 |
Beliefs | Future | Medical | Topics | Contact Us | Publications | Languages |
KUKWE NIETA NI KÄ JÖKRÄ
BITI KRÄKE
¿Dre abokän Ngöbö kukwei ngwarbe? ¿Jondron blo nuainta krubäte Ngöbö kukwei käbiti ye tä mä mike ulire? ¿Mä töi kukwe kuin bätä, angwane ni mada Ngöbö mike täte niere bä amare nemen rüre jabe. Kukwe blo nuainne kä juruä ngwankäre nibätä. Arato tä kukwe era metre tuenmetre, kukwe käme nuainkäre ye abokän tä mate tare mäbätä? ¿Ñobätä raba tuin nie nitre Ngöbö mikaka täte niekä ye arabe köböite tare nikata krubäte?
Kukwe jökrä ñaka ngite, Ngöbö kukwei ngwarbe ye aibe ngite, Ni iti ütüäte krubäte nänkä Ngöbö kukweibätä, Jesukristo, käkwe niebare Ngöbö kukwei ngwarbe ye käta kukwe käme nuainne, “kri käme abko käre ngwätä nebe käme” ye erere (Mateo 7:15-17, Kukwe Kuin Ngöbökwe). ¿Dre ngökwä, o kukwe käme, nuainta Ngöbö kukwei ngwarbe yekwe?
TÄ JA MRITE RÜTE BÄTÄ KUKWE GOBRAN KÄTIBIEMBÄTÄ YEBE: “Kä kädekata Asia känti bätä mendogwäre kä mada biti, nitre ji dugwä ngwanka kukwebätä tö ja tuabätä bäri kri. Kukwe ngwarbe drieta kuetre Ngöböbätä yebiti tätre ni mada ngökö. Ne nuainta kuetre ne kue tö dre dre ie erere rabadre kue medenkäre”, nieta tärägwata kädekata Asiaweek bätä. Tärägwata ne arabe tä niere, ne köböite mada, “kukwe tare nakainkä käbiti tibien ye bäsi ükate ñaka raba”. Ni iti ütüäte kri ji dokwä ngwanka kukwebätä kä kädekata Estados Unidos känti käkwe niebare: “Nitre tä ni mada kämike kä juruä ngwankäre nibätä, ni ye abokän kämikadre, ne kue ni kämikata krubäte ye ketadrebätä”. ¿Kukwe ne ükadrete ño nieta kue? “Nitre tö ni mada kämikabätä ye kämikadre jökrä Ngöbö kä yebiti”. Tärä Ngöbökwe abokän tä niere bäjene kröre: “Akwa nire nire käkwe niedre: ‘Tita Ngöbö tarere’, niedre kwe, ye btäräbe tädre bätä ngwen mräkäbtä, ni ye abko tä ni ngökö” (1 Juan 4:20, Kukwe Kuin Ngöbökwe). Jesús käkwe niebare: “Munkwe mun rüe tare” [“taredre”, Traducción del Nuevo Mundo] (Mateo 5:44, Kukwe Kuin Ngöbökwe). ¿Nitre kukwe ketabe bätä, tä nemen rübätä raba ruin mäi?
NGÖBÖ KUKWEI NGWARBE ÑAKA KUKWE METRE DRIERE: Ngöbö kukwei kuati tä driere, nita krüte näire ni üai nire nikwe ye abokän tä nemente nire nieta kuetre, Kukwe drieta nebiti Ngöbö kukwei kuati tä nitre nänkä kukwebätä ye nägwite, ne ñañobätä ja muaita ni ngwakare yebätä biti ütüate kärätä ie. Akwa, tärä Ngöbökwe tä kukwe bä jene driere. “Ni nire ja mike ngite... naira ye arabe gatai” (Ezequiel 18:4). “Ni gatai gare ni tä nire ye ie; akwa nitre ngwakare, niaratre töi ñaka nibira jire” (Eclesiastés 9:5). Jesús käkwe driebare, nitre ngatanina ye mikaita nire, ni nire üai ñaka ngatain akrä ni mikaita nire nieta, ye ñaka rabadrera ütüäte (Juan 11:11-25). ¿Ni üai nire ñaka ngatain, drieta kukwe mäkwe yebätä?
