1. Ku nai ove we rihonga oviṋa ovingi okuza mOmbeibela. Ondjiviro ndji i sokutjita kutja u kare noundu wOukriste. (Ovaefese 4:22-24) Ondjiviro otja indjo onanḓengu kokutja ove u mune omuinyo waaruhe. (Johanes 17:3) Posi yokutja, varwe wina mave hepa okuzuva ombuze ombwa kokutja wina owo ve hupisiwe. Ovakriste avehe vatjiri va sokuzuvarisa ku varwe. Oro eronga okuza ku Mukuru.—Ovaroma 10:10; 1 Ovakorinte 9:16; 1 Timoteus 4:16.
2. Ove mo yenene okuuta mokuzuvarisa ku imba mbe ri popezu na ove, oviṋa oviwa ove mbi morihongo. Raera kovazamumwe woye, omapanga, ovakweṋu woskole novakweṋu mbu mu ungura pamwe. Kara nomutima omupore nomuretima ngunda a motjiti imbi. (2 Timoteus 2:24, 25) Zemburuka kutja ovandu potuingi ve tara komeritjindiro womundu kombanda ya indi tji mave puratene ku imbi eye mbi ma heye. Ku nai, omeritjindiro woye omawa maye yenene okunana varwe kokupuratena kombuze ove ndji move raere.—Mateus 5:16; 1 Petrus 3:1, 2, 16.
3. Motjimanga, ove mo yenene okukara nomayenenisiro wokuuta okuzuvarisa pu na ombongo yOvahongonone vaJehova yopopezu. Indji oyo ondondo onahepero momekuriro woye mu imbi mbi morihongo. (Mateus 24:14) Onyuṋe iṋe indjo, indu ove tjiwa yenene okuvatera omundu warwe okurira omukarere waJehova na munu omuinyo waaruhe!—1 Ovatesalonika 2:19, 20. |
