Ondando Yoye Okukarera Mukuru

1. Okurira epanga raMukuru, ove wa sokukara nondjiviro ombwa youatjiri wOmbeibela (1 Timoteus 2:3, 4), o kara nongamburiro mu imbi mbi we rihonga (Ovaheberi 11:6), o tanauka okuza kourunde woye (Oviungura 17:30, 31), notjiti ondanaukiro momurari womuinyo woye. (Oviungura 3:19) Okuzambo orusuvero roye ku Mukuru rwa sokukuhinga okuriyandja omuini ku ye. Ihi matji heye kutja mongumbiro yoye omuini peke, ove momuraere kutja ove moriyandja kuye okutjita ombango ye.—Mateus 16:24; 22:37.

2. Kombunda ya indi ove tji wa zu nokutjita omeriyandjero ku Mukuru, ove wa sokupapitisiwa. (Mateus 28:19, 20) Ombapitisimo i tjuukisa ku avehe kutja ove we riyandja omuini ku Jehova. Ku nai, ombapitisimo oya imba uriri mbe kura okuyenena okutjita ondando okukarera Mukuru. Indu omundu tja papitisiwa, orutu rwe aruhe rwa sokuhitisiwa kehi yomeva katjisupi.*—Markus 1:9, 10; Oviungura 8:36.

3. Kombunda yokuriyandja, Jehova u undjira ko kove okuhupa otja komakwizikiro woye. (Epsalme 50:14; Omuzuvarise 5:4, 5) Omudiaboli ma kondjisa okukutjaera kutja ove ohakarere Jehova. (1 Petrus 5:8) Nungwari tumbuka ku Mukuru mongumbiro. (Ovafilipi 4:6, 7) Konḓonona Embo re eyuva arihe. (Epsalme 1:1-3) Kara popezu nombongo. (Ovaheberi 13:17) Mokutjita imbi avihe, ove momunu omasa okurira omuṱakame ku Mukuru. Kongaaruhe ku nai ove mo yenene okutjita oviṋa Mukuru mbye undjira kove!

Ove mo yenene okuyakura ondjiviro yokomeho poo omakonḓononeno wOmbeibela woponganda wotjari? Tjanga koJehovah’s Witnesses koadresa ondjenene. Ozoadresa

* Omerihongero mOndjiviro Ndji Twara kOmuinyo Waaruhe, poo embo otjingero nda pitisiwa i oWatch Tower Bible and Tract Society, ri ṋangerwa ko momeriṱunino kombapitisimo.

Copyright © 2006 Watch Tower Bible and Tract Society of Pennsylvania. All rights reserved.