NGÖBÖ KUKWEI NGWARBE ÑAKA JA MIKA GURE NGWARBE YE ÑÄKÄIRE: Kä mada gänti, kukwe ruäre kätä nitre ja mike gure ni brare ruäre ben o merire ruäre ben ye kädeke ji dokwä ngwanka kukwebätä. Arato nitre ruäre nemen gure jabe ye abokän gobrankwe kangäbitidre ie tötaneme. Ja mika gure ngwarbe ye käme nieta kukwe ruärebätä akwa arabe käta ni ji dokwä ngwanka kukwebätä käkwe küdrebare käme monso kiabätä, ye tuemetre ji dokwä ngwen kukwebätä. Akwa, ¿dre drieta tärä Ngöbökwebätä ja mika gure ngwarbe yebätä? Tä niere metre: “Ñan ja ngökamana, ni ja mikaka gure ngwarbe, ni jondron ngwarbe mikaka ngöböre jai, ni tärä gure akwa ja mike gure ni madabe, ni brare ja mike merire, ni brare ruäre nemen jabe […] nitre ne abokän gobran Ngöbökwe ye ñaka rabai kue” (1 Corintios 6:9, 10). ¿Ngöbö kukwei meden tärä ja mika gure ngwarbe ye kaingäbiti gare mäi?
¿Ngöbö kukwei käta kukwe käme nuainne ye kräke dre tä ja känenkäre? Jesús ni mikani mokre: “Kri mden kämekäme abko ngwä nemen ñaka kuinkuin abko erere tikakata, bti kitata ñukwäte” (Mateo 7:19). Ne erere, ¡Ngöbö kukwei ngwarbe ye tikaikä biti gaide! Akwa ño, ¿bätä ñongware ne rabai bare? Dre rabai bare ja känenkäre ye abokän bämikani, känenkri köböre. Ne tä tikani tärä Ngöbökwebätä Apocalipsis, capitulo 17 bätä 18 känti raba niere nie.
Kukwe ngwarbe ye tä gobrane “jrei jökräbti” kä tibien nebätä yebiti
“Mun jen tikwe ye, nän mento juta ne bäre”
Ari bämike ja töibätä. Meri kä ngwarbe biti tä täkani jondron nire krübare biti. Jondron kri krübare ye abokän dokwä kuä kükü bätä krotu krä jätä (Apocalipsis 17:1-4). ¿Meribiti kä ngwarbe ye tä nire bämike? Tä gobrane “jrei jökräbti” kä tibien nebätä yebiti. Daungutu bä tain drüne ütüäte krubäte tä kite jabätä, amne kri ngwäri rä bäne kukwadre kädekata incienso tä kue, bätä ngwian bökäne krübäte. Ne madakäre, kwrasibti (kukwe ja mäkätä chokabe) yebiti “ni kä keta kabre [“jökrä”, NM] biti ngökani kue” (Apocalipsis 17:18; 18:12, 13, 23, Kukwe Kuin Ngöbokwe). Tärä Ngöbökwe tä mike gare nie, meri kä ngwarbe biti ye abokän Ngöbö kukwei ngwarbe kä jökrä biti meden kärätä. Kukwe jökrä ngökwä nemenkä käme o jondron käme nuainne ye kärätä, ñan kukwe kuatebe aibe.
Jondron nire krübare biti meri kä ngwarbe biti tä täkäni, ye abokän gobran krikri käte tibien meden bä mikata (Apocalipsis 17:10-13). Ngöbö kukwei ngwarbe ye abokän tä nangwani jondron nire krübare gobranka yebiti kuin. Tödaneme jondron kri krübäre ye tuai töbike ja töi erere, ne kue tö dre dre ie erere nuaindre gäre.
Akwa, gwäunne kukwe ñan tuabare rabai bare. “Krotu krä jätä turi mäkwe, amne jändrän kri krübare, ye abko mätä rabai kri meri bti kä ngwarbe yebtä. Meri juandi ngwarbe amne mikadite kaibe bütiere kwe. Ngätä kwetadi jökrä kwetre, amne kukwadi jökrä ñukwäte kwetre” (Apocalipsis 17:16, Kukwe Kuin Ngöbökwe). Kukwe ngüba ñaka abokän rakaikä käkwe ni ngwain nikenkä. ¡Gobrandre krikri käte tibien ye rigwitai Ngöbö kukwei ngwarbe ye rüere, biti gaite täte kuetre! ¿Dre käkwe töi mikadi kukwe ne nuainne? Tärä Ngöbökwe Apocalipsis känti tä niere nie: “Dre nuendre, ie Ngöbö tö namani, erere mikani kwe niaratre töite” (Apocalipsis 17:17, Kukwe Kuin Ngöbökwe). Jondron jökrä käme nuainta Ngöbö ye käbiti kukwe ngwarbe yekwe, ye abokän Ngöbö käkwe ükaite ben. Töi era metre biti, gobrandre kä tibienbiti ja ketamuko kue, niara dimikaka ye arabe biti gaite kue.
