1. Ko’ág̃a reikuaáma heta mba’e porã Bíbliagui. Ko’ã mba’e ikatuva’erã nepytyvõ rehupyty hag̃ua cristiano reko. (Efesios 4:22-24.) Avei, pe conocimiento reikotevẽ rehupyty hag̃ua jeikove opa’ỹva. (Juan 17:3.) Upéicha avei nde rapicha oikotevẽ ohendu pe mensaje porã oguereko hag̃ua salvación. Opavave cristiano añetéva ome’ẽva’erã testimonio. Ñandejára oipota ojejapo upéicha. (Romanos 10:10; 1 Corintios 9:16; 1 Timoteo 4:16.)
2. Ikatu reñepyrũ remombe’u pe mba’e porã reikuaáva rehóvo umi tapichápe oĩva nde ykére. Emombe’u nde rogayguápe, ne amigokuérape, ne irũnguéra escuelapegua ha umi nendive omba’apóvape. Upéva rejapova’erã tory ha paciencia reheve. (2 Timoteo 2:24, 25.) Nemandu’áke tapichakuéra omañaraẽha umi jajapóva ha upéi pe ja’évare. Upévare, nde reko potĩrõ ikatu nerendu porãve reñe’ẽ jave chupekuéra. (Mateo 5:16; 1 Pedro 3:1, 2, 16.)
3. Ha upéicha, ikatu avei rejapopa umi mba’e oñeha’arõva ndehegui ha upéicha resẽkuaa repredica congregación testigo de Jehová ndive. Kóva tuicha nepytyvõta ha ndegueraháta tenonderã. (Mateo 24:14.) Revy’aiténepa reipytyvõrõ peteĩ tapichápe oservi hag̃ua Jehovápe ha upéicha ohupyty avei jeikove opa’ỹva! (1 Tesalonicenses 2:19, 20.) |
