 |
Beliefs | Future | Medical | Topics | Contact Us | Publications | Languages |
| ¿Ngün andiüm Teat Dios marangaats? | 12 Akiaacheran  |
Matajkaats respetar a bida at a kiej |
|
 |
A bida ¿Ngineay netam majawaats? (1) ¿Jow ajlos tiüt nop níne nganaw wijkiam? (1) |
|
¿Ngineay ajüikichaw ajküw mondüüb teat Krísto nembeat majawüw mibída junejiw ngomayaküw tiül naél? (2) |
|
Mambiyeran nimal ¿ngomaneaja? (3) |
|
¿Kwáne ngomajneaj arangüch ajüik ngomatajküch respetar mibídaran? (4) |
|
¿Ngün miley nej Teat Dios andüy wüx kiej? (5) |
|
¿Akiiüb tiül ayarich kiej? (6) |
1. Imiün niüng ajlüy Teat Jeoba ajngot mibídajaats. Meáwan leaw almapak ajüchiw mibída junejiw Teat Dios (Salmo 36:9). A bida nangaj majaw Teat Dios. Atmiün kiaj mibída nop níne nganaw wijkiam aliün teomeaats mimüm nej, nembeat majaw Teat Jeoba. Arangüch wüx omeaatsaran mambiyeran nop níne tengeleaman arangüy, ngomajneaj majaw Teat Dios (Éxodo 21:22, 23; Salmo 127:3).
2. Ajküw naleaing mondüüb teat Krísto nembeat majawüw mibída junejiw ngo mayaküw tiül naél. Arangüw impena ngo marang naél mikarrojüw nejiw at niüng aküliw (Deuteronomio 22:8). Ajküw monrang minajiüt Teat Dios ngo mayaküw tiül naél mibída junejiw andiümüw miün. Pares ngo matsojow tiül montsoj, niüng alndom metoleyej arangüw wüx omeajtsüw matoliw alinop nipilan. Ngomajlüyiw tiül kwantasnej mamongochiw najneaj noikiores, niüng alndom majküyiw xeyay (Salmo 11:5; Juan 13:35). 3. Aag Nerang ikoots aton ajaw mibída nimal nangaj. A nendüüb teat Krísto alndom mambiy nimal matsamb, mesojkiay, mawün nej wüx monandeow tengwüy tiül naél (Génesis 3:21; 9:3; Éxodo 21:28). Ngomajneaj müünd mamongochiw nekoy ajküw nimal tengwüy mambiyeran andiüramiün, matsojaran ajneajay omeaatsaran (Proverbios 12:10). 4. Maeeberan, mantsajaran xiig at manganeowaran droga ajneajay omeaatsaran ngo marangüw ayaj mondüüb teat Krísto. Ajküw kwantasnej arangüch kiaj ngomajneaj kos 1) nipilan langondom makweat 2) androoch ombas mikwerpo nej 3) at üüch meyiiüt ombas nej (Romanos 6:19; 12:1; 2 Corintios 7:1). Makweateran ajküw arangüch kiaj alndom marang naél, sitiül andiümaats müjchiiüts mapak omeaats Teat Jeoba netam marangaats. 5. Aaga kiej aton nangaj majaw Teat Dios. Nej apiüng aaga alma, amb apiüng, bida, altiül kiej. Pares müeteran kiej ngomanajneaj. Aton ngomajneaj matsaramb mionij nop nimal ngo majawan mikiej nej najneaj. Sitiül nop nimal napatsüch onik tengwüy nandeow tiül trampa ngondom matsaramb. Sitiül nambiyeran naag nots netil tengwüy napeperan, netam majawan mikiej nej najeniün majneaj matsaramb (Génesis 9:3, 4; Levítico 17:13, 14; Hechos 15:28, 29). 6. ¿Ngomajneaj mayariiüts kiej? Ich leaam imeaats Teat Jeoba atün ngomayariiüts kiej. Amb apiüng ngo metam mayakaats tiül mikwerpojaats, amb nejingind láda mikiej alinop nipilan tengwüy mikiejiiüts, jondot landoj atajküch guardar noik láda (Hechos 21:25). Pares ajküw naleaing mondüüb teat Krísto ngomajmeliw kiej. Péro ajaj ayariw alinoik süüig ngomajiür kiej. Nind apaküw péro ngo matsojow miley Teat Dios para mawüniw wüx mibída junejiw (Mateo 16:25). |
||
Ajineran wüx 2004 |  |
Copyright © 2006 Watch Tower Bible and Tract Society of Pennsylvania. All rights reserved. |
|
