 |
Beliefs | Future | Medical | Topics | Contact Us | Publications | Languages |
| ¿Ngün andiüm Teat Dios marangaats? | 14 Akiaacheran  |
Ngineay arangüw najiüt mitestígo Teat Jeoba |
|
 |
Ajküw mitestígo Teat Jeoba nganüy nüt ¿ngüt amelichaw? (1) |
|
¿Ngineay kanchiüjow mitestígo Teat Jeoba? (2) |
|
¿Ngineay angüyeran leaw androocheran? (3) |
|
¿Jáne among mbas tiül noiknoik monkanchiün? (4) |
|
¿Kwáne nadamdam kanchiüwaran ajlüy noiknoik neat? (5) |
|
Tiül miofisina junejiw niüng atijpeaw okweajaran at tiül miofisina junejiw meáwan wüx iüt ¿kwáne najiüt arangüch kiaj? (6) |
1. Ajküw mitestígo Teat Jeoba, nganüy nüt amelichaw tiül 1870-1880 ajküw a neat kiaj. Wüx amelich minütiw nejiw monkiajchay wüx Bíblia, péro tiül neat 1931 tayariw minütiw nejiw imiün tiül Bíblia, mitestígo Teat Jeoba (Isaías 43:10). Nde wüx amelichaw mitestígo Teat Jeoba asta nganüy, lamatüch xeyay miyon, among 230 kambaj teamandeaküw wüx Mipoch Teat Dios. 
2. Meáwan mitestígo Teat Jeoba kanchiüjow arojmbüw tiül seman. Apajüw ik miriümb ngüntasnej wüx kanchiüjow (Hebreos 10:24, 25). Leaw akiajchiw niüng kanchiüjow ajngot imiün tiül Bíblia. Wüx kanchiümoj amelichaw akiiüb orasion at wüx andondochiw, at meáwan wüx kanchiüjow atajküw kantar imiün tiül omeajtsüw para marangüw kas Teat Dios (Efesios 5:18, 19). Alndom mijmeliün ngomajtan tomiün (Mateo 10:8). 3. Lamemeáwan mitestígo Teat Jeoba kanchiüjow tiül Miíüm Réino. Lamemeáwan Miíüm Réino, ngomajiürjiür kwantasnej, arangüw Testígo ambeolüw miün ngo maküliw mangüyeranüw. Kiaj ngóme apmijaw narangüch dios, krus nikwajind alinoik atnej. Leaw androocheran ayaküw nipilan ambeolüw miün. Ajküw leaw andiümüw mayaküw tomiün alndom mayaküw tiül kaja niüng ajmel kiriw (2 Corintios 9:7).
4. Tiül noiknoik monkanchiün ajlüy natang monxey, tengwüy monjaw wüx monkanchiün, amongoj mbas tiül akiajchiw (1 Timoteo 3:1-7; 5:17). Ajküw monbeol tiül monkanchiün, ambeolüw natang monxey tiül monkanchiün (1 Timoteo 3:8-10, 12, 13). Ninop nialinop mayaag nej alkawüx tiül monkanchiün (2 Corintios 1:24). Ngo mayaküch minütiw nejiw nembeat (Mateo 23:8-10). Asogeyej noik nej. Aag najiüt arangüw ngo maküliw mangüyeranüw. Ajküw natang monxey mitestígo Teat Jeoba tiül monkanchiün akiajchiw andüy wüx Teat Dios akiiüb monajneaj. Atijpeaw okweajaran wüx ajlüy naél at ambeolüw mayaagaran najneaj (Santiago 5:14-16; 1 Pedro 5:2, 3). 5. Ajküw mitestígo Teat Jeoba aton arangüw tiül noiknoik neat nadam monkanchiün. Tiül aaga nüt kiaj kanchiüjow xeyay ajlüy monkanchiün, mangiayiw noik ajlüy nembeat nanderak imiün tiül Bíblia. Tiül meáwan nadam monkanchiün ayariw yow jayats mondüüb teat Krísto (Mateo 3:13-17; 28:19, 20). 6. Nueba York almajlüy miofisina junejiw mitestígo Teat Jeoba niüng atijpeaw okweajaran. Kiaj almajlüy Xeneng montiib okweajaran, noik ajlüy natang monxey, ndoj ombasüw marangüw najiüt, ajlüyiw wüx majawüw meáwan monkanchiün montaag kreer wüx iüt. Aton meáwan wüx iüt among koik miow miofisina mitestígo Teat Jeoba niüng atijpeaw okweajaran. Ajküw monrang najiüt kiaj, ambeolüw miün ngomaküliw mangüyeranüw, ambeolüw wüx marangüw naag nadam mákina at müjchiw mamb nawiig andeak andüy wüx Bíblia. Imiün kiaj ajngot aaga najiüt ambaran nden wüx nden. ¿Neol ngo mirang pensar mimong kiaj tiül a ofisina neserka niüng ikül?
|
|||
Ajineran wüx 2004 |  |
Copyright © 2006 Watch Tower Bible and Tract Society of Pennsylvania. All rights reserved. |
|