Ngöbö kukwei ngwarbe krütai, ¿ye erere mä ñan tö tuai nakainkä jabätä aune mä raba dre nuainne? “Mun jen tikwe ye nän mento juta ne bare”, nieta Ngöbö kukwei niekä ye käkwe (Apocalipsis 18:4, Kukwe Kuin Ngöbökwe). Metrere bäkänä, ¡kä nengwane nita Ngöbö kukwei ngwarbe ye tuametrekä! Akwa, ¿nebätä mada ni ñaka rabadrera töngwe Ngöböbätä ai kärätä nete? Ñakare, ne ñañobätä aune ni ñaka töngwe Ngöböbätä ye abokän kräke kukwe tare tä ja känenkäre arato (2 Tesalonicenses 1:6-9). Ngöbö kukwei metre aibe känti ni kriemika raba. ¿Ñokänti Ngöbö kukwei metre ye raba nüke gare mäi?
¿Dre ngökwä kuin, o kukwe kuin, Ngöbö kukwei metre ye raba nuainne? (Mateo 7:17).
NGÖBÖ KUKWEI METRE NÜKE GARE JA TARERE YEBÄTÄ. Nitre Ngöbö mike metre täte ye “ñaka nekete nitre ñaka Ngöbö kukwei mike täte yekri”. Ñaka ja denkä mento kuata bä jene o nüne bä jene yebätä. Ne arato “ja taretre kwärikwäri kuetre (Juan 13:35, Kukwe Kuin Ngöbökwe; 17:16; Hechos 10:34, 35). Ñaka ja kämiketre kwärikwäri, ja tare krubäte kuetre ye medenbätä raba ja tuemetre kämikadre ja ütüäre kwärikwäri (1 Juan 3:16).
NGÖBÖ KUKWEI METRE TÄ TÖNGWEN NGÖBÖ KUKWEI IE. Ngöbö kukwei metre ñaka “kukwe ükaninte” ni ja ruäre käkwe ye driere. Ngöbö kukwei tä tikani tärä Ngöbökwebätä ye erere drieta kue (Mateo 15:6-9, Kukwe Kuin Ngöbökwe). ¿Ñobäta? Ne ñañobätä aune, “Ngöbö Kukwei jökrä abko Ngöbökwe mikani gare metre nitre tärä tikakaye, aisete kukwe ütiäte dirikrä amne kuin mäträkrä amne, kuin ni mda töi diankrä” (2 Timoteo 3:16, Kukwe Kuin Ngöbökwe).
NGÖBÖ KUKWEI METRE TÄ NITRE JA MRÄKÄRE YE DIMIKE ARATO KUKWE ÜTÜÄTE METRE TÄ NUAINNE. Ngöbö kukwei metre tä ni brare tötike ne kue “niara tä ja ngrabare tarere au, ye kwrere meri kwe taredre kwe”, tä ni merire dimike “ni brare […] mika [“mikakäre”, NM] ütiäte jae”, bätä tä monsotre tötike “run btä […] meye kukwei mika [“mikakäre”, NM] täte” jae (Efesios 5:28, 33; 6:1, Kukwe Kuin Ngöbökwe). Ne mada, nire kisete sribi ütüäte mikata ye abokän tä ja ngwanka kuin era metre (1 Timoteo 3:1-10).
¿Kukwe kädrieta nete ne abokän kukwe ruäre tärä nuainne täte? Tärä kädekata Holocaust Politics, tikani kä 2001 te tä niere: “Nitre testiko Jehová tä dre nuainne bätä kukwe drieta kuetre ye erere ni mada käkwe nünandre, akrä nitre Judios kuati kämikani Alemania ye abokän ñaka rabadre bare. Arato nitre kä ruäre känti gaga tödaneme ye ñaka nuain rabadrera käbiti tibien”.
Ne erere, kä 235 känti, testikotre Jehová ñan tä kukwe kuin metre tärä Ngöbökwebätä ye driere rekäbe, dre drieta kuetre erere tä nüne arato. Ngöbö tö dre nuaimana mäi ye mä raba driegna jai testikotre Jehová yei, ne kue mäkwe Ngöbö mikadre täte niara tö ie erere. Mäkwe dre nuaindi ye abokän mäkwe nuaindre gwäunne kä nengwäre. Mä ñan kä mika näin ta jabiti. ¡Kä krüte ye nibira ja ken Ngöbö kukwei ngwarbe yekrä! (Sofonías 2:2, 3.)
Sribebare kä 2006 te |
 |