 |
Beliefs | Future | Medical | Topics | Contact Us | Publications | Languages |
| Pathian Nih Zeidah A Kan Hal? | Cawnnak 11  |
Pathian Lung A Lawmhter Lomi Zumhnak le Phunglam Hna |
|
 |
Zeibantuk zumhnak le phunglam hna dah a hmaan lo? (1) |
|
Khrihfa hna nih Pathian cu Trinity a si tiah an zumh awk a si maw? (2) |
|
Zeicahdah a hmaanmi Khrihfa hna nih Christmas, Easter, le chuahni cu an lawmh lo? (3, 4) |
|
Mithi nih minung kha harnak an pe kho hna maw? (5) |
|
Jesuh cu vialamtung cungah a rak thi maw? (6) |
|
Pathian lung lawmhter cu zeitluk biapi dah a si? (7) |
1. Zumhnak le phunglam vialte hi a ṭhalomi an si dih lo. Sihmanhsehlaw a hmaanlomi biaknak in a rami le Baibal cawnpiaknak he aa ralchanmi hna cu Pathian nih a duh lo. — Matthai 15:6. 2. Trinity: Jehovah cu Trinity—Pathian pakhat chungah minung pathum a si maw? Si hlah! Jehovah, Pa cu, “a hmaanmi Pathian pakhat lawnglawng,” a si. (Johan 17:3; Marka 12:29) Jesuh cu Fater a si i, amah cu Pathian kut tangah a um. (1 Korin 11:3) Pa cu fapa nakin a ngan deuh. (Johan 14:28) Thiangthlarau cu mi pakhat a si lo; hi cu Pathian a rianṭuan ṭhawnnak tu a si. —Genesis 1:2; Lamkaltu 2:18.
3. Christmas le Easter: Jesuh cu December ni 25 ah a chuak lo. Amah cu, kum khat chung i tuukhal hna nih an tuurun khualeng ah zan ah an chiah lio can, October ni 1 hrawngah a rak chuak. (Luka 2:8-12) Jesuh nih Khrihfa pawl kha a chuahnak conglomh awkah nawl a pe bal hna lo. Amah zultu pawl kha a thihnak tu kha philhlonak tuah awk asiloah philh lo dingin a rak chimh deuh hna. (Luka 22:19, 20) Christmas le a phunglam vialte cu hlan lio a hmaanlomi biaknak in a rami lawngte an si dih. Arti le saveh hmannak te hna ti bantuk Easter phunglam hna zong cubantuk ṭhiamṭhiam a si ve ko. Hmasa Khrihfa hna cu Christmas le Easter hi an rak tuah bal lo i, atu chan i a hmaanmi Khrihfa hna zong nih an tuah ve lo. 4. Chuahni: Baibal chung i chimmi chuahnak ni lawmhnak pahnih cu Jehovah a bia lomi hna nih an rak tuahmi a si. (Genesis 40:20-22; Marka 6:21, 22, 24-27) Hmasa Khrihfa hna zong chuahni an rak lawm bal lo. Chuahni lawmhnak phunglam hna cu a hmaanlomi biaknak in a rami a si. A hmaanmi Khrihfa hna nih kumkhat chung i can dangdang ah laksawng cu an i pe i an i nuam tawn hna. 5. Mithi ṭihnak: Mithi cu zeihmanh an tuah kho lo i an hngal kho fawn ti lo. Zeihmanh kan bawm kho ti hna lo i anmah zong nih harnak zeihmanh an kan pe kho ti lo. (Salm 146:4; Phungchimtu 9:5, 10) Thlarau cu a thi; thih hnu ahcun a nung ti lo. (Ezekiel 18:4) Sihmanhsehlaw a cancan ah vancungmi miṭhalo hna, khuachia kan timi hna nih, mithi thlarau bantuk ah an i canter tawn. Mithi ṭih le biaknak he aa tlaimi phunglam paohpaoh cu an hmaan lo.—Isaiah 8:19. 6. Vailamtung: Jesuh cu vailamtung cungah a rak thi lo. Amah cu tung asiloah tungzum pakhat cungah a rak thi. Baibal tampi i “vailamtung” tiah an lehmi Khrihk holh cu thing pakhat tinak men a si ko. Vailamtung hmelchunhnak cu hlan lio a hmaanlomi biaknak in a rami a si. Hmasa Khrihfa hna nih vailamtung cu an rak hmangin an rak bia bal lo. Cucaah biaknak ca i vailamtung hman cu a hmaan lai tiah na ruat maw?—Deuteronomi 7:26; 1 Korin 10:14. 7. Hi zumhnak le phunglam cheukhat hna kaltak le hlawt cu a har ngai men ko lai. Cingla rualchan le hawikawm hna zong nih na zumhnak i thlen lo dingin an in lem ko lai. Sihmanhsehlaw minung lung lawmhter nakin cun Pathian lung lawmhter kha biapi deuh a si. — Phungthlukbia 29:25; Matthai 10:36, 37. |
||||||
1996 kum ah chuah asi |
 |
Copyright © 2006 Watch Tower Bible and Tract Society of Pennsylvania. All rights reserved. |
|
