome’ẽiva’ekue adoración kurusúpe. Upévare, iporãpa vaicha ndéve jaiporu peteĩ kurusu ñame’ẽ hag̃ua adoración Ñandejárape? (Deuteronomio 7:26; 1 Corintios 10:14.)

7. Ikatuva’erã hasy ndéve reheja ko’ã creencia ha costumbre. Ikatu avei oĩ nde rogaygua térã nde rapicha oñeha’ãva ani hag̃ua reheja ko’ã mba’e. Pero, iporãve ñambovy’a Ñandejárape ñambovy’a rangue ñande rapichápe. (Proverbios 29:25; Mateo 10:36, 37.)

Copyright © 2006 Watch Tower Bible and Tract Society of Pennsylvania. All rights reserved.