Ngineay alndom mixom relijion naleaing

1. Teat Jesus tawitich aag miün noik relijion naleaing mondüüb nej. Pares nganüy nüt netam majlüy aag miün noik ajlüy naleaing monrang kas Teat Jeoba Dios (Juan 4:23, 24; Efesios 4:4, 5). A Bíblia akiaach napateay ambüw tiül narix tiiüd akiiüb andüy niüng apakaran (Mateo 7:13, 14).

2. A Bíblia lamapiüng wüx landeowüw ajküw apostol apmajmeliw teamteáman tiül monkanchiün mondüüb teat Krísto, akiaacheran ngomaleaing at ajküw ngomajneaj arangüch, a yaj ngo marangüw mondüüb teat Krísto. Apmajlüy monxey apmanototoj ajküw montaag kreer mandüüb nejiw, at apmambajküw ngóme apmandüjpiw teat Krísto (Mateo 7:15, 21-23; Hechos 20:29, 30). Pares majawaats xeyay relijion palpálwüx at apiüngüw andüjpiw teat Krísto. ¿Ngineay alndom majawaats jáne nejiw naleaing mondüüb teat Krísto?

3. Ajküw naleaing mondüüb teat Krísto leaw ajüik tiül nejiw, nendiümayej xeyay tiülan nejiw (Juan 13:34, 35). Ngo makiaacheranüw wüx marangüw pensar najneajiw ngomatnejiw nipilan alinoik mikolor miotaag ombas. Aton ngo makiaacheranüw wüx majküyiw majawüw nipilan monaw alinoik kambaj (Hechos 10:34, 35). Naw kiaj ngo majlüyiw tiül nikwajind gérra. Ajküw naleaing mondüüb teat Krísto ajawayej nop alinop atnej mikojow michijkiaw nejiw (1 Juan 4:20, 21).

Ajküw naleaing mondüüb teat Krísto nendiümayej nop alinop, atajküw respetar a Bíblia at andeaküw masajüw nipilan wüx Mirréino Teat Dios

4. Alinoik ajüikich relijion naleaing kos atajküw respetar a Bíblia imiün tiül omeajtsüw. Ajawüw a Bíblia Mipoch Teat Dios at atajküw kreer leaw apiüng (Juan 17:17; 2 Timoteo 3:16, 17). Nejiw ajawüw Mipoch Teat Dios ayaj netam tiül ngóme mipensar nipilan tengwüy kostúmbre (Mateo 15:1-3, 7-9). Arangüw impena tiül mibídajüw nejiw kada nüt marangüw leaw teakiachejey wüx. Pares ngo mandeaküw pálwüx, kondom marangüw pálwüx (Tito 1:15, 16).

5. Ajküw aliw tiül relijion naleaing aton netam majawüw nembeat minüt Teat Dios (Mateo 6:9). Teat Jesus tüüch majüik minüt Teat Dios, Jeoba, at ajküw naleaing mondüüb teat Krísto netam marangüw atmiün nej (Juan 17:6, 26; Romanos 10:13, 14). ¿Jáne nejiw ambüw mandeaküw wüx minüt Teat Dios niüng ikül?

6. Ajküw naleaing mondüüb teat Krísto netam mandeaküw wüx Mirréino Teat Dios masajüw nipilan. Teat Jesus tarang, nej meáwan tandeak andüy wüx Réino (Lucas 8:1). Aton, tatamandar ajküw mimonkiajchay nej mandeaküw andüy wüx aaga nanderak kiaj meáwan wüx Iüt (Mateo 24:14; 28:19, 20). Ajküw naleaing mondüüb teat Krísto atajküw kreer áagan Mirréino Teat Dios alndom makajmiün naleaing monajneaj andüy wüx Iüt, at ngóme apmajlüy monbool omeaats (Salmo 146:3-5).

7. Ajküw mimonkiajchay teat Jesus ngo makiejpüw tiül leaw arang nemeech nipilan (Juan 17:16). Ngo majlüyiw tiül polítika at ngomajlüyiw tiül monküy leaw nipilan arangüw. Ngo marangüw kwantasnej ngomajneaj leaw alndom mayak nejiw tiül naél leaw nipilan arangüw (Santiago 1:27; 4:4). ¿Ixom mijaw monkanchiün monjiür relijion niüng ikül, ajüik nejiw naleaing mondüüb teat Krísto?

Copyright © 2006 Watch Tower Bible and Tract Society of Pennsylvania. All rights reserved.